Chapter 16

[English text for this chapter is available]

prahlāda uvāca |
tato gaccheddvijaśreṣṭhā gadātīrthamanuttamam |
yatra snātvā naro bhaktyā labhedbhūdānajaṃ phalam || 1 ||
[Analyze grammar]

tarpayetpitṛdevāṃśca ṛṣīṃścaiva yathākramam |
śrāddhaṃ ca kārayettatra pitṝṇāṃ tṛptihetave || 2 ||
[Analyze grammar]

gadātīrthe tu deveśaṃ viṣṇuṃ vārāharūpiṇam |
samabhyarcya naro bhaktyā viṣṇuloke mahīyate || 3 ||
[Analyze grammar]

nāgatīrthaṃ tato gacchetsaraḥ paramaśo bhanam |
yatra snātvā naraḥ samyaṅnāgalokamavāpnuyāt || 4 ||
[Analyze grammar]

bhadratīrthaṃ tato gacchetsarastribhuvanārcitam |
snānamātreṇa labhate tiladhenuphalaṃ naraḥ || 5 ||
[Analyze grammar]

citrātīrthaṃ tato gacchetsaraḥ paramaśobhanam |
snānamātreṇa labhate ghṛtadhenuphalaṃ naraḥ || 6 ||
[Analyze grammar]

yadā dvārāvatī viprā plāvitā sāgareṇa hi |
puṇyāni bahutīrthāni cchannāni jalapāṃsubhiḥ || 7 ||
[Analyze grammar]

dṛśyāni katicitsaṃti hyadṛśyānyaparāṇi ca |
tāni sarvāṇi viprendrāḥ kathayiṣyāmi sarvataḥ || 8 ||
[Analyze grammar]

caṃdrabhāgāṃ tato gacchetsarvapāpapraṇāśinīm |
yatra snātvā naro bhaktyā vājapeyaphalaṃ labhet || 9 ||
[Analyze grammar]

devī caṃdrārcitā yatra yaśodā naṃdanaṃdinī |
kaumārikā śaktihastā khaṅgakheṭakadhāriṇī || 10 ||
[Analyze grammar]

keśyādidaityadalinī svasā vai rāmakṛṣṇayoḥ |
yasyā darśanamātreṇa sarvānkāmānavāpnuyāt || 11 ||
[Analyze grammar]

tato gaccheta viprendrāstīrthaṃ mahiṣasaṃjñakam |
yasya darśanamātreṇa mucyate sarvapātakaiḥ || 12 ||
[Analyze grammar]

muktidvāraṃ tato gacchettīrthaṃ pāpa praṇāśanam || 13 ||
[Analyze grammar]

vasiṣṭhena samānītā muninā yatra gomatī |
snāto bhavati gaṃgāyāṃ yatra snātvā kalau yuge || 14 ||
[Analyze grammar]

gomatī niḥsṛtā yasmā tpraviṣṭā varuṇālayam |
tatra snātvā naro bhaktyā aśvamedhaphalaṃ labhet || 15 ||
[Analyze grammar]

bhṛguṇā hi tapastaptaṃ sthāpitā yatra cāṃbikā |
bhṛgvarcitā tato devī prasiddhā śrūyate kṣitau || 16 ||
[Analyze grammar]

saṃsiddhiṃ paramāṃ yāti yasyāḥ saṃsmaraṇānnaraḥ |
śivaliṃgānyanekāni yatra santi mahītale || 17 ||
[Analyze grammar]

tato gaccheta viprendrāḥ kālindīsara uttamam |
kālindī sūryatanayā saraścakre tvanuttamam || 18 ||
[Analyze grammar]

tatra snātvā naro bhaktyā na durgatimavāpnuyāt |
sāṃbatīrthaṃ tato gacchetsarvapāpapraṇāśanam || 19 ||
[Analyze grammar]

kṛtvā śrāddhaṃ ca vidhivallabhedgodānajaṃ phalam || 20 ||
[Analyze grammar]

gacchecca śāṃkaraṃ tīrthaṃ tatastrailokyapāvanam |
yatra snātvā naro bhaktyā labhedbahusuvarṇakam || 21 ||
[Analyze grammar]

tato nāgasaro gacchettīrthaṃ pāpapraṇāśanam |
pitṝnsantarpya vidhivannāgalokamavāpnuyāt || 22 ||
[Analyze grammar]

lakṣmīṃ nadīṃ tato gacchedgacchantīṃ sāgaraṃ prati |
yasyā darśanamātreṇa mucyate sarvapātakaiḥ || 23 ||
[Analyze grammar]

