Chapter 157

[English text for this chapter is available]

sūta uvāca |
evaṃ saṃbodhitastaistu lokaiḥ puṣpastadā dvijāḥ |
tānabravīttataḥ kuddho na kariṣyāmi bhojanam || 1 ||
[Analyze grammar]

yāvanna cāsya pāpasya kariṣyāmi pratikriyām |
tadvadadhvaṃ mahābhāgā devo vā devatā'thavā || 2 ||
[Analyze grammar]

tathānye siddhamantrā vā sadyaḥ pratyayakārakāḥ |
ārādhitā yathā sadyo mānuṣāṇāṃ varapradāḥ || 3 ||
[Analyze grammar]

janā ūcuḥ |
eko devaḥ sthitaścātra sadyaḥpratyayakārakaḥ |
tathaikā devatā cātra śrūyate jagatī tale || 4 ||
[Analyze grammar]

puṣpa uvāca |
ko'sau devaḥ kiyaddūre kasminsthāne vyavasthitaḥ |
tathā ca devatā brūta dayāṃ kṛtvā mamopari || 5 ||
[Analyze grammar]

janā ūcuḥ |
camatkārapure sūryo yājñavalkyapratiṣṭhitaḥ |
asti vipra śruto'smābhiḥ sadyaḥ pratyayakārakaḥ || 6 ||
[Analyze grammar]

sūryavāreṇa saptamyāṃ phalahastaḥ pradakṣiṇām |
yaḥ karoti narastasya hyaṣṭottaraśataṃ dvija || 7 ||
[Analyze grammar]

tasya siddhipradaḥ samyaṅmanasā vāṃchitaṃ dadet |
tathānyā śāradā nāma devī kāśmīrasaṃsthitā || 8 ||
[Analyze grammar]

upavāsakṛtereva sāpi siddhipradāyinī |
tacchrutvā vacanaṃ teṣāṃ janānāṃ sa dvijottamāḥ || 9 ||
[Analyze grammar]

samuddiśya camatkāraṃ tasmātsthānāttataḥ param |
camatkārapuraṃ prāpya saptamyāṃ sūryavāsare || 10 ||
[Analyze grammar]

tatrāgatya tataḥ snātvā śucirbhūtvā samāhitaḥ |
gataḥ saṃti ṣṭhate yatra yājñavalkyakṛto raviḥ || 11 ||
[Analyze grammar]

tataḥ pradakṣiṇāḥ kṛtvā aṣṭottaraśataṃ mitāḥ |
nālikerāṇi cādāya śraddhayā parayāḥ yutaḥ || 12 ||
[Analyze grammar]

tataḥ kṣutkṣāmakaṃṭhaḥ sa pariśrāṃtastadagrataḥ |
upaviṣṭo japaṃ kurvansūryeṣṭaiḥ stavanaistadā || 13 ||
[Analyze grammar]

maṃḍalabrāhmaṇādyaiśca tāraṃ svaramupāśritaḥ |
saptayuṃjara vādyaiśca agnireveti bhaktitaḥ || 14 ||
[Analyze grammar]

ādityavratasaṃjñādyaiḥ sāmabhirdṛḍhabhaktibhāk |
kṣurikāmaṃtrapūrvaiśca tathaivātharvaṇodbhavaiḥ || 15 ||
[Analyze grammar]

yāvadanyorkavārastu naiva tuṣṭo divākaraḥ |
paurṇamāsīdine prāpte vairāgyaṃ paramaṃ gataḥ || 16 ||
[Analyze grammar]

tataḥ puṣpo vidhāyātha snānaṃ dhautāṃbaraḥ śuciḥ |
bhūnāmnā sādhya bhūmiṃ ca sthaṃḍilārthaṃ dvijottamāḥ || 17 ||
[Analyze grammar]

sthaṃḍilaṃ hastamātraṃ ca sthaṃḍile pratyakalpayat |
agnimīḷetimaṃtreṇa tato'gniṃ sa nidhāya ca || 18 ||
[Analyze grammar]

tṛṇaiḥ paristṛṇāmītikṛtvopastaraṇaṃ tataḥ |
ābrahmanniti mantreṇa dattvā brahmāsanaṃ tataḥ || 19 ||
[Analyze grammar]

sutrāmāṇamiti procya samidhaḥsthāpanaṃ ca yat |
prokṣaṇīpātramāsādya prokṣaṇaṃ kṛtavāṃstataḥ || 20 ||
[Analyze grammar]

pātrāṇāmatha sarveṣāṃ sruvādīnāṃ yathākramam |
tataḥ prakalpayāmāsa haviḥsthāne nijāṃ tanum || 21 ||
[Analyze grammar]

nyāyaṃ tu devatāsthāne sa ācāryavidhānataḥ |
grahaṇaṃ prokṣaṇaṃ caiva sūryāya tveti cottaram || 22 ||
[Analyze grammar]

ayaṃ ta idhma ātmeti japtvātha samidhaṃ tataḥ |
agnisometi mantrābhyāṃ hutvā cājyāhutī tataḥ || 23 ||
[Analyze grammar]

kṛtvā vyāhṛtihomaṃ tu bhūrbhuvaḥ sveti bho dvijāḥ |
ye te śateti mantrādyairhutvātraiva ca dāruṇam || 24 ||
[Analyze grammar]

