Chapter 4

[English text for this chapter is available]

sūta uvāca |
sa kṛtvā svāśramaṃ tatra vasiṣṭho bhagavānmuniḥ |
tatra śaṃbhornivāsāya tapastepe sudāruṇam || 1 ||
[Analyze grammar]

sa babhūva muniḥ samyakphalāhārasamanvitaḥ |
śīrṇa parṇāśanaḥ paścāddve śate samapadyata || 2 ||
[Analyze grammar]

jalāhāraḥ pañcaśatavarṣāṇi saṃbabhūva ha |
varṣāṇāṃ vāyubhakṣo'bhūttato daśaśatāni ca || 3 ||
[Analyze grammar]

pañcāgnisādhako grīṣme hemante salilāśayaḥ |
varṣāsvākāśavāsī ca sahasraṃ ca tato'bhavat || 4 ||
[Analyze grammar]

tatastuṣṭo mahādevastasyarṣeḥ sumahātmanaḥ |
bhittvā taṃ parvataṃ sadyastatpuro liṃgamutthitam |
taṃ dṛṣṭvā vismayāviṣṭo muniḥ stotramudairayat || 5 ||
[Analyze grammar]

namaḥ śivāya śuddhāya sarvagāyā'mṛtāya ca |
kaparddine namastubhyaṃ namastasmai trimūrttaye || 6 ||
[Analyze grammar]

namaḥ sthūlāya sūkṣmāya vyāpakāya mahātmane |
niṣaṃgiṇe namastubhyaṃ trinetrāya namonamaḥ || 7 ||
[Analyze grammar]

namaścandrakalādhāra namo digvasanāya ca |
pinākapāṇaye tubhyamaṣṭamūrte namonamaḥ || 8 ||
[Analyze grammar]

namaste jñānarūpāya jñānagamyāya te namaḥ |
namaste jñānadehāya sarvajñānamayāya ca || 9 ||
[Analyze grammar]

kāśīpate namastubhyaṃ giriśāya namonamaḥ |
jagatkāraṇarūpāya mahādevāya te namaḥ || 10 ||
[Analyze grammar]

gaurīkānta nama stubhyaṃ namastubhyaṃ śivātmane |
brahmaviṣṇusvarūpāya trinetrāya namonamaḥ || 11 ||
[Analyze grammar]

viśvarūpāya śuddhāya namastubhyaṃ mahātmane |
namo viśvasvarūpāya sarvadevamayāya ca || 12 ||
[Analyze grammar]

sūta uvāca |
etasminneva kāle tu vāguvācāśarīriṇī |
parituṣṭo'smi te bhadraṃ varaṃ varaya suvrata || 13 ||
[Analyze grammar]

ityuktvā parvataṃ bhittvā tatpuro liṃgamutthitam || 14 ||
[Analyze grammar]

vasiṣṭha uvāca |
liṃge'smiṃstava sāṃnidhyaṃ sadā bhavatu śaṃkara |
mayā pūrvaṃ pratijñātaṃ nagasyeha mahātmane |
satyaṃ kuru vaco me tvaṃ yadi tuṣṭo'si śaṃkara || 15 ||
[Analyze grammar]

śrībhagavānuvāca |
adyaprabhṛti liṃge'sminsāṃnidhyaṃ me bhaviṣyati |
tvadvākyādbrāhmaṇaśreṣṭha sarvaṃ satyaṃ bhaviṣyati || 16 ||
[Analyze grammar]

stotreṇānena yo martyo māṃ staviṣyati bhaktitaḥ |
kṛṣṇapakṣe caturdaśyāmāśvine munisattama || 17 ||
[Analyze grammar]

matpriyārthaṃ tu śakreṇa preṣitā munisattama |
mandākinīti vikhyātā nadī trailokyapāvinī || 18 ||
[Analyze grammar]

devasyottaradigbhāge kuṃḍaṃ tiṣṭhati nityaśaḥ |
tasyāṃ snātvā muniśreṣṭha liṃgaṃ me paśyate tu yaḥ |
sa yāti paramaṃ sthānaṃ jarāmaraṇavarjitam || 19 ||
[Analyze grammar]

acalaṃ bhedayitvā tu yasmānme liṃgamudgatam |
acaleśvaranāmnaiva loke khyātiṃ gamiṣyati || 20 ||
[Analyze grammar]

asya liṃgasya māhātmyānna kadāciccaliṣyati |
sarvathā ma idaṃ liṃgaṃ pralayānte na cālyate || 21 ||
[Analyze grammar]

sūta uvāca |
etāvaduktvā vacanaṃ virarāma maheśvaraḥ |
vasiṣṭho'pi suhṛṣṭātmā gautamādyā munīśvarāḥ || 22 ||
[Analyze grammar]

śakrādayastato devāstīrthānyāyatanāni ca |
ānayāmāsa brahmarṣistapasā parvatottame || 23 ||
[Analyze grammar]

tatastuṣṭaḥ suraśreṣṭhastatra vāsamathākarot || 24 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe tṛtīye'rbudakhaṃḍe'caleśvarotpatti varṇanaṃnāma caturtho'dhyāyaḥ || 4 ||
[Analyze grammar]