Chapter 158

[English text for this chapter is available]

sūta uvāca |
puṣpo'pi guṭike labdhvā bhāskarādvāritaskarāt |
cirādbhojanamāsādya prasthito vaidiśaṃ prati || 1 ||
[Analyze grammar]

tato vaidiśamāsādya sa puṣpo hṛṣṭamānasaḥ |
śuklā tāṃ guṭikāṃ vaktre cakāradvijasattamāḥ || 2 ||
[Analyze grammar]

maṇibhadrasamo jātastatkṣaṇādeva sa dvijaḥ |
haṭṭamārgaṃ gate so'tha tasmingatvā'tha maṃdire |
praviṣṭaḥ sahasā madhye prahṛṣṭenāṃtarātmanā || 3 ||
[Analyze grammar]

tataścākārayāmāsa taṃ ṣaṃḍhaṃ dvāramāśritam |
tasya dattvātha vastrāṇi paścātṣaṃḍhamuvāca saḥ || 4 ||
[Analyze grammar]

ṣaṃḍhakaścitpumānatra samyagveṣakaro hi saḥ |
mama veṣaṃ samādhāya bhramate sakale pure || 5 ||
[Analyze grammar]

sāṃprataṃ madgṛhe so'tha lobhanāyāgamiṣyati |
sa ca kṛtrima veṣeṇa niṣeddhavyastvayā hi saḥ |
sa tatheti pratijñāya dvāradeśaṃ samāśritaḥ || 6 ||
[Analyze grammar]

puṣpo'pi cābravīdbhāryāṃ māhikākhyāṃ tataḥ param |
māhikedya mayā dṛṣṭaḥ svatātaḥ svapuraḥ sthitaḥ || 7 ||
[Analyze grammar]

vīrabhadraḥ suduḥkhārto malināṃbarasaṃvṛtaḥ |
abravīcca tataḥ kopānmāmevaṃ paruṣākṣaram || 8 ||
[Analyze grammar]

dhigdhikpāpa tvayā kanyātīva rūpavatī sadā |
vaṃcayitvā janetāramudūḍhā sā sumadhyamā || 9 ||
[Analyze grammar]

na dattaṃ tatpituḥ kiṃcinna tasyā atha putraka |
vidhavāṃ yādṛśīṃ tāṃ ca śvetāṃbaradharāṃ sadā || 10 ||
[Analyze grammar]

saṃdhārayasi pāpātmanneṣṭaṃ bhojyaṃ prayacchasi |
tasmāttasyāḥ piturdehi tvaṃ suvarṇāyutaṃ dhruvam || 11 ||
[Analyze grammar]

bhūṣaṇaṃ vāṃchitaṃ tasyā yattadvai rucipūrvakam |
yena saṃdhārayedbhāryā sā'naṃdaṃ paramaṃ gatā || 12 ||
[Analyze grammar]

nirānaṃdā yato nārī na garbhaṃ dhārayetsphuṭam |
niḥsaṃtāno yato vaṃśaḥ svargādapi kṣitiṃ vrajet || 13 ||
[Analyze grammar]

sa patiṣyatyasaṃdigdhaṃ kulāṃgāreṇa ca tvayā |
sā tvamānaya vastrāṇi gṛhamadhyācchubhāni ca || 14 ||
[Analyze grammar]

yāni dattāni bhūpena vyavahāraistadā mama |
pañcāṃgaśca prasādo yo mayā prāptaśca taiḥ saha || 15 ||
[Analyze grammar]

tvaṃ saṃdhāraya gātraiḥ svaiḥ śīghraṃ rasavatīṃ kuru |
bhojanāyaiva śīghraṃ tu tvayā sārdhaṃ karomyaham || 16 ||
[Analyze grammar]

ekasminnapi pātre ca tadādeśādasaṃśayam |
sāpi sarvaṃ tathā cakre yaduktaṃ tena harṣitā || 17 ||
[Analyze grammar]

bhojanācchādanaṃ caiva nirvikalpena cetasā |
tataḥ kāmāturaḥ puṣpo maithunāyopacakrame || 18 ||
[Analyze grammar]

etasminnaṃtare prāpto maṇibhadraḥ samutsukaḥ |
kṣutkṣāmaḥ sa pipāsārto vyavahārotthalipsayā || 19 ||
[Analyze grammar]

praveśaṃ kurute yāvadgṛhamadhye samutsukaḥ |
niṣiddhastena ṣaṇḍhena bhartsayitvā muhurmuhuḥ || 20 ||
[Analyze grammar]

haṭhādyāvatpraveśaṃ sa cakāra nijamaṃdire |
tāvacca daṇḍakāṣṭhena mastake tena tāḍitaḥ || 21 ||
[Analyze grammar]

