Chapter 168

[English text for this chapter is available]

sūta uvāca |
evaṃ rājyaṃ parityajya viśvāmitro dvijottamāḥ |
himavantaṃ nagaṃ prāpya tapaścakre sudāruṇam || 1 ||
[Analyze grammar]

varṣāsvākāśaśāyī ca hemaṃte salilāśayaḥ |
pañcāgnisādhako grīṣme sthito varṣaśatatrayam || 2 ||
[Analyze grammar]

phalamūlakṛtāhārastato varṣaśatatrayam |
dhyāyamānaḥ paraṃ brahma sthito brāhmaṇasattamāḥ |
śīrṇaparṇāśanaḥ paścāttāvatkālaṃ vyavasthitaḥ || 3 ||
[Analyze grammar]

tataścaiva jalāhārastāvanmātraṃ vyavasthitaḥ |
kālaṃ sa vāyubhakṣaśca tataścaivāyutaṃ samāḥ || sūta uvāca |
atha dṛṣṭvā tapaḥśaktiṃ tasya tāṃ tridaśādhipaḥ |
pātāyaṣyati māṃ nūnameṣa sthānānnṛpottamaḥ || 5 ||
[Analyze grammar]

tataḥ provāca saṃgatya sāmnā paramavalgunā |
viśvāmitraṃ nṛpaśreṣṭhaṃ bhayena mahatā'nvitaḥ || 6 ||
[Analyze grammar]

iṃdra uvāca |
viśvāmitra pratuṣṭo'smi tapasānena pārthiva |
varaṃ varaya bhadraṃ te yadabhīṣṭaṃ hṛdisthitam || 7 ||
[Analyze grammar]

viśvāmitra uvāca |
brāhmaṇyaṃ dehi me śakra yadi tuṣṭo'si sāṃpratam |
tadarthaṃ tapasaścaryāṃ jānīhi tvaṃ puraṃdara || 9 ||
[Analyze grammar]

iṃdra uvāca |
anenaiva śarīreṇa kṣatriyaḥ syātkathaṃ dvijaḥ |
caturviṃśatisaṃskārairdviguṇairyaḥprajāyate |
tadanyatprārthaya kṣipraṃ yatte'bhīṣṭataraṃ sthitam || 9 ||
[Analyze grammar]

viśvāmitra uvāca |
na brāhmaṇyātparaṃ kiṃcitprārthayāmi sureśvara || 10 ||
[Analyze grammar]

api trailokyarājyaṃ te vastuṣvanyeṣu kā kathā |
tasmādgaccha suraśreṣṭha svarājyaṃ paripālaya || 11 ||
[Analyze grammar]

parityakṣyāmyahaṃ dehaṃ yāsye vā'haṃ dvijanmatām |
tacchrutvā vacanaṃ tasya devarājo divaṃ gataḥ || 12 ||
[Analyze grammar]

tasya taṃ niścayaṃ jñātvā sarvadevasamāvṛtaḥ |
viśvāmitro'pi tadrūpaṃ cakāra duścaraṃ tapaḥ || 13 ||
[Analyze grammar]

atha varṣasahasre tu vyatikrānte dvijottamāḥ |
anyasminvāyubhakṣasya viśvāmitrasya bhūpateḥ || 14 ||
[Analyze grammar]

ājagāma svayaṃ brahmā puṇyairdevarṣibhiḥ saha |
abravīttaṃ mahīpālaṃ tapasā dagdhakilbiṣam || 15 ||
[Analyze grammar]

