Chapter 26

[English text for this chapter is available]

śrīmārkaṇḍeya uvāca |
prahlādaṃ sarvadharmajñaṃ vedaśāstrārthapāragam |
vaiṣṇavāgamatattvajñaṃ bhagavadbhaktitatparam || 1 ||
[Analyze grammar]

sukhāsīnaṃ mahāprājñamṛṣayo draṣṭumāgatāḥ |
sarvaśāstrārthatattvajñāḥ svadharmapratipālakāḥ || 2 ||
[Analyze grammar]

ṛṣaya ūcuḥ |
vinā jñānādvinā dhyānādvinā cendriyanigrahāt |
anāyāsena yenaitatprāpyate paramaṃ padam || 3 ||
[Analyze grammar]

saṃkṣepātkathaya snehāddṛṣṭādṛṣṭaphalodayam |
dharmānmanujaśārdūla brūhi sarvānaśeṣataḥ || 4 ||
[Analyze grammar]

ityukto'sau mahābhāgo nārāyaṇaparāyaṇaḥ |
kathayāmāsa saṃkṣepātsarvalokahitodyataḥ || 5 ||
[Analyze grammar]

śrīprahlāda uvāca |
śrūyatāmabhidhāsyāmi guhyādguhyataraṃ mahat |
yasya saṃśravaṇādeva sarvapāpakṣayo bhavet || 6 ||
[Analyze grammar]

aṣṭādaśapurāṇānāṃ sārātsārataraṃ ca yat |
tadahaṃ kathayiṣyāmi bhuktimuktiphalapradam || 7 ||
[Analyze grammar]

sukhāsīnaṃ mahādevaṃ jagataḥ kāraṇaṃ param |
papraccha ṣaṇmukho bhaktyā sarvalokahitodyataḥ || 8 ||
[Analyze grammar]

skanda uvāca |
bhagavansarvalokānāṃ duḥkhasaṃsārabheṣajam |
kathayasva prasādena sukhopāyaṃ vimuktaye || 9 ||
[Analyze grammar]

īśvara uvāca |
caturvidhaṃ tu yatpāpaṃ koṭijanmārjitaṃ kalau |
jāgare vaiṣṇavaṃ śāstraṃ vācayitvā vyapohati || 10 ||
[Analyze grammar]

vaiṣṇavasya tu śāstrasya yo vaktā jāgare hareḥ |
madbhaktaṃ taṃ vijānīyādvipannastvanyathā bhavet || 11 ||
[Analyze grammar]

harijāgaraṇaṃ kāryaṃ madbhaktena vijānatā |
anyathā pāpino jñeyā ye dviṣanti janārddanam || 12 ||
[Analyze grammar]

jāgaraṃ ye ca kurvaṃti gāyaṃti harivāsare |
agniṣṭomaphalaṃ teṣāṃ nimiṣārddhena ṣaṇmukha || 13 ||
[Analyze grammar]

jāgare paśyatāṃ viṣṇormukhaṃ rātrau muhurmuhuḥ |
yeṣāṃ hṛṣyaṃti romāṇi rātrau jāgaraṇe hareḥ |
kulāni divi tāvaṃti vasaṃti harisannidhau || 14 ||
[Analyze grammar]

yamasya pathi nirmuktā janāḥ pāpaśatairvṛtāḥ |
gītaśāstravinodena dvādaśījāgarānvitāḥ || 15 ||
[Analyze grammar]

suprabhātā niśā teṣāṃ dhanyāḥ sukṛtino narāḥ |
prāṇātyayena muhyaṃti yaiḥ kṛtaṃ jāgaraṃ hareḥ || 16 ||
[Analyze grammar]

putriṇaste narā loke dhaninaḥ khyātapauruṣāḥ |
yeṣāṃ vaṃśodbhavāḥ putrāḥ kurvaṃti harijāgaram || 17 ||
[Analyze grammar]

iṣṭaṃ makhaiḥ kṛtaṃ dānaṃ dattaṃ piṃḍaṃ gayāśire |
snātaṃ nityaṃ prayāge tu yaiḥ kṛtaṃ jāgaraṃ hareḥ || 18 ||
[Analyze grammar]

dayitā viṣṇubhaktāśca nityaṃ mama ṣaḍānana |
kurvaṃti vāsaraṃ viṣṇoryasmājjāgaraṇaṃ hitam || 19 ||
[Analyze grammar]

