Chapter 172

[English text for this chapter is available]

| sūta uvāca |
tataḥprabhṛti cchidrāṇi viśvāmitro nirīkṣayan |
vasiṣṭhasya vadhārthāya saṃsthito dvijasattamāḥ || 1 ||
[Analyze grammar]

ātmaśaktiprabhāvena maśakasya yathā gajaḥ |
anyasminnahani prāpte viśvāmitreṇa sā nadī || 2 ||
[Analyze grammar]

samāhūtā samāyātā drutaṃ sā strīsvarūpiṇī |
abravītprāṃjalirbhūtvā ādeśo dīyatāṃ mama |
brahmarṣe yena kāryeṇa samāhūtāsmi sāṃpratam || 3 ||
[Analyze grammar]

viśvāmitra uvāca |
yadā nimajjanaṃ kuryāttava toye mahānadi |
paramaṃ vegamāsthāya tadā'naya mamāṃtikam || 4 ||
[Analyze grammar]

pūrṇaśrotraṃ jale naiva vyākulāṃgaṃ vyavasthitam |
nihanmi yena śīghraṃ ca nānyacchidraṃ pralakṣaye || 5 ||
[Analyze grammar]

evamuktā tadā tena viśvāmitreṇa sā nadī |
vitrastā bhayasaṃyuktā śāpādvākyamuvāca sā || 6 ||
[Analyze grammar]

nāhaṃ drohaṃ kariṣyāmi vasiṣṭhasya mahātmanaḥ |
brahmarṣe na ca te yuktaṃ kartuṃ vai brahmaṇo vadham || 7 ||
[Analyze grammar]

yadi tvaṃ brahmaṇā prokto brahmarṣiḥ svayameva tu |
kāmānnāyaṃ vasiṣṭhastu tasmātkopaṃ parityaja || 8 ||
[Analyze grammar]

manasāpi vadhaṃ yastu brāhmaṇasya viciṃtayet |
taptakṛcchreṇa mucyeta manuḥ svāyaṃbhuvo'bravīt || 9 ||
[Analyze grammar]

vācayā pravadedyastu brāhmaṇasya vadhaṃ naraḥ |
cāṃdrāyaṇena śuddhiḥ syāttasya devo'bravīdidam || 10 ||
[Analyze grammar]

tasmānnāhaṃ kariṣyāmi tava vākyaṃ kathaṃcana |
vasiṣṭhārthaṃ tu yatproktaṃ kuru yattava rocate || 11 ||
[Analyze grammar]

tacchrutvā kupitastasyā viśvāmitro dvijottamāḥ |
śaśāpa tāṃ nadīṃ śreṣṭhāṃ yattadvakṣyāmi śrūyatām || 12 ||
[Analyze grammar]

yasmātpāpe vaco mahyaṃ na kṛtaṃ kunadi tvayā |
tasmādraktapravāhaste jalajo'yaṃ bhaviṣyati || 13 ||
[Analyze grammar]

evamuktvā karāttoyaṃ saptavārābhimaṃtritam |
cikṣepātha jale tasyāḥ krodhasaṃraktalocanaḥ || 14 ||
[Analyze grammar]

tataśca tatkṣaṇājjātaṃ tattoyaṃ rudhiraṃ dvijāḥ |
sārasvataṃ supuṇyaṃ ca yadāsīcchaṃkhasaṃnibham || 15 ||
[Analyze grammar]

etasminnaṃtare prāptā bhūtapretaniśācarāḥ |
pītvāpītvā pranṛtyaṃti gāyaṃti ca hasaṃti ca || 16 ||
[Analyze grammar]

ye tatra tāpasāḥ kecittaṭe tasyā vyavasthitāḥ |
te sarve'pi ca tāṃ tyaktā dūradeśaṃ samāśritāḥ || 17 ||
[Analyze grammar]

bahirvāsāśca ye tatra nāgarāḥ samavasthitāḥ |
caṇḍaśarma prabhṛtayaste'pi yātāḥ sudūrataḥ || 18 ||
[Analyze grammar]

vasiṣṭho'pi muniśreṣṭho jagāmārbudaparvatam |
viśvāmitrastu viprarṣiścamatkārapuraṃ gataḥ || 19 ||
[Analyze grammar]

hāṭakeśvaraje kṣetre yatsthitaṃ viprasaṃkulam |
tatrāśramapadaṃ kṛtvā tapastepe sudāruṇam || 20 ||
[Analyze grammar]

yena sṛṣṭikṣamo jātaḥ spardhate brahmaṇā saha |
etadvaḥ sarvamākhyātaṃ yathā sārasvataṃ jalam || 21 ||
[Analyze grammar]

rudhiratvamanuprāptaṃ viśvāmitrasya śāpataḥ |
caṃḍaśarmādayo viprā yathā deśāṃtaraṃ gatāḥ || 22 ||
[Analyze grammar]