āhvayāmāsa vahniṃ ca pratyakṣo bhava deva me |
evaṃ mantreṇa kṛtvā taṃ saṃmukhaṃ jvalanaṃ tataḥ || 25 ||
[Analyze grammar]

kālīkarālikādyāśca saptajihvāśca yāḥ smṛtāḥ |
tāsāmāhvānakaṃ kṛtvā tato dīpte havirbhuji || 26 ||
[Analyze grammar]

juhāva ca sa māṃsāni svāni cotkṛttya śastrataḥ |
lomabhyaḥ svāheti vidiśo digbhyo dattvā tataḥ param || 27 ||
[Analyze grammar]

agnaye sviṣṭakṛtaiti yāvadātmānamākṣipet |
tāvaddhṛtaḥ sa sūryeṇa svahastena samaṃtataḥ || 28 ||
[Analyze grammar]

dhṛtaśca sādaraṃ tena mā vipra kuru sāhasam |
nedṛgghomaḥ kṛtaḥ kvāpi kadācitkenaciddvija || 29 ||
[Analyze grammar]

tuṣṭo'haṃ ca mahābhāga brūhi kiṃ karavāṇi te |
adeyamapi dāsyāmi yatte manasivartate || 30 ||
[Analyze grammar]

puṣpa uvāca |
yadi tuṣṭosi deveśa yadi deyo varo mama |
taddeyaṃ guṭikāyugmaṃ yadarthaṃ prārthayāmyaham || 31 ||
[Analyze grammar]

vaidiśe nagare cāsti maṇibhadro mahādhanī |
kubjāṃgaḥ kṣatriyo deva jarāvalisamanvitaḥ || 32 ||
[Analyze grammar]

abrahmaṇyo mahānīcaḥ kīnāśo janadūṣitaḥ |
dvayorekāṃ yadā vaktre sadā caiva karomyaham || 33 ||
[Analyze grammar]

tadā me tādṛśaṃ rūpamavikalpaṃ bhavatviti |
yadā punargṛhītvā tāṃ dvitīyāṃ prakṣipāmyaham || 34 ||
[Analyze grammar]

tataśca sahajaṃ rūpaṃ mama bhūyātsureśvara |
vaidiśe nagare cāsti maṇibhadraḥ sureśvara || 35 ||
[Analyze grammar]

aparaṃ tasya yatkiṃciddhanadhānyādikaṃ gṛhe |
tatsarvaṃ viditaṃ me syāttathā deva prajāyatām || 36 ||
[Analyze grammar]

kiṃ vānena bahūktena tasya mitrāṇi bāṃdhavāḥ |
vyavahārāstathā sarve prakaṭāḥ syuḥ sadaiva hi || 37 ||
[Analyze grammar]

na kaścijjāyate tatra vikalpaḥ kasyacitkvacit |
mama tasyādhama syāpi sarvakṛtyeṣu sarvadā || 38 ||
[Analyze grammar]

bhāskara uvāca |
gṛhāṇa tvaṃ mahābhāga guṭikādvitayaṃ śubham |
śuklaṃ kṛṣṇaṃ ca vaktrasthaṃ vibheda jananaṃ mahat || 39 ||
[Analyze grammar]

śuklayā tasya rūpaṃ ca tava nūnaṃ bhaviṣyati |
kṛṣṇayāpi punaḥ svaṃ ca saṃprāpsyasi mahādvija || 40 ||
[Analyze grammar]

puṣpa uvāca |
aparaṃ vada me deva saṃdehaṃ hṛdaye sthitam |
yattvāṃ pṛcchāmi deveśa tava kīrtivivardhanam || 41 ||
[Analyze grammar]

mayā śrutaṃ suraśreṣṭha saptamyāṃ sūryavāsare |
yaste pradakṣiṇānāṃ ca kuryādaṣṭottaraṃ śatam |
tasya tvaṃ tatkṣaṇādeva phalahastasya siddhidaḥ || 42 ||
[Analyze grammar]

mūrkhasyāpi ca pāpasya sarvadoṣānvitasya ca |
caturvedasya me kasmāttīrthayātrāparasya ca || 43 ||
[Analyze grammar]

saptarātre gate tuṣṭo homa evaṃvidhe kṛte || 44 ||
[Analyze grammar]

śrīsūrya uvāca |
tāmasena tu bhāvena tvavā sarvamidaṃ kṛtam |
tena sarvaṃ vṛthā jātaṃ tvayā sarvaṃ ca yatkṛtam || 49 ||
[Analyze grammar]

yatkiṃcitkriyate vipra tāmasaṃ bhāvamāśritaiḥ |
tatsarvaṃ jāyate vyarthaṃ kiṃ na vetti bhavā nidam || 46 ||
[Analyze grammar]

evamuktvā tataḥ sūryastasya gātrāṇyupāspṛśat |
khaṃḍitāni svahastena nirvraṇāni kṛtāni ca || 47 ||
[Analyze grammar]

abravīcca punaḥ puṣpaṃ prasanna vadanaḥ sthitaḥ |
anenaiva vidhānena yaḥ karoti kuśaṃḍikām || 48 ||
[Analyze grammar]

somyabhāvaṃ samāśritya samidbhiścārkasaṃbhavaiḥ |
tilākṣatairviśeṣeṇa homaṃ yastu samācaret || 49 ||
[Analyze grammar]

chandaṛṣisamopetamekaṃ yāvatsahasrakam |
tasya dāsyāmyahaṃ hṛtsthamadhikebhyo'dhikaṃ phalam || 5 ||
[Analyze grammar]

evamuktvā sahasrāṃśustatraivāṃ taradhīyata |
dīpavallakṣito naiva kena mārgeṇa nirgataḥ || 51 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye sūryasakāśātpuṣpabrāhmaṇasya varalabdhivarṇanaṃnāma saptapañcāśaduttaraśatatamo'dhyāyaḥ || 157 ||
[Analyze grammar]