śrutvā harṣaṃ na cāpnoti jāgaraṃ na karoti yaḥ |
prakaṭīkaroti tannūnaṃ jananyā durviceṣṭitam || 20 ||
[Analyze grammar]

saṃprāpya vāsaraṃ viṣṇorna yeṣāṃ jāgaro hareḥ |
vyarthaṃ gataṃ ca tatpuṇyaṃ teṣāṃ varṣaśatodbhavam || 21 ||
[Analyze grammar]

putro vā putraputro vā dauhitro duhitā'pi vā || |
kariṣyati kule'smākaṃ kalau jāgaraṇaṃ hareḥ || 22 ||
[Analyze grammar]

pātyamānāḥ prajalpaṃti pitaro yamakiṃkaraiḥ |
muktirbhaviṣyatyasmākaṃ narakājjāgare kṛte || 23 ||
[Analyze grammar]

nānyathā jāyate'smākaṃ muktiryajñaśatairapi |
vinā jāgaraṇenaiva naralokātkathaṃcana |
tasmājjāgaraṇaṃ kāryaṃ pitṝṇāṃ hitamicchatā || 24 ||
[Analyze grammar]

bhaktirbhāgavatānāṃ ca goviṃdasyāpi kīrtanam |
na dehagrahaṇaṃ tasmātpunarloke bhaviṣyati || 25 ||
[Analyze grammar]

jāgaraṃ kurute yaśca saṃgame vijayādine |
punarddehaprajananaṃ dagdhaṃ tenā'tmanā svayam || 26 ||
[Analyze grammar]

trispṛśā vāsaraṃ yena kṛtaṃ jāgaraṇānvitam |
keśavasya śarīre tu sa līno nātra saṃśayaḥ || 27 ||
[Analyze grammar]

unmīlinī kṛtā yena rātrau jāgaraṇānvitā |
prabhavaṃti na pāpāni sthūlasūkṣmāṇi tasya tu || 28 ||
[Analyze grammar]

satālavādyasaṃyuktaṃ saṃgītaṃ jāgaraṃ hareḥ |
yaḥ kārayati devasya dvādaśyāṃ dānasaṃyutam || 29 ||
[Analyze grammar]

tasya puṇyaṃ pravakṣyāmi mahābhāgavatasya hi |
tilaprasthahasraṃ tu sahiraṇyaṃ dvijātaye |
dattvā yatphalamāpnoti hyayane ravisaṃkrame || 30 ||
[Analyze grammar]

hemabhāraśataṃ nityaṃ savatsaṃ kapilāyutam |
prekṣaṇīyapradānena tatphalaṃ prāpnuyātkalau || 31 ||
[Analyze grammar]

yaḥ punarvāsare putra divyairṛṣikṛtaiḥ stavaiḥ |
toṣayetpadmanābhaṃ vai vaidikairviṣṇusāmabhiḥ || 32 ||
[Analyze grammar]

ṛgyajuḥsāmasambhūtaivaiṣṇavaiścaiva putraka |
saṃskṛtaiḥ prākṛtaiḥ stotrairanyaiśca vividhaistathā || 33 ||
[Analyze grammar]

prītiṃ karoti deveśo dvādaśyāṃ jāgare sthitaḥ |
śṛṇu puṇyaṃ samāsena yadgītaṃ brahmaṇā mama || 34 ||
[Analyze grammar]

triḥsaptakṛtvo dharaṇīṃ triguṇīkṛtya ṣaṇmukha |
dattvā yatphalamāpnoti tatphalaṃ prāpnuyānnaraḥ || 35 ||
[Analyze grammar]

gavāṃ śatasahasreṇa savatsenāpi yatphalam |
tatphalaṃ prāpnuyānmarttyaḥ stotrairyastoṣayeddharim || 36 ||
[Analyze grammar]

