Chapter 285

[English text for this chapter is available]

īśvara uvāca |
tato gacchenmahādevi punarnyaṃkumatīṃ nadīm |
tatra kṛtvā gayāśrāddhaṃ goṣpade tīrtha uttame || 1 ||
[Analyze grammar]

tataḥ paśyedvarāhaṃ tu tasmāddharigṛhaṃ vrajet |
tatra mātṛstu saṃpūjya snātvā sāgarasaṃgame || 2 ||
[Analyze grammar]

nyaṃkumatyarṇavopete tataḥ pūrvamanu vrajet |
agasterāśramaṃ divyaṃ kṣudhāharamitismṛtam || 3 ||
[Analyze grammar]

yatrelvalaṃ ca vātāpiṃ saṃhṛtya bhagavānmuniḥ |
muktvā'padbhyo brāhmaṇāṃśca tebhyaḥ sthānaṃ tato dadau || 4 ||
[Analyze grammar]

agastyāśramametaddhi agastipriyamuttamam |
nyaṃkumatyāstaṭe ramye sarvapātakanāśane || 5 ||
[Analyze grammar]

devyuvāca |
agastineha vātāpiḥ kimarthamupaśāmitaḥ |
atra vai kiṃprabhāvaśca sa daityo brāhmaṇāṃtakaḥ |
kimarthaṃ codgato manyuragastestu mahātmanaḥ || 6 ||
[Analyze grammar]

īśvara uvāca |
ilvalo nāma daityendra āsīdvai varavarṇini |
maṇimatyāṃ purā puryāṃ vātāpistasya cānujaḥ || 7 ||
[Analyze grammar]

sa brāhmaṇaṃ tapoyuktamuvāca ditinaṃdanaḥ |
putra me bhagavannekamiṃdratulyaṃ prayacchatu || 8 ||
[Analyze grammar]

tasminsa brāhmaṇo naicchatputraṃ dātuṃ tathāvidham |
cukrodha ditijastasya brāhmaṇasya tato bhṛśam || 9 ||
[Analyze grammar]

prabhāsakṣetramāsādya sa daityaḥ pāpabuddhimān |
meṣarūpī ca vātāpiḥ kāmarūpo'bhavatkṣaṇāt || 10 ||
[Analyze grammar]

saṃskṛtya bhojayettatra viprānsa ca jighāṃsati |
samā hvayati taṃ vācā gataṃ caiva tataḥ kṣayam || 11 ||
[Analyze grammar]

sa punardehamāsthāya jīvansma pratyadṛśyata |
tato vātāpirapi taṃ chāgaṃ kṛtvā susaṃskṛtam |
brāhmaṇaṃ bhojayitvā tu punareva samāhvayat || 12 ||
[Analyze grammar]

sa tasya pārśvaṃ nirbhidya brāhmaṇasya mahātmanaḥ |
vātāpiḥ prahasaṃstatra niścakrāma dvijodarāt || 13 ||
[Analyze grammar]

evaṃ sa brāhmaṇāndevi bhojayitvā punaḥpunaḥ |
vinirbhidyodaraṃ teṣāmevaṃ haṃti dvijānbahūn || 14 ||
[Analyze grammar]

tato vai brāhmaṇāḥ sarve bhayabhītāḥ pradudruvuḥ |
agasterāśramaṃ jagmuḥ kathayāmāsuragrataḥ || 15 ||
[Analyze grammar]

bhagavañchṛṇu no vākyamasmākaṃ tu bhayāvaham |
nimaṃtritāḥ sma sarve vā ilvalena vayaṃ prabho || 16 ||
[Analyze grammar]

asmākaṃ mṛtyurūpaṃ tadbhojanaṃ nāsti saṃśayaḥ |
tadasmānrakṣa bhagavanviṣaṇṇāgatacetasaḥ || 17 ||
[Analyze grammar]

tataḥ prabhāsamāsādya yatra tau daityapuṃgavau |
brahmaghrau pāpaniratau dadarśa sa mahāmuniḥ || 18 ||
[Analyze grammar]

vātāpiṃ saṃskṛtaṃ dṛṣṭvā meṣarūpaṃ mahāsuram |
uvāca dehi me bhojyaṃ bubhukṣā mama vartate || 19 ||
[Analyze grammar]

ityuktau svāgataṃ tatra cakrāte munaye tadā |
bhagavanbhojanaṃ tubhyaṃ dāsye'haṃ bahuvistaram |
kiyanmānastavāhārastāvanmānaṃ pacāmyaham || 20 ||
[Analyze grammar]

agastya uvāca |
annaṃ pacasva daityendra kiṃcittṛptirbhaviṣyati |
evamastviti daityendraḥ pakvamāha mahāmune || 21 ||
[Analyze grammar]

āsyatāmāsanamidaṃ bhujyatāṃ svecchayā mune |
ityukto'ghoramaṃtraṃ sa japankalpāṃtakārakam |
dhuryāsanamathāsādya niṣasāda mahāmuniḥ || 22 ||
[Analyze grammar]

taṃ paryaveṣaddaityeṃdra ilvalaḥ prahasanniva |
śatahastapramāṇena rāśimannasya so'karot || 23 ||
[Analyze grammar]

tato haṣṭamanā'gastyaḥ prāgrasatkavaladvayam |
rūpaṃ kṛtvā mahattadvadyadvatsāgaraśoṣaṇe || 24 ||
[Analyze grammar]

samastameva tadbhojyaṃ vātāpiṃ bubhuje tataḥ |
bhuktavatyasuro hvānamakarottasya ilvalaḥ || 25 ||
[Analyze grammar]

tato'sau dattavānannamagastyasya mahātmanaḥ |
bhasmīcakāra sarvaṃ sa tadannaṃ ca sadānavam || 26 ||
[Analyze grammar]

ilvalaṃ krodhamuṣṭyā tu bhasmīcakre mahāmuniḥ |
tato hāhāravaṃ kṛtvā sarve daityā nanaṃśire || 27 ||
[Analyze grammar]

tato'gastyo mahātejā āhūya dvijapuṃgavān |
tatsthānaṃ ca dadau tebhyo daityrānāṃ dravyapūritam || 28 ||
[Analyze grammar]

kṣudhā hṛtā tato devi tatrāgastyasya dānavaiḥ |
tena kṣudhā haraṃnāma sthānamāsīdvijanmanām || 29 ||
[Analyze grammar]

tasya paścimabhāge tu nātidūre vyavasthitam |
gaṃgeśvaramiti khyātaṃ gaṃgayā yatpratiṣṭhitam || 30 ||
[Analyze grammar]

vātāpibhakṣaṇepūrvamagastyena mahātmanā |
daityasaṃbhakṣaṇotpannasarvapātakaśuddhaye |
samāhūtā mahādevi gaṃgāpātakanāśinī || 31 ||
[Analyze grammar]

tato devi samā yātā gaṃgā pātakanāśinī |
śuddhiṃ cakāra tasyarṣestatra sthāne sthitā'bhavat || 32 ||
[Analyze grammar]

agastyasyā'śrame ramye nṛṇāṃ pāpabhayāpahe |
tatra gaṃgeśvaraṃ dṛṣṭvā abhakṣyodbhavapātakāt |
mucyate nātra saṃdehaḥ snānadānajapādinā || 33 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathameprabhāsakṣetramāhātmye nyaṃkumatīmāhātmye'gastyāśramagaṃgeśvaramāhātmyavarṇanaṃnāma pañcāśītyuttaradviśatatamo'dhyāyaḥ || 285 ||
[Analyze grammar]