Chapter 280

[English text for this chapter is available]

īśvara uvāca |
tato gacchenmahādevi cyavaneśvaramuttamam |
tatraiva saṃsthitaṃ liṃgaṃ sarvapātakanāśanam || 1 ||
[Analyze grammar]

yatra śaryātinā dattā sukanyā sā maharṣaye |
yatra saṃstaṃbhitaṃ sainyamānāhārttamathākarot || 2 ||
[Analyze grammar]

eṣa śaryātiyajñasya deśo devi prakāśate |
prabhāsakṣetramadhye tu sākṣātpātakanāśanaḥ || 3 ||
[Analyze grammar]

sākṣāttatrābhajatsomamaśvibhyāṃ saha kauśikaḥ |
cukopa bhārgavaścaiva mahendrāya mahātapāḥ || 4 ||
[Analyze grammar]

saṃstaṃbhayāmāsa ca taṃ vāsavaṃ cyavanaḥ prabhuḥ |
sukanyāṃ cāpi bhāryāṃ sa rājaputrīmavāptavān || 5 ||
[Analyze grammar]

devyuvāca |
kathaṃ viṣṭaṃbhitastena bhagavānpākaśāsanaḥ |
kimarthaṃ bhārgavaścāpi kopaṃ cakre mahātapāḥ || 6 ||
[Analyze grammar]

nāsatyau ca kathaṃ brahmankṛ tavānsomapāyinau |
tatsarvaṃ ca yathāvṛttamākhyātu bhagavānmama || 7 ||
[Analyze grammar]

īśvara uvāca |
bhṛgormaharṣeḥ putro'bhūccyavano nāma nāmataḥ |
sa prabhāsaṃ samāsādya tapastepe mahāmuniḥ || 8 ||
[Analyze grammar]

sthāṇubhūto mahātejā vīrasthāne ca bhāmini |
atiṣṭhatsuciraṃ kālamekadeśe varānane || 9 ||
[Analyze grammar]

sa valmīko'bhavattatra latābhirabhisaṃvṛtaḥ |
kālena mahatā devi samākīrṇaḥ pipīlakaiḥ || 10 ||
[Analyze grammar]

sa tathā saṃvṛto dhīmānmṛtpiṃḍa iva sarvataḥ |
tapyate sma tapo ghoraṃ valmīkena samāvṛtaḥ || 11 ||
[Analyze grammar]

athāsya yātakālasya śaryātirnāma pārthivaḥ |
tīrthayātrāprasaṃgena śrīsomeśadidṛkṣayā |
ājagāma mahākṣetraṃ prabhāsaṃ pāpanāśanam || 12 ||
[Analyze grammar]

tasya strīṇāṃ sahasrāṇi catvāryāsanparigrahāḥ |
ekaiva tu sutā śubhrā sukanyānāma nāmataḥ || 13 ||
[Analyze grammar]

sā sakhībhiḥ parivṛtā sarvābharaṇabhūṣitā |
caṃkramyamāṇā valmīkaṃ bhārgavasya samāsadat || 14 ||
[Analyze grammar]

sā caiva sudatī tatra paśyamānā manoramān |
vanaspatīnvicinvaṃtī vijahāra sakhīvṛtā || 15 ||
[Analyze grammar]

rūpeṇa vayasā caiva surāpānamadena ca |
babhaṃja vanavṛkṣāṇāṃ śākhāḥ parama puṣpitāḥ || 16 ||
[Analyze grammar]

tāṃ sakhīrahitāmekāmekavastrāmalaṃkṛtām |
dadarśa bhārgavo dhīmāṃścaraṃtīmiva vidyutam || 17 ||
[Analyze grammar]

tāṃ paśyamāno vijane sa reme paramadyutiḥ |
kṣāmakaṇṭhaśca brahmarṣistapobalasamanvitaḥ || 18 ||
[Analyze grammar]

tāmabhāṣata kalyāṇīṃ sā cāsya na śṛṇoti vai |
tataḥ sukanyā valmīke dṛṣṭvā bhārgavacakṣuṣī || 19 ||
[Analyze grammar]

kautūhalātkaṇṭakena buddhimohabalātkṛtā |
kinnu khalvidamityuktvā nirbibhedāsya locane || 20 ||
[Analyze grammar]

akudhyatsa tayā viddho netre paramamanyumān |
tataḥ śaryātisainyasya śakṛnmūtre samāvṛṇot || 21 ||
[Analyze grammar]

tato ruddhe śakṛnmūtre sainyamānāhaduḥkhitam |
tathāgatamabhibhekṣya paryatapyata pārthivaḥ || 22 ||
[Analyze grammar]

taponityasya vṛddhasya roṣaṇasya viśeṣataḥ |
kenāpakṛtamadyeha bhārgavasya mahātmanaḥ |
jñātaṃ vā yadi vā'jñātaṃ tadidaṃ brūta mā ciram || 23 ||
[Analyze grammar]

tatrocuḥ sainikāḥ sarve na vidmo'pakṛtaṃ vayam |
sarvopāyairyathākāmaṃ bhavānsamadhigacchatu || 24 ||
[Analyze grammar]

tataḥ sa pṛthivīpālaḥ sāmnā cogreṇa ca svayam |
paryapṛcchatsuhṛdvargaṃ pratyajānanna caiva te || 25 ||
[Analyze grammar]

ānāhārttaṃ tato dṛṣṭvā tatsainyaṃ saṃmukhoditam |
pitaraṃ duḥkhitaṃ cāpi sukanyaivamathābravīt || 26 ||
[Analyze grammar]

mayā tāteha valmīke dṛṣṭaṃ sarvamabhijvalat |
uddyotavadavijñānāttanmayā viddhamantikāt || 27 ||
[Analyze grammar]

etacchrutvā tu śaryāti rvalmīkaṃ kṣipramabhyagāt |
tatrāpaśyattapovṛddhaṃ vayovṛddhaṃ ca bhārgavam || 28 ||
[Analyze grammar]

athāvadatsvasainyārthaṃ prāṃjaliḥ sa mahīpatiḥ |
ajñānādbālayā yatte kṛtaṃ tatkṣaṃtumarhasi || 29 ||
[Analyze grammar]

tato'bravīnmahīpālaṃ cyavano bhārgavastadā |
rūpaudāryasamāyuktāṃ lobhamohasamāvṛtām || 30 ||
[Analyze grammar]

tāmeva pratigṛhyāhaṃ rājanduhitaraṃ tava |
kṣamiṣyāmi mahīpāla satyametadbravīmi te || 31 ||
[Analyze grammar]

īśvara uvāca |
ṛṣervacanamājñāya śaryātiravicārayan |
dadau duhitaraṃ tasmai cyavanāya mahātmane || 32 ||
[Analyze grammar]

pratigṛhya ca tāṃ kanyāṃ bhagavānprasasāda ha |
prāpte prasāde rājā tu sasainyaḥ puramāvrajat || 33 ||
[Analyze grammar]

sukanyāpi patiṃ labdhvā tapasvinamaninditam |
nityaṃ paryacaratprītyā tapasā niyamena ca || 34 ||
[Analyze grammar]

agnīnāmatithīnāṃ ca śuśrūṣuranasūyayā |
samārādhayata kṣipraṃ cyavanaṃ sā śubhānanā || 35 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsa kṣetramāhātmye cyavaneśvaramāhātmyavarṇanaṃnāmāśītyuttaradviśatatamo'dhyāyaḥ || 280 ||
[Analyze grammar]