atha saṃpatito bhūmau mūrchayā saṃpariplutaḥ |
kartavyaṃ naiva jānāti tatprahāraprapīḍitaḥ || 22 ||
[Analyze grammar]

tataḥ kolāhalo jātastasya dvāre gṛhasya ca |
janasya saṃprayātasya hāhākāraparasya ca || 23 ||
[Analyze grammar]

papracchustaṃ janāḥ keci ddhikpāpa kimidaṃ kṛtam |
vṛttibhaṃgaḥ kṛto'nena atha tvaṃ vyaṃtarārditaḥ || 24 ||
[Analyze grammar]

imāmavasthāṃ yannītaḥ saṃprāpto'si nṛpādvadham || 25 ||
[Analyze grammar]

ṣaṃḍha uvāca |
na vṛttirgarhitā tena nāhaṃ vyaṃtarapīḍitaḥ |
maṇibhadro na caiṣa syādeṣa veṣakaraḥ pumān || 26 ||
[Analyze grammar]

māṇibhadraṃ vapuḥ kṛtvā saṃprāpto yācituṃ dhanam |
haṭhātpraviśyamānastu sa mayā mūrdhni tāḍitaḥ || 27 ||
[Analyze grammar]

maṇibhadro gṛhasyāṃtarbhuktvā śayanamāśritaḥ |
saṃtiṣṭhate na jānāti vṛttāṃtamidamā sthitam || 28 ||
[Analyze grammar]

tataḥ puṣpo'pi tacchrutvā taṃ ca kolāhalaṃ bahiḥ |
maṇibhadrasya rūpeṇa dvāradeśaṃ samāgataḥ || 29 ||
[Analyze grammar]

abravīnnityamabhyeti mama rūpeṇa cādhamaḥ |
eṣa veṣadharaḥ kaścidyācituṃ dhanameva hi || 30 ||
[Analyze grammar]

etenāpi ca ṣaṃḍhena na ca bhadramanuṣṭhitam |
yatkubjo'yaṃ hato mūrdhni yācituṃ samu pasthitaḥ || 31 ||
[Analyze grammar]

etasminnantare so'pi cetanāṃ prāpya kṛtsnaśaḥ |
vīkṣate purato yāvattāvadātmasamaḥ pumān || 32 ||
[Analyze grammar]

sarvataḥ sa tamālokya tato vacanamabravīt || 33 ||
[Analyze grammar]

kva coraḥ saṃpraviṣṭo me mama rūpeṇa maṃdire |
bhedayitvā tu ṣaṇḍākhyamevaṃ dattvā ca vāsasī || 34 ||
[Analyze grammar]

yāvadbhūpagṛhaṃ gatvā tvāṃ ṣaṃḍhena samanvitam |
vadhāya yojayāmyeva tāvaddrutataraṃ vraja || 35 ||
[Analyze grammar]

puṣpa uvāca |
mama rūpaṃ samādhāya tvamāyāto gṛhe mama |
śūnyaṃ matvā tato jñātastvayā'haṃ gṛhasaṃsthitaḥ || 36 ||
[Analyze grammar]

tato nṛpāya dāsyāmi vadhārthaṃ ca na saṃśayaḥ |
no cedgaccha drutaṃ pāpa yadi jīvitumicchasi || 37 ||
[Analyze grammar]

sūta uvāca |
evamukttvā tatastau ca bāhuyuddhena vai mithaḥ |
yudhyamānau narairanyaiḥ kṛcchreṇa tu nivāritau || 38 ||
[Analyze grammar]

tataste svajanā ye tu maṇibha drasya cāgatāḥ |
parijānaṃti no dvābhyāṃ viśeṣaṃ māṇibhadrakam || 39 ||
[Analyze grammar]

vālisugrīvayoryuddhaṃ tārārthe yudhyamānayoḥ |
evaṃ vivadamānau tu krodhatāmrā yatekṣaṇau || 40 ||
[Analyze grammar]

rājadvāraṃ samāsādya sthitau svajanasaṃvṛtau |
dvāḥsthena sūcitau rājñe sabhātalamupasthitau || 41 ||
[Analyze grammar]

cauracaureti jalpantau para sparavadhaiṣiṇau |
bhūbhujā vīkṣitau tau ca dvijau tu dvijasattamāḥ || 42 ||
[Analyze grammar]

na viśeṣo'sti viśleṣastayorekopikāyataḥ |
tataśca vyavahāreṣu samatī teṣu vai tadā || 43 ||
[Analyze grammar]

pṛṣṭau guhyeṣu sarveṣu pratyakṣeṣu viśeṣataḥ |
vadatastau yathāvṛttaṃ pṛthakpṛthagvyavasthitam || 44 ||
[Analyze grammar]

