Chapter 45

taṃ jāgratamadambhena bhrāturarthāya lakṣmaṇam |
guhaḥ saṃtāpasaṃtapto rāghavaṃ vākyamabravīt || 1 ||
[Analyze grammar]

iyaṃ tāta sukhā śayyā tvadarthamupakalpitā |
pratyāśvasihi sādhvasyāṃ rājaputra yathāsukham || 2 ||
[Analyze grammar]

ucito'yaṃ janaḥ sarvaḥ kleśānāṃ tvaṃ sukhocitaḥ |
guptyarthaṃ jāgariṣyāmaḥ kākutsthasya vayaṃ niśām || 3 ||
[Analyze grammar]

na hi rāmāt priyataro mamāsti bhuvi kaścana |
bravīmyetadahaṃ satyaṃ satyenaiva ca te śape || 4 ||
[Analyze grammar]

asya prasādādāśaṃse loke'smin sumahad yaśaḥ |
dharmāvāptiṃ ca vipulāmarthāvāptiṃ ca kevalām || 5 ||
[Analyze grammar]

so'haṃ priyasakhaṃ rāmaṃ śayānaṃ saha sītayā |
rakṣiṣyāmi dhanuṣpāṇiḥ sarvato jñātibhiḥ saha || 6 ||
[Analyze grammar]

na hi me'viditaṃ kiṃ cidvane'smiṃścarataḥ sadā |
caturaṅgaṃ hyapi balaṃ sumahat prasahemahi || 7 ||
[Analyze grammar]

lakṣmaṇastaṃ tadovāca rakṣyamāṇāstvayānagha |
nātra bhītā vayaṃ sarve dharmamevānupaśyatā || 8 ||
[Analyze grammar]

kathaṃ dāśarathau bhūmau śayāne saha sītayā |
śakyā nidrā mayā labdhuṃ jīvitaṃ vā sukhāni vā || 9 ||
[Analyze grammar]

yo na devāsuraiḥ sarvaiḥ śakyaḥ prasahituṃ yudhi |
taṃ paśya sukhasaṃviṣṭaṃ tṛṇeṣu saha sītayā || 10 ||
[Analyze grammar]

yo mantra tapasā labdho vividhaiśca pariśramaiḥ |
eko daśarathasyaiṣa putraḥ sadṛśalakṣaṇaḥ || 11 ||
[Analyze grammar]

asminpravrajito rājā na ciraṃ vartayiṣyati |
vidhavā medinī nūnaṃ kṣiprameva bhaviṣyati || 12 ||
[Analyze grammar]

vinadya sumahānādaṃ śrameṇoparatāḥ striyaḥ |
nirghoṣoparataṃ tāta manye rājaniveśanam || 13 ||
[Analyze grammar]

kausalyā caiva rājā ca tathaiva jananī mama |
nāśaṃse yadi jīvanti sarve te śarvarīmimām || 14 ||
[Analyze grammar]

jīvedapi hi me mātā śatrughnasyānvavekṣayā |
tadduḥkhaṃ yattu kausalyā vīrasūrvinaśiṣyati || 15 ||
[Analyze grammar]

anuraktajanākīrṇā sukhālokapriyāvahā |
rājavyasanasaṃsṛṣṭā sā purī vinaśiṣyati || 16 ||
[Analyze grammar]

atikrāntamatikrāntamanavāpya manoratham |
rājye rāmamanikṣipya pitā me vinaśiṣyati || 17 ||
[Analyze grammar]

siddhārthāḥ pitaraṃ vṛttaṃ tasmin kāle hyupasthite |
pretakāryeṣu sarveṣu saṃskariṣyanti bhūmipam || 18 ||
[Analyze grammar]

ramyacatvarasaṃsthānāṃ suvibhaktamahāpathām |
harmyaprāsādasaṃpannāṃ gaṇikāvaraśobhitām || 19 ||
[Analyze grammar]

rathāśvagajasaṃbādhāṃ tūryanādavināditām |
sarvakalyāṇasaṃpūrṇāṃ hṛṣṭapuṣṭajanākulām || 20 ||
[Analyze grammar]

ārāmodyānasaṃpannāṃ samājotsavaśālinīm |
sukhitā vicariṣyanti rājadhānīṃ piturmama || 21 ||
[Analyze grammar]

api satyapratijñena sārdhaṃ kuśalinā vayam |
nivṛtte vanavāse'sminnayodhyāṃ praviśemahi || 22 ||
[Analyze grammar]

paridevayamānasya duḥkhārtasya mahātmanaḥ |
tiṣṭhato rājaputrasya śarvarī sātyavartata || 23 ||
[Analyze grammar]

tathā hi satyaṃ bruvati prajāhite narendraputre gurusauhṛdādguhaḥ |
mumoca bāṣpaṃ vyasanābhipīḍito jvarāturo nāga iva vyathāturaḥ || 24 ||
[Analyze grammar]