Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 50

< Previous

Next >

[English text for this chapter is available]

pulastya uvāca |
koṭitīrthaṃ tato gacchetsarvapātakanāśanam |
tīrthānāṃ yatra saṃjātā koṭiḥ pārthiva helayā || 1 ||
[Analyze grammar]

yadā syātkalikālastu raudro rājanmahītale |
mlecchabhūtā janāḥ sarve tatsparśāttīrthaviplavaḥ || 2 ||
[Analyze grammar]

tisraḥ koṭyo'rdhakoṭiśca tīrthānāṃ bhūmivāsinām |
teṣāṃ koṭistato'vātsītparvate'rbudasaṃjñake || 3 ||
[Analyze grammar]

puṣkare ca tathā koṭiḥ kurukṣetre ca pārthiva |
vārāṇasyāmardhakoṭiḥ stutā devaiḥ savāsavaiḥ |
rājannetāni rakṣaṃti sarve devāḥ savāsavāḥ || 4 ||
[Analyze grammar]

yadā yadā bhayārttāni mlecchasparśātsamaṃtataḥ |
sthāneṣveteṣu tiṣṭhaṃti tīrthānyukteṣu satvaram || 5 ||
[Analyze grammar]

koṭitīrthāni trīṇyeva tatra jātāni bhūtale |
ardha koṭisametāni sarvapāpaharāṇi ca || 6 ||
[Analyze grammar]

tasmātsarvaprayatnena snānaṃ tatra samācaret |
kṛṣṇapakṣe trayodaśyāṃ nabhasye ca viśeṣataḥ || 7 ||
[Analyze grammar]

tatra snānādikaṃ sarvaṃ japahomādikaṃ ca yat |
sarvaṃ koṭiguṇaṃ rājaṃstatprasādādasaṃśayam || 8 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe tṛtīye'rbudakhaṇḍe koṭitīrthaprabhāvavarṇanaṃnāma paṃcāśattamo'dhyāyaḥ || 50 ||
[Analyze grammar]