Chapter 241

[English text for this chapter is available]

īśvara uvāca |
etatte pūjanaṃ viṣṇoḥ ṣoḍaśopāyasaṃbhavam |
kathitaṃ yaddvijaḥ kṛtvā prāpnoti paramaṃ padam || 1 ||
[Analyze grammar]

tathā ca kṣatriyaviśāṃ karaṇānmuktiruttamā |
śūdrāṇāṃ nādhikāro'sminstrīṇāṃ naiva kadācana || 2 ||
[Analyze grammar]

kārtikeya uvāca |
śūdrāṇāṃ ca tathā strīṇāṃ dharmaṃ vistarato vada |
kena muktirbhavetteṣāṃ kṛṣṇasyārādhanaṃ vinā || 3 ||
[Analyze grammar]

īśvara uvāca |
sacchūdrairapi no kāryā vedākṣaravicāraṇā |
na śrotavyā na paṭhyā ca paṭhannarakabhāgbhavet || 4 ||
[Analyze grammar]

purāṇānāṃ naiva pāṭhaḥ śravaṇaṃ kārayetsadā |
smṛtyuktaṃ sugurorgrāhyaṃ na pāṭhaḥ śravaṇādikam || 5 ||
[Analyze grammar]

skaṃda uvāca |
sacchūdrāḥ ke samākhyātāstāṃśca vistarato vada |
ke saṃtaḥ ke ca śūdrāśca sacchūdrā nāmataśca ke || 6 ||
[Analyze grammar]

īśvara uvāca |
dharmoḍhā yasya patnī syātsa sacchūdra udāhṛtaḥ |
samānakularūpā ca daśadoṣavivarjitā || 7 ||
[Analyze grammar]

udvoḍhā vedavidhinā sa sacchūdraḥ prakīrtitaḥ |
aklīvā'vyaṃginī śastā mahārogādyadūṣitā || 8 ||
[Analyze grammar]

aniṃditā śubhakalā cakṣurogavivarjitā |
bādhiryahīnā capalā kanyā madhurabhāṣiṇī || 9 ||
[Analyze grammar]

dūṣaṇairdaśabhirhīnā vedoktavidhinā naraiḥ |
vivāhitā ca sā patnī gṛhiṇī yasya sarvadā || 10 ||
[Analyze grammar]

sacchūdraḥ sa tu vijñeyo devādīnāṃ vibhāgakṛt |
puṇyakāryeṣu sarveṣu prathamaṃ sā prakīrtitā || 11 ||
[Analyze grammar]

tayā suvihito dharmaḥ saṃpūrṇaphaladāyakaḥ |
cāturmāsye viśeṣeṇa tayā saha guṇādhikaḥ || 12 ||
[Analyze grammar]

bhāryāratiḥ śucirbhṛtyādīnāṃ poṣaṇatatparaḥ |
śrāddhādikārako nityamiṣṭāpūrttaprasādhakaḥ || 13 ||
[Analyze grammar]

namaskārāntamantreṇa nāmasaṃkīrtanena ca |
devā stasya ca tuṣyanti paṃcayajñādikaiḥ śubhaiḥ || 14 ||
[Analyze grammar]

snānaṃ ca tarpaṇaṃ caiva vahnihomo'pyamaṃtrakaḥ |
brahmayajño'titheḥ pūjā paṃcayajñānna saṃtyajet || 15 ||
[Analyze grammar]

kāryaṃ strībhiśca śūdraiśca hyamaṃtraṃ paṃcayajñakam |
paṃcayajñaiśca saṃtuṣṭā yathaiṣāṃ pitṛdevatāḥ || 16 ||
[Analyze grammar]

tathā pativratāyāśca patiśuśrūṣayā sadā |
pativratāyā dehe tu sarve devā vasaṃti hi || 17 ||
[Analyze grammar]

atastābhyāṃ sametābhyāṃ dharmādīnāṃ samāgamaḥ |
yadobhayormate pṛṣṭe saṃtuṣṭāḥ pitṛdevatāḥ || 18 ||
[Analyze grammar]

kāryādīnāṃ ca sarveṣāṃ saṃgamastatra nityadā |
cāturmāsye samāyāte viṣṇubhaktyā tayoḥ śivam || 19 ||
[Analyze grammar]

samānajātisaṃbhūtā patnī yasya dhṛtā bhavet |
pūrvo bharttā'rddhabhāgī syāddvitīyasya na kiṃcana || 20 ||
[Analyze grammar]

arthakāryādhikāro'syāstena dharmārdhadhāriṇī |
svaṃsvaṃ kṛtaṃ sadaiva syāttayoḥ karma śubhāśubham || 21 ||
[Analyze grammar]

yā'nugacchati bhartāraṃ mṛtaṃ sutapasā dvija |
sādhvī sā hi parijñeyā tayā coddhriyate kulam || 22 ||
[Analyze grammar]

anyajātermṛtasyātha dhṛtā vāpi vivāhitā |
vaiśvānarasya mārgeṇa sā tamuddharate patim || 23 ||
[Analyze grammar]

yathā jalācca jaṃbālaḥ kṛṣyate dhārmikairnṛbhiḥ |
evamuddharate sādhvī bharttāraṃ yā'nuga cchati || 24 ||
[Analyze grammar]

anyajātisamudbhūtā anyena vidhṛtā yadi |
tāvubhau dharmakāryeṣu saṃtyājyau nityadā matau || 25 ||
[Analyze grammar]

svaṃsvaṃ karma prakurutaḥ satkarma jaṃ svakaṃ phalam |
tasmādvariṣṭhā hīnā vā satkulyā śūdrasaṃbhavaiḥ || 26 ||
[Analyze grammar]

