Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 303

< Previous

Next >

[English text for this chapter is available]

īśvara uvāca |
tato gacchenmahādevi uttare devamuttamam |
yastamārādhayeddevaṃ mahāpātakanāśanam || 1 ||
[Analyze grammar]

tasyaiva paścime bhāge dhanuṣāṃ tritaye sthitam |
śeṣādipramukhairnāgairmahatā tapasā yutaiḥ |
samārādhya mahādevaṃ sthāpitaṃ liṃgamuttamam || 2 ||
[Analyze grammar]

yastamārādhayeddevaṃ sarpairārādhitaṃ purā |
na viṣaṃ kramate dehe tasya janmāvadhi priye || 3 ||
[Analyze grammar]

sarpāstasya prasīdanti na kuṃthaṃti kadācana |
tasmātsarvaṃ prayatnena talliṃgaṃ pūjayennaraḥ || 4 ||
[Analyze grammar]

tatra liṃgānyanekāni ṛṣibhiḥ sthāpitāni tu |
gaṃgātīre mahāpuṇye paścime varavarṇini || 5 ||
[Analyze grammar]

tāni dṛṣṭvā pūjayitvā sarvapāpaiḥ pramucyate |
aśvamedhasahasrasya phalaṃ prāpnoti mānavaḥ || 6 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye saṃgāleśvaramāhātmya uttareśvaramāhātmyavarṇanaṃnāma tryuttaratriśatatamo'dhyāyaḥ || 303 ||
[Analyze grammar]