Chapter 12

putraśokārditaṃ pāpā visaṃjñaṃ patitaṃ bhuvi |
viveṣṭamānamudīkṣya saikṣvākamidamabravīt || 1 ||
[Analyze grammar]

pāpaṃ kṛtveva kimidaṃ mama saṃśrutya saṃśravam |
śeṣe kṣititale sannaḥ sthityāṃ sthātuṃ tvamarhasi || 2 ||
[Analyze grammar]

āhuḥ satyaṃ hi paramaṃ dharmaṃ dharmavido janāḥ |
satyamāśritya hi mayā tvaṃ ca dharmaṃ pracoditaḥ || 3 ||
[Analyze grammar]

saṃśrutya śaibyaḥ śyenāya svāṃ tanuṃ jagatīpatiḥ |
pradāya pakṣiṇo rājañjagāma gatimuttamām || 4 ||
[Analyze grammar]

tatha hyalarkastejasvī brāhmaṇe vedapārage |
yācamāne svake netre uddhṛtyāvimanā dadau || 5 ||
[Analyze grammar]

saritāṃ tu patiḥ svalpāṃ maryādāṃ satyamanvitaḥ |
satyānurodhāt samaye velāṃ khāṃ nātivartate || 6 ||
[Analyze grammar]

samayaṃ ca mamāryemaṃ yadi tvaṃ na kariṣyasi |
agrataste parityaktā parityakṣyāmi jīvitam || 7 ||
[Analyze grammar]

evaṃ pracodito rājā kaikeyyā nirviśaṅkayā |
nāśakat pāśamunmoktuṃ balirindrakṛtaṃ yathā || 8 ||
[Analyze grammar]

udbhrāntahṛdayaścāpi vivarṇavanado'bhavat |
sa dhuryo vai parispandanyugacakrāntaraṃ yathā || 9 ||
[Analyze grammar]

vihvalābhyāṃ ca netrābhyāmapaśyanniva bhūmipaḥ |
kṛcchrāddhairyeṇa saṃstabhya kaikeyīmidamabravīt || 10 ||
[Analyze grammar]

yaste mantrakṛtaḥ pāṇiragnau pāpe mayā dhṛtaḥ |
taṃ tyajāmi svajaṃ caiva tava putraṃ saha tvayā || 11 ||
[Analyze grammar]

tataḥ pāpasamācārā kaikeyī pārthivaṃ punaḥ |
uvāca paruṣaṃ vākyaṃ vākyajñā roṣamūrchitā || 12 ||
[Analyze grammar]

kimidaṃ bhāṣase rājan vākyaṃ gararujopamam |
ānāyayitumakliṣṭaṃ putraṃ rāmamihārhasi || 13 ||
[Analyze grammar]

sthāpya rājye mama sutaṃ kṛtvā rāmaṃ vanecaram |
niḥsapatnāṃ ca māṃ kṛtvā kṛtakṛtyo bhaviṣyasi || 14 ||
[Analyze grammar]

sa nunna iva tīkṣeṇa pratodena hayottamaḥ |
rājā pradocito'bhīkṣṇaṃ kaikeyīmidamabravīt || 15 ||
[Analyze grammar]

dharmabandhena baddho'smi naṣṭā ca mama cetanā |
jyeṣṭhaṃ putraṃ priyaṃ rāmaṃ draṣṭumicchāmi dhārmikam || 16 ||
[Analyze grammar]

iti rājño vacaḥ śrutvā kaikeyī tadanantaram |
svayamevābravīt sūtaṃ gaccha tvaṃ rāmamānaya || 17 ||
[Analyze grammar]

tataḥ sa rājā taṃ sūtaṃ sannaharṣaḥ sutaṃ prati |
śokāraktekṣaṇaḥ śrīmānudvīkṣyovāca dhārmikaḥ || 18 ||
[Analyze grammar]

sumantraḥ karuṇaṃ śrutvā dṛṣṭvā dīnaṃ ca pārthivam |
pragṛhītāñjaliḥ kiṃ cittasmāddeśādapākraman || 19 ||
[Analyze grammar]

yadā vaktuṃ svayaṃ dainyānna śaśāka mahīpatiḥ |
tadā sumantraṃ mantrajñā kaikeyī pratyuvāca ha || 20 ||
[Analyze grammar]

sumantra rāmaṃ drakṣyāmi śīghramānaya sundaram |
sa manyamānaḥ kalyāṇaṃ hṛdayena nananda ca || 21 ||
[Analyze grammar]

sumantraścintayāmāsa tvaritaṃ coditastayā |
vyaktaṃ rāmo'bhiṣekārthamihāyāsyati dharmavit || 22 ||
[Analyze grammar]

iti sūto matiṃ kṛtvā harṣeṇa mahatā punaḥ |
nirjagāma mahātejā rāghavasya didṛkṣayā || 23 ||
[Analyze grammar]

tataḥ purastāt sahasā vinirgato mahīpatīndvāragatān vilokayan |
dadarśa paurān vividhānmahādhanānupasthitāndvāramupetya viṣṭhitān || 24 ||
[Analyze grammar]