vaidikī daśaguṇā prītiryāmenaikena jāgare |
evaṃ phalānusāreṇa kāryyaṃ jāgaraṇaṃ hareḥ || 37 ||
[Analyze grammar]

yaḥ punaḥ paṭhate rātrau gītāṃ nāmasahasrakam |
dvādaśyāṃ purato viṣṇorveṣṇavānāṃ samīpataḥ || 38 ||
[Analyze grammar]

puṇyaṃ bhāgavataṃ skāṃdapurāṇaṃ dayitaṃ hareḥ |
mādhuraṃ bālacaritaṃ gopīnāṃ caritaṃ tathā || 39 ||
[Analyze grammar]

etānpaṭhati rātrau yaḥ pūjayitvā tu keśavam |
na vedmyahaṃ phalaṃ vatsa yadi jñāsyati keśavaḥ || 40 ||
[Analyze grammar]

dīpaṃ prajvālayedrātrau yaḥ stavairharijāgare |
na cāstaṃ gacchate tasya puṇyaṃ kalpaśatairapi || 41 ||
[Analyze grammar]

maṃjarīsahitaiḥ patraistulasīsambhavairharim |
jāgare pūjayedbhaktyā nāsti tasya punarbhavaḥ || 42 ||
[Analyze grammar]

snānaṃ vilepanaṃ pūjā dhūpaṃ dīpaṃ ca saṃstavam |
naivedyaṃ ca satāṃbūlaṃ jāgare dattamakṣayam || 43 ||
[Analyze grammar]

dhyātumicchati ṣaḍvaktraṃ yo māṃ bhaktiparāyaṇaḥ |
 sa karotu mahābhaktyā dvādaśyāṃ jāgaraṃ hareḥ || 44 ||
[Analyze grammar]

vāsare vāsudevasya sarve devāḥ savāsavāḥ |
dehamāśritya tiṣṭhaṃti ye prakurvaṃti jāgaram || 45 ||
[Analyze grammar]

jāgarevāsudevasya mahābhāratakīrtanam |
ye kurvaṃti gatiṃ yāṃti yogināṃ te na saṃśayaḥ || 46 ||
[Analyze grammar]

caritaṃ rāmadevasya ye vadhaṃ rāvaṇasya ca |
paṭhaṃti jāgare viṣṇoste yāṃti paramāṃ gatima || 47 ||
[Analyze grammar]

adhītya caturo vedānkṛtvā caivārcanaṃ hareḥ |
snātvā ca sarvatīrtheṣu jāgare tatphalaṃ hareḥ || 49 ||
[Analyze grammar]

rathānāmayutairyattu sahasrairvaravāraṇaiḥ || lakṣeṇāśvavarāṇāṃ tu tatphalaṃ jāgare hareḥ || 49 ||
[Analyze grammar]

dhānyaśailasahasraistu tulāpuruṣako ṭibhiḥ |
yatphalaṃ munibhiḥ proktaṃ tatphalaṃ jāgare hareḥ || 50 ||
[Analyze grammar]

kanyākoṭipradānaṃ ca svarṇabhāraśataṃ tathā |
dattaṃ ratnāyutaśataṃ yaiḥ kṛto jāgaro hareḥ || 51 ||
[Analyze grammar]

aṣṭādaśapurāṇaistu paṭhitairyatphalaṃ bhavet |
tatphalaṃ śatasāhasraṃ kṛte jāgaraṇe hareḥ || 52 ||
[Analyze grammar]

manvādi paṭhatāṃ śāstraṃ yatphalaṃ hi dvijanmanaḥ |
adhikaṃ phalamāpnoti kurvāṇo jāgaraṃ hareḥ || 53 ||
[Analyze grammar]

durbhikṣe cānnadātṝṇāṃ puṃsāṃ bhavati yatphalam |
saṃnyāsināṃ sahasraistu yatphalaṃ bhojitaiḥ kalau |
phalaṃ tatsamavāpnoti kurvatāṃ jāgaraṃ hareḥ || 54 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe caturthe dvārakāmāhātmye dvādaśījāgaraṇamāhātmyavarṇanaṃnāma ṣaḍviṃśatitamo'dhyāyaḥ || 26 ||
[Analyze grammar]