śrībrahmovāca |
viśvāmitra pratuṣṭo'smi tapasānena sattama |
varaṃ varaya bhadraṃ te pradāsyāmyapi durlabham || 16 ||
[Analyze grammar]

viśvāmitra uvāca |
yadi tuṣṭo'si me deva yadi deyo varo mama |
brāhmaṇyaṃ dehi me deva nānyadiṣṭatamaṃ mahat || 17 ||
[Analyze grammar]

brahmovāca |
kṣatriyeṇa prajātasya dvijatvaṃ jāyate katham |
śrutismṛtiviruddhaṃ hi kimevaṃ vadasīpsitam || 189 ||
[Analyze grammar]

yanna jātaṃ dharāpṛṣṭhe na bhaviṣyati karhicit || 19 ||
[Analyze grammar]

viśvāmitra uvāca |
gaccha tvaṃ devadeveśa brahmalokamanuttamam |
ahaṃ tyakṣyāmi vā prāṇānsaṃprāpsye vā dvijanmatām || 20 ||
[Analyze grammar]

atha devarṣimadhyastha ṛcīko vākyamabravīt |
asya janmakṛte deva brāhmyairmaṃtrairmayā caruḥ || 21 ||
[Analyze grammar]

abhito brahmasarvasvaṃ tatra sayojitaṃ mayā |
tenaiva kṣatrajanmā'yaṃ brāhmaṇaścaturānana || 22 ||
[Analyze grammar]

brahmarṣikīrtayasvainaṃ tasmāttvaṃ prapitāmaha |
rājyastho'pi dvijārhāṇi satkṛtyānya karodasau || 23 ||
[Analyze grammar]

brāhmamantraprabhāvena tasmādbrahmarṣimāhvaya |
yena kīrtāmahe sarve viśvāmitraṃ dvijottamam || 24 ||
[Analyze grammar]

atha brahmā ciraṃ dhyātvā brāhmyai rmaṃtraiśca tejasā |
samutpannaṃ tataḥ prāha brāhmaṇastvaṃ mayā kṛtaḥ || 25 ||
[Analyze grammar]

tyajedaṃ duṣkaraṃ ghoraṃ tapo madvacanāddrutam |
sa yadā brahmaṇā prokto brahmarṣi stvamasaṃśayam || 26 ||
[Analyze grammar]

ṛcīkādyaistataḥ sarvaiḥ prokto devarṣibhistathā || 27 ||
[Analyze grammar]

atha teṣāṃ madhyagato vasiṣṭho munisattamaḥ |
so'bravītkopasaṃyukto nāhaṃ vakṣyāmi karhicit || 28 ||
[Analyze grammar]

brāhmaṇaṃ kṣatriyājjātaṃ jānannapi pitāmaha |
ṛcīkasya ca dākṣiṇyāttathā tvaṃ vadasi prabho || 29 ||
[Analyze grammar]

procyamāno 'pi bahudhā vasiṣṭho munisattamaḥ |
pitāmahena munibhirnāradādyairanekadhā |
jagāmātha parityajya tānsarvāndvijasattamān || 30 ||
[Analyze grammar]

sa cāgatya muni śreṣṭho deśaṃ cānartasaṃjñitam |
hāṭakeśvaraje kṣetre śaṃkhatīrthasamīpataḥ || 31 ||
[Analyze grammar]

yatra brahmaśilā puṇyā śvetadvīpasamanvitā |
sarasvatī sthitā yatra nadī pāpaharā śubhā || 32 ||
[Analyze grammar]

tatrāśramapadaṃ kṛtvā cakāra vipulaṃ tapaḥ |
viśvāmitro'pi sāmarṣastadvadhārthaṃ samāgataḥ || 33 ||
[Analyze grammar]

tasyāśramasya dūre sa yāmyāṃ diśi samāśritaḥ |
kṛtvāśramapadaṃ tatra tasya cchidrāṇi cintayan || 34 ||
[Analyze grammar]

saṃsthitaḥ suciraṃ kālaṃ na ca paśyati kiṃcana |
athābhicārikaṃ tena prārabdhaṃ tasya copari || 35 ||
[Analyze grammar]

yaduktaṃ sāmavidhinā sāmavede vadhātmakam |
tasya tairdāruṇairmaṃtrairjuhvato jātavedasam || 36 ||
[Analyze grammar]

niṣkrāṃtā dāruṇā śaktirmuktakeśī bhayānakā |
vānaraskaṃdhamārūḍhā kurvāṇā kilkilādhvanim || 37 ||
[Analyze grammar]

nānāyudhasamopetā yamajihvā yathā parā |
sābravīdvada vipreṃdra kiṃ te kṛtyaṃ karomyaham || 38 ||
[Analyze grammar]

