Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 113

< Previous

Next >

[English text for this chapter is available]

īśvara uvāca |
tato gacchenmahādevi jānakīśvaramuttamam |
rāmeśānnaiṛte bhāge dhanustriṃśakasaṃsthitam || 1 ||
[Analyze grammar]

pāpaghnaṃ sarvajaṃtūnāṃ jānakyā'rādhitaṃ purā |
pratiṣṭhitaṃ viśeṣeṇa samyagārādhyaśaṃkaram || 2 ||
[Analyze grammar]

pūrvaṃ tasyaiva liṃgasya vasiṣṭheśeti nāma vai |
tatpaścājjānakīśeti tretāyāṃ prathitaṃ kṣitau || 3 ||
[Analyze grammar]

tataḥ ṣaṣṭisahasrāṇi vālakhilyā maharṣayaḥ |
tatra siddhimanuprāptāstena siddheśvareti ca || 4 ||
[Analyze grammar]

khyātaṃ kalau mahādevi yugaliṃgaṃ mahāprabham |
taddṛṣṭvā mucyate pāpairduḥkhadaurbhāgyasaṃbhavaiḥ || 5 ||
[Analyze grammar]

yastaṃ pūjayate bhaktyā nārī vā puruṣo'pi vā |
saṃsnāpya vidhivadbhaktyā sa muktaḥ pātakairbhavet || 6 ||
[Analyze grammar]

snātvā ca puṣkare tīrthe yastalligaṃ prapūjayet |
niyato niyatāhāro māsamekaṃ nirantaram || 7 ||
[Analyze grammar]

dinedine bhavettasya vājimedhādhikaṃ phalam |
māghe māsi tṛtīyāyāṃ yā nārī taṃ prapūjayet |
tadanvaye'pi daurbhāgyaṃ duḥkhaṃ śokaśca no bhavet || 8 ||
[Analyze grammar]

iti te kathitaṃ devi māhātmyaṃ pāpanāśanam |
śrutaṃ harati pāpāni saubhāgyaṃ saṃprayacchati || 9 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye jānakīśvaramāhātmyavarṇanaṃnāma trayodaśottaraśatatamo'dhyāyaḥ || 113 ||
[Analyze grammar]