Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 114

< Previous

Next >

[English text for this chapter is available]

īśvara uvāca |
tato gacchenmahādevi viṣṇuṃ pāpapraṇāśanam |
vāmanasvāmināmānaṃ sarvapātakanāśanam || 1 ||
[Analyze grammar]

puṣkarānnairṛte bhāge dhanurviśatibhiḥ smṛtam |
yadā baddho balirdevi viṣṇunā prabhaviṣṇunā || 2 ||
[Analyze grammar]

tadā tatra padaṃ nyastaṃ dakṣiṇaṃ viśvarūpiṇā |
dvitīyaṃ meruśṛṃge tu tṛtīyaṃ gagane priye || 3 ||
[Analyze grammar]

yāvadūrdhvaṃ cotkṣipati tāvadbhinnaṃ sudūrataḥ |
pādāgreṇa tu brahmāṇḍaṃ niṣkrāntaṃ salilaṃ tataḥ || 4 ||
[Analyze grammar]

tataḥ svajānumātreṇa saṃprāptaṃ pṛthivītale |
tato viṣṇupadī gaṃgā prasiddhimagamatkṣitau || 5 ||
[Analyze grammar]

pūrvaṃ sā puṣkare prāptā puṣkarātsā mahānadī |
puṣkaraṃ kathyate vyoma puṣkaraṃ kathyate jalam |
tena tatpuṣkaraṃ khyātaṃ saṃnidhānaṃ prajāpateḥ || 6 ||
[Analyze grammar]

tatra snānaṃ naraḥ kṛtvā yaḥ paśyati hareḥ padam |
sa yāti paramaṃ sthānaṃ yatra devo hariḥ svayam || 7 ||
[Analyze grammar]

tatra piṃḍapradānena tṛptiḥ syātkoṭivārṣikī |
pitṝṇāṃ ca varārohe hyetadāha hariḥ svayam || 8 ||
[Analyze grammar]

atra gāthā purā gītā vasiṣṭhena maharṣiṇā |
vāmanasvāminaṃ dṛṣṭvā tāṃ śṛṇuṣva samāhitā || 9 ||
[Analyze grammar]

snātvā tu puṣkare tīrthe dṛṣṭvā viṣṇupadaṃ tataḥ |
api kṛtvā mahatpāpaṃ kimataḥ paritapyate || 10 ||
[Analyze grammar]

yastatropānahau dadyādbrāhmaṇāya yatavrataḥ |
sa yānavaramārūḍho viṣṇuloke mahīyate || 11 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetra māhātmye vāmanasvāmimāhātmyavarṇanaṃnāma caturdaśottaraśatatamo'dhyāyaḥ || 114 ||
[Analyze grammar]