trailokyamapi kṛtsnaṃ ca saṃharāmi tavājñayā || 39 ||
[Analyze grammar]

viśvāmitra uvāca |
mama śatrurmānyo tra vasiṣṭhaḥ kumuniḥ sthitaḥ |
taṃ tvaṃ jahi drutaṃ gatvā tadarthaṃ ca mayā kṛtā || 40 ||
[Analyze grammar]

evamuktā tu sā tena viśvāmitreṇa dhīmatā |
vasiṣṭhāśramamuddiśya prasthitā cottarāmukhī || 41 ||
[Analyze grammar]

etasminneva kāle tu vasiṣṭhasyāśrame dvijāḥ |
durnimittāni jātāni prabhūtāni mahāṃti ca || 42 ||
[Analyze grammar]

papāta mahatī colkā nihatya ravimaṇḍalam |
tathā rudhiravṛṣṭiśca asthimiśrā vyajāyata || 43 ||
[Analyze grammar]

dīptāṃ diśaṃ samāsādya ruroda ca tathā śivā |
tāṃ dṛṣṭvā sumahotpātānvasiṣṭho munipuṃgavaḥ || 44 ||
[Analyze grammar]

yāvadālokate rūpaṃ jvālāmālāsamākulam |
tataḥ samyakparijñāya sarvaṃ divyena cakṣuṣā || 45 ||
[Analyze grammar]

viśvāmitraprayukteyaṃ śaktirmama vadhāya ca |
kṛtyā rūpā sumaṃtraiśca sāmavedasamudbhavaiḥ || 46 ||
[Analyze grammar]

tiṣṭhatiṣṭheti tenoktā tataḥ sā niścalābhavat |
nijamaṃtraiśca sā tena staṃbhitātharvaṇodbhavaiḥ || 47 ||
[Analyze grammar]

tataḥ strīrūpamādāya provāca munipuṃgavam |
sāmavedastu vedānāṃ prādhānyena vyavasthitaḥ || 48 ||
[Analyze grammar]

vidhinā tena saṃsṛṣṭā viśvāmitreṇa dhīmatā |
mā kurutvapramāṇaṃtu prahāraṃ saha me mune |
rakṣayiṣyāmi te |
prāṇānsvalpasparśena te mune || 49 ||
[Analyze grammar]

vasiṣṭha uvāca |
yadyevaṃ kuru me sparśaṃ na marma sparśanaṃ śubhe |
mayā cātharvaṇā maṃtrāḥ saṃhṛtāḥ kṛpayā tava || 50 ||
[Analyze grammar]

tataḥ sā dāruṇā śaktirviśvāmitraprayojitā |
tasyāṃgadeśaṃ spṛṣṭvātha nipapāta dharātale || 51 ||
[Analyze grammar]

tatastuṣṭo vasiṣṭhastu tāmāha madhuraṃ vacaḥ |
adyaprabhṛti te pūjāṃ kariṣyaṃti samāhitāḥ |
janāḥ sarve mahābhāge bhaktyā paramayā yutāḥ || 52 ||
[Analyze grammar]

caitramāse site pakṣe aṣṭamīdivase sthite |
ye te pūjāṃ kariṣyaṃti śraddhayā parayā yutāḥ || 53 ||
[Analyze grammar]

te sarve vatsaraṃyāvadbhavi ṣyaṃti nirāmayāḥ |
tasmādatraiva sthātavyaṃ sadaiva mama vākyataḥ || 54 ||
[Analyze grammar]

sūta uvāca |
evamuktā ca sā tena vasiṣṭhena mahātmanā |
sthitā tatraiva sā devī tasya vākyena tatkṣaṇāt || 55 ||
[Analyze grammar]

prāpnoti paramāṃ pūjāṃ viśeṣānnāgaraiḥ kṛtām |
dhārānāmeti vikhyātā bhaktalokasukha pradā || 56 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye dhārotpattimāhātmyavarṇanaṃnāmāṣṭa ṣaṣṭyuttaraśatatamo'dhyāyaḥ || 168 ||
[Analyze grammar]