Chapter 14

[English text for this chapter is available]

pulastya uvāca |
tato gacchennṛpaśreṣṭha devaṃ siddheśvaraṃ param |
siddhidaṃ prāṇināṃ samyaksiddhena sthāpitaṃ purā || 1 ||
[Analyze grammar]

tatra viśvāvasurnāma siddhastepe mahātapaḥ |
bahuvarṣāṇi saṃsthāpya śivaṃ bhaktiparāyaṇaḥ || 2 ||
[Analyze grammar]

jitakrodho jitamado jitasarveṃdriyakriyaḥ |
tāvadvarṣasahasrāṃte bhagavānvṛṣabhadhvajaḥ |
tutoṣa nṛpatestasya svayaṃ darśanamāyayau || 3 ||
[Analyze grammar]

abravīttaṃ mahādevo varadosmīti pārthiva || 4 ||
[Analyze grammar]

śrībhagavānuvāca |
varaṃ varaya bhadraṃ te yatte manasi varttate |
dāsyāmi te prasanno'haṃ yadyapi syātsudurlabham || 5 ||
[Analyze grammar]

viśvāvasuruvāca |
etalliṃgaṃ suraśreṣṭha dhyātvā manasi niścayam |
sarvānkāmānavāpnotu prasādāttava śaṃkara || 6 ||
[Analyze grammar]

pulastya uvāca |
evamastviti sa procya tatraivāṃtaradhīyata |
siddheśvaraṃ tato gatvā siddhiṃ yāti sahasraśaḥ || 7 ||
[Analyze grammar]

prabhāvāttasya liṃgasya kāmāniṣṭānavāpnuyuḥ |
tato dharmakriyāḥ sarvā gatā nāśaṃ dharātale || 8 ||
[Analyze grammar]

na kaścidyajate yajñairna dānāni prayacchati |
siddheśvaraprasādena siddhiṃ yāṃti narā bhuvi || 9 ||
[Analyze grammar]

ucchinneṣu ca yajñeṣu dāneṣu nṛpasattama |
indrādyāstridaśāḥ sarve paraṃ duḥkhamupāgatāḥ || 10 ||
[Analyze grammar]

jñātvā yajñavighātaṃ ca tadvighātāya vāsavaḥ |
vajreṇācchādayāmāsa yathā siddhirna jāyate || 11 ||
[Analyze grammar]

tathāpi saṃnidhau tasya siddheśasya nṛpottama |
karmaṇo jāyate siddhiḥ pātakasya parikṣayaḥ || 12 ||
[Analyze grammar]

yastu māghacaturddaśyāṃ somavāre nṛpottama |
śuklāyāṃ vātha kṛṣṇāyāṃ spṛṣṭvā siddho bhavennaraḥ || 13 ||
[Analyze grammar]

adyāpi jāyate siddhiḥ satyametanmayoditam |
tasmātsiddheśvaraṃ gatvā natvā yāsyati sadgatim || 14 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe tṛtīye'rbudakhaṃḍe siddheśvaramāhātmyavarṇanaṃnāma caturddaśo'dhyāyaḥ || 14 ||
[Analyze grammar]