Chapter 24

[English text for this chapter is available]

pulastya uvāca |
tato gacchennṛpaśreṣṭha guhāmadhyanivāsinī |
devī kātyāyanī yatra śuṃbhadānavanāśinī || 1 ||
[Analyze grammar]

śuṃbhonāma mahādaityaḥ purā'sītpṛthivītale |
tena sarvaṃ jagadvyāptaṃ jitvā devānraṇājire || 2 ||
[Analyze grammar]

sa śaṃkaravarāddaityo devadānavarakṣasām |
avadhyo yoṣitaṃ muktvā sarveṣāṃ prāṇināṃ bhuvi || 3 ||
[Analyze grammar]

tato devagaṇāḥ sarve gatvā'rbudamathācalam |
tapastepurvadhārthāya śuṃbhasya jagatīpate |
devīmārādhayāmāsurvyaktarūpāṃ sureśvarīm || 4 ||
[Analyze grammar]

atha teṣāṃ prasannā sā dṛṣṭigocaramāgatā |
abravīdvaradāsmīti brūta kiṃ karavāṇi ca || 5 ||
[Analyze grammar]

devā ūcuḥ |
sarvaṃ no'pahṛtaṃ devi śuṃbhena sudurātmanā |
taṃ niṣūdaya kalyāṇi sovadhyonyaiḥ sadā raṇe || 6 ||
[Analyze grammar]

tvayā saṃrakṣitā devi purā bāṣkalito vayam || 7 ||
[Analyze grammar]

nānyā'smākaṃ gatirmātastvāṃ muktvā cāruhāsinīm |
pulastya uvāca |
evamuktā surairdevī gatvā śuṃbhaniketanam |
ājuhāva raṇe kruddhā bhartsayitvā muhurmuhuḥ || 7 ||
[Analyze grammar]

sa tayā yācite yuddhe jñātvā tāṃ yoṣitaṃ nṛpa |
avajñāya tato daityaḥ preṣayāmāsa dānavān || 9 ||
[Analyze grammar]

jīvagrāheṇa duṣṭeyaṃ gṛhyatāṃ paruṣasvanā |
kriyatāṃ dāruṇo daṃḍo mama vākyānna saṃśayaḥ || 10 ||
[Analyze grammar]

atha tasya samādeśāddānavāstāṃ tato drutam |
gatvā nirbhartsayāmāsurveṣṭayitvā diśo daśa || 11 ||
[Analyze grammar]

tato'valokanāddaityāstayā te bhasmasātkṛtāḥ |
tataḥ śuṃbhaḥ prakupitaḥ svayameva samāyayau || 12 ||
[Analyze grammar]

abravīttiṣṭhatiṣṭheti khaṅgamudyamya bhīṣaṇaḥ |
so'pidevyā mahārāja tathā caivāvalokitaḥ || 13 ||
[Analyze grammar]

abhavadbhasmasātsadyaḥ pataṃga iva pāvakam |
hate tasmiṃstato daityāḥ śeṣāḥ pārthivasattama |
bhittvā rasātalaṃ jagmuḥ pātālaṃ bhayasaṃyutāḥ || 14 ||
[Analyze grammar]

tato devagaṇāḥ sarve tuṣṭuvustāṃ sureśvarīm |
abruvaṃśca varaṃ brūhi yatte manasi varttate || 15 ||
[Analyze grammar]

devyuvāca |
tatraiva parvate sthāsye hyarbude'haṃ surottamāḥ |
abhīṣṭaḥ parvato'smākaṃ saṃ sadā'rbudasaṃjñitaḥ || 16 ||
[Analyze grammar]

devā ūcuḥ |
tatrasthāṃ tvāṃ samālokya marttyā yāṃti triviṣṭapam |
vinā yajñaistathā dānaiḥ svargaḥ saṃkīrṇatāṃ gataḥ |
nānyatkāraṇamastīha niṣedhasya sureśvari || 17 ||
[Analyze grammar]

devyuvāca |
tatrāhaṃ vijane ramye guhāmadhye sureśvarāḥ |
sthāsyāmi viralāḥ kecidyāsyaṃti prāṇino mama |
dṛṣṭigocaramārge hi gatvā taṃ parvataṃ prati || 17 ||
[Analyze grammar]

devā ūcuḥ |
yadyevaṃ devi te'bhīṣṭamevaṃ kuru śucismite |
vayaṃ tvāṃ tatra drakṣyāmaḥ śuklāṣṭamyāṃ sadā śuceḥ || 19 ||
[Analyze grammar]

pulastya uvāca |
evamuktāḥ surā devyā prahṛṣṭāstridivaṃ yayuḥ |
sāpi devī girau tatra gatvā caivārbude nṛpa || 20 ||
[Analyze grammar]

guhāmadhyaṃ samāsādya nityaṃ jagaddhitāya vai |
vivikte nyavasatprītā durllabhā suramānavaiḥ || 21 ||
[Analyze grammar]

yastāṃ paśyati rājendra śuklāṣṭamyāṃ samāhitaḥ |
abhīṣṭaṃ sa sadāpnoti yadyapi syātsudurllabham || 22 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe tṛtīye'rbudakhaṇḍe kātyāyanīmāhātmyavarṇanaṃnāma caturviṃśo'dhyāyaḥ || 24 ||
[Analyze grammar]