Chapter 240

[English text for this chapter is available]

brahmovāca |
harerdīpastu maddīpādadhiko'yaṃ prakurvataḥ |
vaikuṇṭhavāsa eva syānmamaiśvaryamavāṃchitam || 1 ||
[Analyze grammar]

nārada uvāca |
dīpo'yaṃ viṣṇubhavane mantravadvihito naraiḥ |
sadā viśeṣaphaladaścāturmāsye'dhikaḥ katham || 2 ||
[Analyze grammar]

brahmovāca |
viṣṇurnityādhidaivaṃ me viṣṇuḥ pūjyaḥ sadā mama |
viṣṇumenaṃ sadā dhyāye viṣṇurmattaḥ paro hi saḥ || 3 ||
[Analyze grammar]

sa viṣṇu vallabho dīpaḥ sarvadā pāpahārakaḥ |
cāturmāsye viśeṣeṇa kāmanāsiddhikārakaḥ || 4 ||
[Analyze grammar]

viṣṇurdīpena saṃtuṣṭo yathā bhavati putraka |
tathā yajñasahasraiśca varaṃ naiva prayacchati || 5 ||
[Analyze grammar]

svalpa vyayena dīpasya phalamānaṃtakaṃ nṛṇām |
anaṃtaśayane prāpte puṇyasaṃkhyā na vidyate || 6 ||
[Analyze grammar]

tasmātsarvātmabhāvena śraddhayā saṃyutena ca |
dīpapradānaṃ kurute hareḥ pāpairna lipyate || 7 ||
[Analyze grammar]

upacāraiḥ ṣoḍaśakairyatirūpe harau punaḥ |
dīpapradāne vihite sarvamuddyotitaṃ jagat || 8 ||
[Analyze grammar]

dīpādanaṃtaraṃ brahmannannasya ca nivedanam |
trayodaśyā bhaktiyuktaiḥ kāryaṃ mokṣapadasthitaiḥ || 9 ||
[Analyze grammar]

amṛtaṃ saṃparityajya yadannaṃ devatā api |
spṛhayaṃti gṛhasthasya gṛhadvāragatāḥ sadā || 10 ||
[Analyze grammar]

harau supte viśeṣeṇa pradeyaḥ pratyahaṃ naraiḥ |
phalairarghyo viṣṇutuṣṭyai tatkālasamudā hṛtaiḥ || 11 ||
[Analyze grammar]

tāṃbūlavallīpatraiśca tathā pūgaphalaiḥ śubhaiḥ |
drākṣājaṃbvāmrajaphalairakroḍairdāḍimairapi || 12 ||
[Analyze grammar]

bījapūraphalaiścaiva dadyādarghyaṃ subhaktitaḥ |
śaṃkhatoyaṃ samādāya tasyopari phalaṃ śubham || 13 ||
[Analyze grammar]

maṃtreṇānena viprendra keśavāya nivedayet |
punarācamanaṃ deyamannadānādanaṃtaram || 14 ||
[Analyze grammar]

ārtikyaṃ ca tataḥ kuryātsarvapāpavināśanam |
caturdaśyā namaskuryādviṣṇave yatirūpiṇe || 15 ||
[Analyze grammar]

paṃcadaśyā bhramaḥ kāryaḥ sarvadikṣu dvijaiḥ saha |
saptasāgarajai stoyairdattairyatphalamāpyate || 16 ||
[Analyze grammar]

tattoyadānācca hareḥ prāpyate viṣṇuvallabhaiḥ |
caturvārabhramībhiśca jagatsarvaṃ carācaram || 17 ||
[Analyze grammar]

krāṃtaṃ bhavati viprāgrya tattīrthagamanādikam |
ṣoḍaśyā devasāyujyaṃ cintayedyogavittamaḥ || 18 ||
[Analyze grammar]

ātmanaśca harernityaṃ na mūrtiṃ bhāvayettadā |
mūrtāmūrtasvarūpa tvāddṛśyo bhavati yogavit || 19 ||
[Analyze grammar]

tasmindṛṣṭe nivarteta sadasadrūpajā kriyā |
ātmānaṃ tejasāṃ madhye cintayetsūryavarcasam || 20 ||
[Analyze grammar]

ahameva sadā viṣṇurityātmani vicārayan |
labhate vaiṣṇavaṃ dehaṃ jīvanmukto dvijo bhavet || 21 ||
[Analyze grammar]

cāturmāsye viśeṣeṇa yogayukto dvijo bhavet |
iyaṃ bhaktiḥ samādiṣṭā mokṣamārgaprade harau || 22 ||
[Analyze grammar]