Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 56

< Previous

Next >

[English text for this chapter is available]

īśvara uvāca |
atha te paṃcamaṃ vacmi siddhaligaṃ mahāprabham |
brahmaṇo nairṛte bhāge dhanuṣāṃ ṣoḍaśe sthitam || 1 ||
[Analyze grammar]

rāhuliṃgasya cābhyāśe liṃgaṃ dhanadanirmitam |
dhanadatvaṃ ca saṃprāpto yatra taptvā mahattapaḥ || 2 ||
[Analyze grammar]

saṃsthāpya vidhivatpūjya liṃgaṃ varṣasahasrakam |
alakādhipatirjātastatra śaṃbhoḥ prasādataḥ || 3 ||
[Analyze grammar]

jātiṃ smṛtvā pūrvikāṃ tu jñātvā dīpadaśāphalam |
śivarātre prabhāvaṃ tu prabhāsaṃ punarāgataḥ || 4 ||
[Analyze grammar]

prabhāvātiśayaṃ jñātvā sthāpayāmāsa śaṃkaram |
tatra pratyakṣatāṃ nītastapasā yena śaṃkaraḥ || 5 ||
[Analyze grammar]

mahābhaktyā mahādevi tasmiṃlliṃge'vatāritaḥ |
taṃ dṛṣṭvā mānavo bhaktyā pūjayitvā yathāvidhi || 6 ||
[Analyze grammar]

pañcopacāraiḥ sadbhaktyā gandhadhūpānulepanaiḥ |
tasyānvaye daridraśca kadāpi na bhaviṣyati || 7 ||
[Analyze grammar]

ye caitatpūjayiṣyaṃti liṃgaṃ bhaktiyutā narāḥ |
ajeyāste bhaviṣyaṃti śatrūṇāṃ darpanāśanāḥ || 8 ||
[Analyze grammar]

iti te kathitaṃ sarvaṃ dhanadeśamahodayam |
śrutvānumodya yatnena daridro naiva jāyate || 9 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye dhanadeśvaramāhātmyavarṇanaṃnāma ṣaṭpañcāśo'dhyāyaḥ || 56 ||
[Analyze grammar]