dhṛtā na kāryā sā patnī yatkaroti na varddhate |
tayā saha kṛtaṃ puṇyaṃ varddhate daśadhottaram || 27 ||
[Analyze grammar]

anantatṛptidaṃ naiva tatsutairapi vā tathā |
krayakrītā ca yā kanyā dāsī sā parikīrtitā || 28 ||
[Analyze grammar]

sacchūdrasyādhikāre sā kadācinnaiva jāyate |
yā kanyā svayamudyamya pitrā dattā varāya ca || 29 ||
[Analyze grammar]

vivāhavidhinodūḍhā pitṛdevārthasādhinī |
sulakṣaṇā vinītā sā vivekādiguṇā śubhā || 30 ||
[Analyze grammar]

saccaritrā patiparā sā tebhyo dātumarhati |
viśuddhakulajā kanyā dharmoḍhā dharmacāriṇī || 31 ||
[Analyze grammar]

sā punāti kulaṃ sarvaṃ mātṛtaḥ pitṛtastathā |
eṣa eva mayā proktaḥ sacchūdrāṇāṃ paro vidhiḥ || 32 ||
[Analyze grammar]

adhojātisamudbhūtā sacchūdrātkramahīnajā |
vivāho daśadhā teṣāṃ daśadhā putratā bhavet || 33 ||
[Analyze grammar]

catvāra uttamāḥ proktā vivāhā munisattama |
śeṣāḥ sarvaprakṛtiṣu kathitāśca purāvidaiḥ || 34 ||
[Analyze grammar]

prājāpatyastathā brāhmo daivārṣo cātiśobhanā |
gāṃdharvaścāsuraścaiva rākṣasaśca piśācakaḥ || 35 ||
[Analyze grammar]

prātibho ghātanaśceti vivāhāḥ kathitā daśa |
ete hi hīnajātīnāṃ vivāhāḥ parikīrtitāḥ || 36 ||
[Analyze grammar]

aurasaḥ kṣetrajaścaiva dattaḥ kṛtrima eva ca |
gūḍhotpanno'paviddhaśca kānīnaśca sahoḍhajaḥ || 37 ||
[Analyze grammar]

krītaḥ paunarbhavaścāpi putrā daśavidhāḥ smṛtāḥ |
aurasādapi hīnāśca te'pi teṣāṃ śubhāvahāḥ || 38 ||
[Analyze grammar]

aṣṭādaśamitā nīcāḥ prakṛtānāṃ yathātathā |
vidhinaiva kriyā naiva smṛti mārgo'pi naiva ca || 39 ||
[Analyze grammar]

tāsāṃ brāhmaṇaśuśrūṣā viṣṇudhyānaṃ śivārcanam |
amantrātpuṇyakaraṇaṃ dānaṃ deyaṃ ca vai sadā || 4 ||
[Analyze grammar]

na dānasya kṣayo loke śraddhayā yatpradīyate |
aśraddhayā'śucitayā dānaṃ vairasyakāraṇam || 41 ||
[Analyze grammar]

ahiṃsādi samādiṣṭo dharmastāsāṃ mahāphalaḥ |
cāturmāsye viśeṣeṇa tridiveśādisevayā || 42 ||
[Analyze grammar]

sudarśanaistathā dharmaḥ sevyate hyavirodhibhiḥ |
sacchūdrairdānapuṇyaiśca dvijaśuśrūṣaṇādibhiḥ || 43 ||
[Analyze grammar]

vṛttiśca satyānṛtajā vāṇijyavyava hārajā |
aśītibhāgamāradyādvyājādvārdhuṣikaḥ śate || 44 ||
[Analyze grammar]

sapādabhāgavṛddhistu kṣattriyādiṣu gṛhyate |
evaṃ na bandho bhavati pātakasya kadācana || 45 ||
[Analyze grammar]

prātaḥkarma sureśānāṃ madhyāhne dvijasevanam |
aparāhṇe'tha kāryāṇi kurvanmartyaḥ sukhī bhavet || 46 ||
[Analyze grammar]

gṛhasthaiśca sadā bhāvyaṃ yāvajjīvaṃ kriyāparaiḥ |
paṃcayajñarataiścaivātithidvijasupūjakaiḥ || 47 ||
[Analyze grammar]

viṣṇubhaktirataiścaiva vedamantravipāṭhakaiḥ |
satataṃ dānaśīlaiśca dīnārtajanavatsalaiḥ || 48 ||
[Analyze grammar]

kṣamādiguṇasaṃyuktairdvādaśākṣarapūjakaiḥ |
ṣaḍakṣaramahodgāraparamānandapūritaiḥ || 49 ||
[Analyze grammar]

sadapatyaiḥ sadācāraiḥ satāṃ śuśrūṣaṇairapi |
vimatsaraiḥ sadā stheyaṃ tāpakleśavivarjitaiḥ || 50 ||
[Analyze grammar]

pravrajyāvarjanairevaṃ sacchūdrairdharmatatparaiḥ |
toṣaṇaṃ sarvabhūtānāṃ kāryaṃ vittānusārataḥ || 51 ||
[Analyze grammar]

sadā viṣṇuśivādīnāṃ ye bhaktāste narāḥ sadā |
devavaddivi dīvyaṃti cāturmāsye viśeṣataḥ || 52 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvara kṣetramāhātmye śeṣaśāyyupākhyāna brahmanāradasaṃvāde cāturmāsyamāhātmye tapo'dhikāre sacchūdrakathanaṃnāmaikacatvāriṃśaduttaradviśatatamo'dhyāyaḥ || 241 ||
[Analyze grammar]