śrāddhe kṛte tu viprendrāḥ pitaro muktimāpnuyuḥ |
dāne manorathāvāptirjāyate nātra saṃśayaḥ || 24 ||
[Analyze grammar]

kaṃbusarastato gacchettīrthaṃ pāpapraṇāśanam |
tarpaṇe ca kṛte śrāddhe hyagniṣṭomaphalaṃ labhet || 25 ||
[Analyze grammar]

kuśatīrthaṃ tato gacchetsnātvā santarpayetpitṝn |
dānaṃ dattvā yathāśaktyā nirmalaṃ lokamāpnuyāt || 26 ||
[Analyze grammar]

dyumnatīrthaṃ ca tatraiva sarvapāpapraṇāśanam |
kṛtvā śrāddhaṃ ca tatraiva vājimedhaphalaṃ labhet || 27 ||
[Analyze grammar]

kuśatīrthaṃ tato gacchetpitṝṇāṃ tṛptirakṣayā |
yatra śrāddhāttarpaṇācca jāyate nātra saṃśayaḥ || 28 ||
[Analyze grammar]

jālatīrthaṃ tato gacchetsarvapāpaharaṃ śubham |
durvāsasā yatra śaptāḥ kopādyadukumārakāḥ || 29 ||
[Analyze grammar]

devo jāleśvarastatra saṃ babhūva umāpatiḥ |
jāleśvaraṃ naro dṛṣṭvā sadyaḥ pāpātpramucyate || 30 ||
[Analyze grammar]

saṃpūjya devaṃ bhaktyā ca śivalokamavāpnuyāt || 31 ||
[Analyze grammar]

cakrasvāmisutīrthaṃ ca tato gaccheddhi mānavaḥ |
kṛtvā snānaṃ pitṝṃstarpya viṣṇulokamavāpnuyāt || 32 ||
[Analyze grammar]

jaratkārukṛtaṃ tīrthaṃ sarvapāpapraṇāśanam |
snātvā tatra dvijaśreṣṭhā na durgatimavāpnuyāt || 33 ||
[Analyze grammar]

tato gaccheddvijaśreṣṭhāstīrthaṃ khañjanakābhidham |
āsītkhañjanako nāma daityaścātibalānvitaḥ || 34 ||
[Analyze grammar]

tataḥ khañjanakaṃ tīrthaṃ tasya nāmneti viśrutam |
tatra snātvā naro yāti somalokaṃ na saṃśayaḥ || 35 ||
[Analyze grammar]

santi tīrthānyanekāni suguptāni dvijottamāḥ |
tāni gacchettu viprendrāḥ sarvapāpāpanuttaye || 36 ||
[Analyze grammar]

tato gaccheddvijaśreṣṭhāstīrthamānakadundubheḥ |
śūratīrthaṃ paramakaṃ gadatīrthamataḥ param || 37 ||
[Analyze grammar]

gāvalgaṇasya tīrthaṃ ca akrūrasya mahātmanaḥ |
baladevasya tīrthaṃ tu ugrasenasya cāparam || 38 ||
[Analyze grammar]

arjunasya ca tīrthaṃ tu subhadrātīrthameva ca |
devakītīrthamādyaṃ tu rohiṇītīrthameva ca || 39 ||
[Analyze grammar]

uddhavasya ca tīrthaṃ tu sāraṃgākhyaṃ tathaiva ca |
satyabhāmākṛtaṃ tīrthaṃ bhadrātīrthamataḥ param || 40 ||
[Analyze grammar]

jāmadagnyasya tīrthaṃ tu rāmasya ca mahātmanaḥ |
bhāsatīrthaṃ ca tatraiva śukatīrthamataḥ param || 41 ||
[Analyze grammar]

kardamasya ca tīrthaṃ tu kapilasya mahātmanaḥ |
somatīrthaṃ ca tatraiva rohiṇītīrthameva ca || 42 ||
[Analyze grammar]

etānyanyāni saṃkṣepānmayā vaḥ kathitāni ca |
sarvapāpaharāṇīha mokṣadāni na saṃśayaḥ || 43 ||
[Analyze grammar]

pracchannāni dvijavarāstīrthāni kalisaṃkrame |
plāvitāni samudreṇa pāṃsunā'pyudakena ca || 44 ||
[Analyze grammar]

etanmayā vaḥ kathitaṃ saṃkṣepāttīrthavistaram |
ātmaprajñānumānena kimanyacchrotumicchatha || 45 ||
[Analyze grammar]

śṛṇuyātparayā bhaktyā tīrthayātrāmimāṃ dvijāḥ |
sarvapāpavinirmukto viṣṇulokaṃ sa gacchati || 46 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe caturthe dvārakā māhātmye tīrthavṛndamāhātmyavarṇanaṃnāma ṣoḍaśo'dhyāyaḥ || 16 ||
[Analyze grammar]