Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 59

< Previous

Next >

[English text for this chapter is available]

pulastya uvāca |
tato mahaujasaṃ gacchettīrthaṃ pātakanāśanam |
yasminsnāto naro rājaṃstejasā yujyate dhruvam |
brahmahatyāgninā śakraḥ purā dainyaṃ paraṃ gataḥ || 1 ||
[Analyze grammar]

niḥśrīkastejasā hīno durgandhena samanvitaḥ |
parityaktaḥ suraiḥ sarvairviṣādaṃ paramaṃ gataḥ || 2 ||
[Analyze grammar]

tataḥ papraccha devendro dvijaśreṣṭhaṃ bṛhaspatim |
bhagavaṃstejaso vṛddhiḥ kathaṃ syānme yathā purā || 3 ||
[Analyze grammar]

bṛhaspatiruvāca |
tīrthayātrāṃ suraśreṣṭha kuruṣva dharaṇītale |
tīrthaṃ vinā dhruvaṃ vṛddhistejaso na bhaviṣyati || 4 ||
[Analyze grammar]

tatastīrthānyanekāni bhrāṃtvā śakro narādhipa |
krameṇaivārbudaṃ prāptastatra dṛṣṭvā jalāśayam |
snānaṃ cakre tataḥ śrānto mahaujāḥ pratyapadyata || 5 ||
[Analyze grammar]

durgandhena vinirmuktastato devaiḥ samāvṛtaḥ |
uvāca prahasanvākyaṃ śṛṇudhvaṃ sarvadevatāḥ || 6 ||
[Analyze grammar]

ye'tra snānaṃ kariṣyanti prāpte śakrocchraye sadā |
āśvine śuklapakṣāṃte te yāsyaṃti parāṃ gatim |
suśrīkāśca bhaviṣyaṃti sadā janmanijanmani || 7 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe tṛtīye'rbudakhaṃḍe mahaujasatīrthaprabhāvavarṇanaṃnāmaikonaṣaṣṭitamo'dhyāyaḥ || 59 ||
[Analyze grammar]