Chapter 156

[English text for this chapter is available]

sūta uvāca |
evaṃ sambodhitā tena sā bhāryā vijane gatā |
kanyāpradānasya ruciḥ saṃjātā tadanantaram || 1 ||
[Analyze grammar]

tataḥ sa pādau prakṣālya maṇibhadrasya satvaram |
udakaṃ sākṣataṃ haste kanyādānakṛte dadau || 2 ||
[Analyze grammar]

so'pi hastakṛte toye taṃ kṣatriyamuvāca ha |
adyaiva kuru me śīghraṃ vivāhaṃ kanyayā saha || 3 ||
[Analyze grammar]

yasmādicchāmi saṃsthātuṃ tena te gṛhamāgataḥ |
kṣatriya uvāca |
nātra nakṣatramarhaṃ tu na kiṃcidbhagadaivatam || 4 ||
[Analyze grammar]

vivāhasya na vārastu prasupte madhusūdane |
asminkāle tu saṃprāpte yā kanyā pariṇīyate || 5 ||
[Analyze grammar]

sā ca saṃvatsarānmadhye dhruvaṃ vaidhavyamāpnuyāt |
evaṃ daivajñamukhyānāṃ śrutaṃ pravadatāṃ mayā || 6 ||
[Analyze grammar]

tasmācchubhe tu saṃprāpte nakṣatre bhagadaivate |
tvaṃ vivāhaya me kanyāṃ protthite madhusūdane |
yena kṣemaṃkarī te syāttathā putraprapautriṇī || 7 ||
[Analyze grammar]

maṇibhadra uvāca |
nakṣatraṃ vahnidaivatyaṃ prasupto madhusūdanaḥ || 8 ||
[Analyze grammar]

sāṃprataṃ vatsarāṃto'yaṃ vivāhe vihite sati |
kāmāgnirutthitaḥ kāye sāṃprataṃ māṃ prabādhate || 9 ||
[Analyze grammar]

tasmātkuru prasādaṃ me kanyāvivahitena tu |
tava vittaṃ pradāsyāmi sukhī yena bhaviṣyasi || 10 ||
[Analyze grammar]

sūta uvāca |
tasmācca vittalobhena kṣatriyo dvijasattamāḥ |
vivāhaṃ kārayāmāsa tatkṣaṇādeva sa dvijāḥ || 11 ||
[Analyze grammar]

dadau kanyāṃ suduḥkhārtāmaśrupūrṇekṣaṇāṃ sthitām |
sannidhau vahniviprāṇāṃ tadā tena vivāhitā || 12 ||
[Analyze grammar]

nītvā nijagṛhaṃ paścātkāmadharme niyojitā |
anicchaṃtīmapi satīṃ tāmatīva nirargalaḥ || 13 ||
[Analyze grammar]

so'pi niṣkāmatāṃ prāpya nirbhartsya ca muhurmuhuḥ |
bhāṣikābhiranekābhistāpayitvā ca bhāminīm || 14 ||
[Analyze grammar]

śāṃtiṃ nītā tatastena pratyūṣe samupasthite |
bhṛtyavargaḥ samasto'pi tato niḥsārito gṛhāt || 15 ||
[Analyze grammar]

irṣyādharmaṃ samāsthāya paramaṃ dvijasattamāḥ |
eka eva kṛtastena dvārapālo napuṃsakaḥ || 16 ||
[Analyze grammar]

proktaṃ na ca tvayā deyaḥ praveśo'tra gṛhe mama |
bhṛtyasya bhikṣukasyaiva vṛddhasya vratinastathā || 17 ||
[Analyze grammar]

evaṃ kṛtvā vidhānaṃ tu tataścakre janaiḥ samam |
vyavahārakriyāḥ sarvā dravyalakṣaiḥ sahasraśaḥ || 18 ||
[Analyze grammar]

śvaśurasyāpi no dattaṃ kiṃcittena durātmanā |
bhāryāyāḥ śvetavastrāṇi muktvā'nyannaiva kiṃcana || 19 ||
[Analyze grammar]

yāmadvaye'pi saṃprāpte dinasya gṛhamāgataḥ |
mitamannaṃ tata stasyā bhojanārthaṃ prayacchati || 20 ||
[Analyze grammar]

yāvanmātraṃ ca sā bhuṃkta ekaviprānvitaḥ svayam |
bhuktvā caiva tato yāti vyavahārakṛte bahiḥ || 21 || || 8 ||
[Analyze grammar]

