Chapter 57

[English text for this chapter is available]

īśvara uvāca |
paṃcaivaṃ siddhaliṃgāni kathitāni tava priye |
yaścainaṃ veda saṃketaṃ kṣetravāsī sa ucyate || 1 ||
[Analyze grammar]

atha śaktitrayāṇāṃ te raudrīṇāṃ vacmi vistaram |
icchā kriyājñānaśaktyastisrastāḥ parikīrttitāḥ || 2 ||
[Analyze grammar]

punastāsāṃ pūjanāyānukramaṃ kramataḥ śṛṇu |
caturdaśa tathā paṃca pūrvamuktāni yāni tu || 3 ||
[Analyze grammar]

catvāri trīṇi caikaṃ vā yathāśaktyābhipūjya ca |
liṃgāni tāni saṃpūjya śaktīstisrastato'rcayet || 4 ||
[Analyze grammar]

someśādīśadigbhāge varāroheti yā smṛtā |
amā kalā sā somasya umā paścātprakīrttitā || 5 ||
[Analyze grammar]

icchāśaktistu sā jñeyāprabhāsakṣetrasaṃsthitā |
tatra devi hitārthāya sarveṣāṃ prāṇināṃ bhuvi || 6 ||
[Analyze grammar]

tasyā māhātmyamakhilaṃ kathayāmi tavādhunā |
purā somena tyaktābhirbhāryābhistu varānane || 7 ||
[Analyze grammar]

ṣaḍviṃśadbhistapastaptaṃ kṣetre prābhāsike śubhe |
gaurī sā'rādhyamānātha divyavarṣagaṇānbahūn || 8 ||
[Analyze grammar]

tāsāṃ pratyakṣatāṃ prāptā pārvatī parameśvarī |
uvāca varadā brūta yadvo manasi saṃsthitam || 9 ||
[Analyze grammar]

atha tāścābruvandevi yadi tuṣṭāsi pārvati |
saubhāgyaṃ dehi no bhūri lāvaṇyaṃ paramaṃ tathā || 10 ||
[Analyze grammar]

tyaktāḥ sarvā vayaṃ devi nirdoṣāḥ svāminā śubhe |
daurbhāgyadoṣasaṃdagdhā daurbhāgyeṇa tu pīḍitāḥ || 11 ||
[Analyze grammar]

gauryuvāca |
adyaprabhṛti sarvā vaḥ samaṃ drakṣyati rātripaḥ |
prasādānmama cārvaṃgyo naitanmithyā bhaviṣyati || 12 ||
[Analyze grammar]

varadā ceti mannāma varadānādbhaviṣyati |
ihāgatya tu yā nārī pūjayiṣyati māṃ śubhām || 13 ||
[Analyze grammar]

na daurbhāgyaṃ kule tasyāḥ kvacitprāpsyaṃti yoṣitaḥ |
māghamāse tṛtīyāyāmupavāsaparāyaṇā || 14 ||
[Analyze grammar]

yā māṃ drakṣyati suśroṇī mattulyā sā bhavi ṣyati |
dampatī ṣoḍaśaivātra paridhāpya prayatnataḥ || 15 ||
[Analyze grammar]

phalāni bhakṣyabhojyaṃ ca pakvānnāni ca ṣoḍaśa |
yā pradāsyati vai nārī sā tūmaiva bhaviṣyati || 16 ||
[Analyze grammar]

etadgaurīvrataṃnāma tṛtīyāyāṃ tu kārayet |
aprasūtā ca yā nārī yā nārī durbhagā bhavet || 17 ||
[Analyze grammar]

pumānasakṛdapyaivaṃ kṛtvā prāpsyatyabhīpsitam |
evamuktvā sthitā tatra sā devī cārulocanā || 18 ||
[Analyze grammar]

paśyate rātrināthaśca sarvāstā rohiṇīṃ yathā |
anyāpi duḥkhasaṃdagdhā daurbhāgyeṇa tu pīḍitā || 19 ||
[Analyze grammar]

apūjayadumāṃ devīṃ subhagā sā'bhavattataḥ |
iti saṃkṣepataḥ proktaṃ māhātmyaṃ śaktisaṃbhavam || 20 ||
[Analyze grammar]

someśvare varārohā nāmeti kathitaṃ tava |
sarvapāpakṣayakaraṃ sarvadāridryanāśanam || 21 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye varārohāmāhātmyavarṇanaṃnāma saptapaṃcāśo'dhyāyaḥ || 57 ||
[Analyze grammar]