tatastu svajanaiḥ sarvaireko nītva tha cānyataḥ |
pṛṣṭo gotrānvayaṃ sarvaṃ dvitīyastu tataḥ param || 45 ||
[Analyze grammar]

teṣāmapi tathā sarvaṃ yathāsamyaṅniveditam |
atha rājā bṛhatsenaḥ sarvāṃstāni damabravīt || 46 ||
[Analyze grammar]

patnī cānīyatāṃ tasya maṇibhadrasya vai gṛhāt |
nijakāntasya vijñāne sā pramāṇaṃ bhaviṣyati || 47 ||
[Analyze grammar]

tato gatvā ca sā proktā puruṣairnṛpasaṃbhavaiḥ |
āgaccha kāṃtaṃ jānīhi tvaṃ pramāṇaṃ bhaviṣyasi || 48 ||
[Analyze grammar]

tataḥ sā vrīḍayā yuktā pracchāditaśirāstataḥ |
nṛpāgre saṃsthitā proce viddhisamyaṅnijaṃ priyam || 49 ||
[Analyze grammar]

na vayaṃ niścayaṃ vidmo na caite svajanāstava || 50 ||
[Analyze grammar]

tataḥ sā cintayāmāsa nijacitte varāṃganā |
maṇibhadreṇa dagdhāhamīrṣyāvahnigatā'niśam || 51 ||
[Analyze grammar]

vaṃcayitvā tu pitaraṃ gṛhītāsmi tataḥ param |
na kiṃcitpāpmanā dattaṃ jalpayitvā dhanaṃ bahu || 52 ||
[Analyze grammar]

dvitīyena tu me puṃsā martyaloke sukhaṃ kṛtam |
dattvā vastrāṇi citrāṇi tathaivābharaṇāni ca || 53 ||
[Analyze grammar]

pradāsyati ca tātasya suvarṇaṃ kathitaṃ ca yat |
yadgṛhṇāmi svahastena maṇibhadraṃ dvitīyakam || 54 ||
[Analyze grammar]

evaṃ niścitya manasā dṛṣṭvā raktapariplutam |
prathamaṃ maṇibhadraṃ sā jagṛhe'tha dvitīyakam || 55 ||
[Analyze grammar]

abravīcca tato vākyaṃ sarvalokasya śṛṇvataḥ |
ahaṃ tātena dattāsya vivāhe agnisaṃnidhau || 56 ||
[Analyze grammar]

dvitīyo'yaṃ durācāro veṣakartā samā gataḥ |
māṃ ca prārthayate guptāṃ nānācāraiḥ pṛthagvidhaiḥ || 57 ||
[Analyze grammar]

tatastu pārthivaḥ kruddhastasya śākhāvalaṃbanam |
ādideśa dvijaśreṣṭhā maṇibhadrasya durmateḥ || 58 ||
[Analyze grammar]

etasminnaṃtare so'tha vadhakānāṃ samarpitaḥ |
taṃ vṛkṣaṃ nīyamānastu ślokānetāṃstadāpaṭhat || 59 ||
[Analyze grammar]

nirdayatvaṃ tathā drohaṃ kuṭilatvaṃ viśeṣataḥ |
aśaucaṃ nirghṛṇatvaṃ ca strīṇāṃ doṣāḥ svabhāvajāḥ || 60 ||
[Analyze grammar]

antarviṣamayā hyetā bahirbhāge manoramāḥ |
guñjāphalasamākārā yoṣitaḥ sarva daivahi || 61 ||
[Analyze grammar]

uśanā veda yacchāstraṃ yacca veda bṛhaspatiḥ |
manvādayastathānye'pi strībuddhestatra kiṃca na || 62 ||
[Analyze grammar]

pīyūṣamadhare vāsaṃ hṛdi hālāhalaṃ viṣam |
āsvādyate'dharastena hṛdayaṃ ca prapīḍyate || 63 ||
[Analyze grammar]

alaktako yathā rakto naraḥ kāmī tathaiva ca |
hṛtasārastathā so'pi pādamūle nipā tyate || 64 ||
[Analyze grammar]

saṃsāraviṣavṛkṣasya kukarmakusumasya ca |
narakārtiphalasyoktā mūlameṣā nitaṃbinī || 65 ||
[Analyze grammar]

kasya no jāyate trāso dṛṣṭvā dūrā dapi striyam || 66 ||
[Analyze grammar]

saṃsārabhramaṇaṃ nārī prathame'pi samāgame |
vahnipradakṣiṇanyāyavyājenaiva pradarśayet || 67 ||
[Analyze grammar]

etāstu nirghṛṇatvena nirdaya tvena nityaśaḥ |
viśeṣājjāḍyakṛtyena dūṣayaṃti kulatrayam || 68 ||
[Analyze grammar]

