Chapter 123

[English text for this chapter is available]

īśvara uvāca |
tato gacchenmahādevi rāvaṇeśvaramuttamam |
tasmāddakṣiṇanairṛtye dhanuṣāṃ ṣoḍaśe sthitam || 1 ||
[Analyze grammar]

pratiṣṭhitaṃ daśāsyena sarvapātakanāśanam |
paulastyo rāvaṇo devi rākṣasastu sudāruṇaḥ || 2 ||
[Analyze grammar]

trailokyavijayākāṅkṣī puṣpakeṇa cacāra ha |
kasyacittvatha kālasya vimānaṃ tasya puṣpakam || 3 ||
[Analyze grammar]

vrajadvai vyomamārgeṇa niścalaṃ sahasā'bhavat |
staṃbhitaṃ puṣpakaṃ dṛṣṭvā rāvaṇo vismayānvitaḥ || 4 ||
[Analyze grammar]

prahastaṃ preṣayāmāsa kimidaṃ vraja medinīm |
ahatā'sya gatiryasmāttrailokye sacarācare || 5 ||
[Analyze grammar]

tatkasmānniścalaṃ jātaṃ vimānaṃ puṣpakaṃ mama |
athā'sau satvaro devi jagāma vasudhātale || 6 ||
[Analyze grammar]

apaśyaddevadeveśaṃ śrīsomeśaṃ mahāprabham |
stūyamānaṃ suragaṇaiḥ śataśo'tha sahasraśaḥ || 7 ||
[Analyze grammar]

taṃ dṛṣṭvā rākṣase ndrāya tatsarvaṃ vistarātpriye |
prahastaḥ kathayāmāsa yaddṛṣṭaṃ kṣetramadhyataḥ || 8 ||
[Analyze grammar]

prahasta uvāca |
rākṣaseśa mahābāho śivakṣetraṃ nijaṃ prabho |
prabhāseti samākhyātaṃ gaṇagandharvasevitam || 9 ||
[Analyze grammar]

tatra someśvaro devaḥ svayaṃ tiṣṭhati śaṅkaraḥ |
abbhakṣairvāyubhakṣaiśca daṃtolūkhalibhistathā |
ṛṣibhirvālakhilyaiśca pūjyamānaḥ samaṃtataḥ || 10 ||
[Analyze grammar]

prabhāvāttasya devasya nedaṃ gacchati puṣpakam |
na sa prālaṃghyate devo hyalaṃghyo yaḥ surāsuraiḥ || 11 ||
[Analyze grammar]

īśvara uvāca |
tasya tadvacanaṃ śrutvā vismayotphullalocanaḥ |
avatīrya dharāpṛṣṭhaṃ someśaṃ samapaśyata || 12 ||
[Analyze grammar]

pūjayāmāsa deveśi bhaktyā paramayā yutaḥ |
ratnairbahuvidhairvastrairgandhapuṣpānulepanaiḥ || 13 ||
[Analyze grammar]

atha paurajanā dṛṣṭvā rāvaṇaṃ rākṣaseśvaram |
sarvadikṣu varārohe bhayādbhītāḥ pradudruvuḥ || 14 ||
[Analyze grammar]

śūnyaṃ samabhavatsarvaṃ tatra devo vyavasthitaḥ |
etasminneva kāle tu vāguvācāśarīriṇī || 15 ||
[Analyze grammar]

daśagrīva mahābāho ayane cottare tathā |
yātrākāle tu devasya sarvapāpapraṇāśane || 16 ||
[Analyze grammar]

dūrataḥ samanuprāptā bhūrilokā dvijātayaḥ |
rākṣasānāṃ bhayādbhītāḥ prayāṃti hi diśo daśa || 17 ||
[Analyze grammar]

bhayānmā tvaṃ rākṣasendra yātrāvighnakaro bhava |
bālye vayasi yatpāpaṃ vārddhakye yauvane'pi ca |
tatsarvaṃ kṣālayenmartyo dṛṣṭvā someśvaraṃ prabhum || 18 ||
[Analyze grammar]

tato'sau rākṣasendrastu gatvaikānte sugahvare |
liṃgaṃ ca sthāpayāmāsa bhaktyā paramayā yutaḥ || 19 ||
[Analyze grammar]

tatastannirato bhūtvā sarvaistai rākṣaseśvaraḥ |
pūjayāmāsa deveśi upavāsaparāyaṇaḥ || 20 ||
[Analyze grammar]

cakāra puratastasya gītavādyena jāgaram |
tato'rdharātrasamaye vāguvācāśarīriṇī || 21 ||
[Analyze grammar]

daśagrīva mahābāho parituṣṭo'smi te'nagha |
mama prasādāttrailokyaṃ vaśagaṃ te bhaviṣyati |
atra saṃnihito nityaṃ sthāsyāmyahamasaṃśayam || 22 ||
[Analyze grammar]

ye caitatpūjayiṣyaṃti liṃgaṃ bhaktiyutā narāḥ |
ajeyāste bhaviṣyaṃti śatrūṇāṃ rākṣaseśvara || 23 ||
[Analyze grammar]

yāsyaṃti paramāṃ siddhiṃ matprasādādasaṃśayam |
evamuktvā varārohe virarāma vṛṣadhvajaḥ || 24 ||
[Analyze grammar]

rāvaṇo'pi sa saṃtuṣṭo bhūyobhūyo maheśvaram |
pūjayitvā ca talliṃgaṃ samāruhya ca puṣpakam |
trailokyavijayākāṃkṣī iṣṭaṃ deśaṃ jagāma ha || 25 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye rāvaṇeśvaramāhātmyavarṇanaṃnāma trayorviśatyuttaraśatatamo'dhyāyaḥ || 123 ||
[Analyze grammar]