Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 60

< Previous

Next >

[English text for this chapter is available]

īśvara uvāca |
prabhāsakṣetradūtīnāṃ tritayaṃ varavarṇini |
atha te saṃpravakṣyāmi śṛṇu hyekamanāḥ priye || 1 ||
[Analyze grammar]

prathamā maṃgalā devī viśālākṣī dvitīyikā |
tathā catvaradevī tu tṛtīyā parikīrtitā || 2 ||
[Analyze grammar]

yathānukramataḥ pūjyāḥ śaktayastā varānane |
prabhāsakṣetrayātrāyāḥ phalaprepsurnaro yadi || 3 ||
[Analyze grammar]

devyuvāca |
kasminsthāne sthitā deva dūtyastāḥ kṣetrarakṣikāḥ |
kasya tāḥ kathamārādhyāḥ kathaṃ pūjyā jagatpate || 4 ||
[Analyze grammar]

īśvara uvāca |
brāhmī tu maṃgalā proktā viśālākṣī tu vaiṣṇavī |
raudrīśaktiḥ samākhyātā devī sā catvarapriyā || 5 ||
[Analyze grammar]

maṃgalā prathamaṃ pūjyā ajādevyuttare sthitā |
rāhvīśāddakṣiṇebhāge nātidūre varānane || 6 ||
[Analyze grammar]

someśvarapratiṣṭhāpya prārabdhe yajñakarmaṇi |
somena tatra devānāmāgatā sā didṛkṣayā || 7 ||
[Analyze grammar]

brahmādīnāṃ ca sā yasmānmāṃgalyaṃ kṛtavatyume |
tasmātsā maṃgalā proktā sarvamāṃgalyadāyinī || 8 ||
[Analyze grammar]

tṛtīyāyāṃ tu yā nārī naro vā pūjayiṣyati |
tasyā'maṃgalyaduḥkhāni nāśaṃ yāsyaṃti kṛtsnaśaḥ || 9 ||
[Analyze grammar]

dampatībhojanaṃ tatra phaladānaṃ sakañcukam |
praśastaṃ pṛṣadājyasya prāśanaṃ pāpanāśanam || 10 ||
[Analyze grammar]

iti saṃkṣepataḥ proktaṃ mahābhāgyaṃ mahodayam |
maṃgalāyāśca māhātmyaṃ sarvapātakanāśanam || 11 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye maṅgalāmāhātmyavarṇanaṃnāma ṣaṣṭitamo'dhyāyaḥ || 60 ||
[Analyze grammar]