kulatrayagṛhaṃ kīrtyā nijayā dhavalīkṛtam |
kṛṣṇaṃ karotyakṛ tyena nārī dīpaśikheva tu || 69 ||
[Analyze grammar]

dharmavṛkṣasya vātālī cittapadmaśaśiprabhā |
sṛṣṭā kāmārṇavagrāhī kena mokṣadṛḍhārgalā || 70 ||
[Analyze grammar]

kārā saṃtānakūṭasya saṃsāravanavāgurā |
svargamārgamahāgartā puṃsāṃ strī vedhasā kṛtā || 71 ||
[Analyze grammar]

vedhasā baṃdhanaṃ kiṃcinnṛṇāmanyadapaśyatā |
strīrūpeṇa tataḥ ko'pi pāśo'yaṃ sudṛḍhaḥ kṛtaḥ || 72 ||
[Analyze grammar]

ityevaṃ bahudhā so'pi vilalāpa suduḥkhitaḥ |
strīcintāṃ bahudhā kṛtvā ātmānaṃ cāpyagarhayat || 73 ||
[Analyze grammar]

aho kubuddhinā naiva labdhaṃ saṃsārajaṃ phalam |
na kadācinmayā dattaṃ tṛṣṇāvyākulacetasā || 74 ||
[Analyze grammar]

aiśvarye'pi sthite bhūri na mayā sukṛtaṃ kṛtam |
kadācinnaiva japtaṃ ca na hutaṃ ca hutāśane || 75 ||
[Analyze grammar]

athavā satyamevoktaṃ kenāpi ca mahātmanā |
kṛpaṇena samo dātā na bhūto na bhaviṣyati |
aspṛṣṭvāpi ca vittaṃ svaṃ yaḥ parebhyaḥ prayacchati || 76 ||
[Analyze grammar]

śaraṇaṃ kiṃ prapannānāṃ viṣavanmārayaṃti kim |
na dīyate na bhujyaṃte kṛpaṇena dhanāni ca || 77 ||
[Analyze grammar]

dānaṃ bhogo nāśastisro gatayo bhavaṃti vittasya |
yo na dadāti na bhuṃkte tasya tṛtīyā gatirbhavati || 78 ||
[Analyze grammar]

dhaninopyadānavibhavā gaṇyaṃte dhuri daridrāṇām |
nahi haṃti yatpipāsāmataḥ samudro'pi marureva || 79 ||
[Analyze grammar]

atyupayuktāḥ sadbhirgatāgatairaharahaḥ sunirviṇṇāḥ |
kṛpaṇajanasaṃnikāśaṃ saṃprāpyārthāḥ svapaṃtīha || 80 ||
[Analyze grammar]

prāptānna labhaṃte te bhogānbhoktuṃ svakarmaṇā kṛpaṇāḥ |
mukhapākaḥ kila bhavati drākṣāpāke balibhujānām || 81 ||
[Analyze grammar]

dātavyaṃ bhoktavyaṃ sati vibhave saṃcayo na kartavyaḥ |
paśyeha madhukarīṇāṃ saṃcitamarthaṃ haraṃtyanye || 82 ||
[Analyze grammar]

yācitaṃ dvijavare na dīyate saṃcitaṃ kratuvare na yojyate |
tatkadaryaparirakṣitaṃ dhanaṃ caurapārthivagṛheṣu bhujyate || 83 ||
[Analyze grammar]

tyāgo guṇo vittavatāṃ vittaṃ tyāgavatāṃ guṇaḥ |
parasparaviyuktau tu vitta tyāgau viḍambanam || 84 ||
[Analyze grammar]

kiṃ tayā kriyate lakṣmyā yā vadhūriva kevalā |
yā na veśyeva sāmānyā pathikairapi bhujyate || 85 ||
[Analyze grammar]

arthoṣmaṇā bhavetprāṇo bhavedbhakṣyairvinā nṛṇām |
yataḥ saṃdhāryate bhūmiḥ kṛpaṇasyoṣmaṇā hi sā || 86 ||
[Analyze grammar]

kṛpaṇānāṃ prasādena śeṣo dhārayate mahīm |
yataste bhūgataṃ vittaṃ kurvate tasya coṣmaṇā || 87 ||
[Analyze grammar]

evaṃ bahuvidhā vācaḥ pralapanmaṇibhadrakaḥ |
nītvā taiḥ pārthivoddiṣṭaiḥ puruṣaiḥ paruṣākṣaram |
bahudhā pralapaṃ ścaiva kṛtaḥ śākhāvalaṃbanaḥ || 88 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye maṇibhadropākhyāne maṇibhadranidhanavarṇanaṃnāmāṣṭapaṃcāśaduttaraśatatamo'dhyāyaḥ || 158 ||
[Analyze grammar]