āgacchati punarharmyaṃ saṃdhyākāla upasthite |
sā'pi tiṣṭhati harmyasthā patnī tasya durātmanaḥ || 22 ||
[Analyze grammar]

vairāgyaṃ paramaṃ prāptā duḥkhaśokasamanvitā || |
matsīva patitā toyādanyasmiṃstu sthalāṃtike || 23 ||
[Analyze grammar]

cakravākī vimukteva saṃprāpte divasakṣaye |
haṃsī haṃsaviyukteva mṛgīva mṛgavarjitā || 24 ||
[Analyze grammar]

so'pi nityaṃ dadau bhojyaṃ viprasyaikasya ca dvijāḥ |
procya taṃ brāhmaṇaṃ pūrvaṃ sāmapūrvamidaṃ vacaḥ || 25 ||
[Analyze grammar]

adhovaktreṇa bhoktavyaṃ sadā vipra gṛhe mama || |
yadi paśyasi me bhāryāṃ saṃprāpsyasi viḍaṃbanām || 26 ||
[Analyze grammar]

evaṃ viḍaṃbitāstena hyūrdhvavaktrāvalokinaḥ |
ye cānye bhayasaṃtrastā na yāṃti ca tadālayam || 27 ||
[Analyze grammar]

kasyacittvatha kālasya puṣponāma dvijottamaḥ |
tīrthayātrāprasaṃgena saṃprāptastatpuraṃ prati || 28 ||
[Analyze grammar]

pūrve vayasi saṃsthaśca darśanīyatamākṛtiḥ |
kṣutkṣāmaḥ supariśrāṃto madhyāhne samupasthite || 29 ||
[Analyze grammar]

paribhramati vai nṛṇāṃ sa gṛhāṇi samaṃtataḥ |
maṇibhadraḥ samādiṣṭastasya kenāpi bhojyadaḥ || 3 ||
[Analyze grammar]

tatastaṃ prārthayāmāsa gatvā bhojyaṃ ca sa dvijāḥ |
tenāpi sa dvijaḥ proktastadāsau dvijasattamāḥ || 31 ||
[Analyze grammar]

adhovaktreṇa bhoktavyaṃ tvayā vīkṣyā na me priyā |
no cedviḍaṃbanāṃ vipra saṃprāpsyasi na saṃśayaḥ || 32 ||
[Analyze grammar]

evaṃ jñātvā mahābhāga yatkṣemaṃ tatsamācara || 33 ||
[Analyze grammar]

puṣpa uvāca |
kṣutkṣāmasya na me kāryaṃ paradāravilokanaiḥ |
vedādhyayanayuktasya tīrthayātrāratasya ca || 34 ||
[Analyze grammar]

maṇibhadra uvāca |
tadāgaccha mayā sārdhaṃ sāṃprataṃ mama maṃdiram |
viśeṣāttava dāsyāmi bhojanaṃ dakṣiṇānvitam || 35 ||
[Analyze grammar]

evaṃ tau saṃvidaṃ kṛtvā yayaturbrāhmaṇottamāḥ |
haṭṭamārge gatau tatra yatra ṣaṃḍho vyava sthitaḥ || 36 ||
[Analyze grammar]

tatpārśve brāhmaṇaṃ dhṛtvā praviṣṭo gṛhamadhyataḥ |
bhāryayā śrapayāmāsa dhānyaṃ mānamitaṃ tadā || 37 ||
[Analyze grammar]

tato devārcanaṃ kṛtvā vaiśvadevāṃta āgatam |
puṣpamāhūya tatpādau prakṣālya ca niveśya ca || 38 ||
[Analyze grammar]

kṛtvārcanavidhiṃ tasya dattvānnaṃ ca susaṃskṛtam |
upaviśya tataḥ paścādbhojanārthaṃ tato dvijāḥ |
puṣpo'pi vīkṣate tasyāḥ pādau paṃkajasaṃnibhau || 39 ||
[Analyze grammar]

yathāyathā sa kautukyādvīkṣate yauvanāśritaḥ |
kautukyāttena ca tatastasyā vaktraṃ nirīkṣitam || 40 ||
[Analyze grammar]

tataścākārayāmāsa maṇibhadraḥ prakopataḥ |
taṃ ṣaṇḍhamuktavāñjāraṃ tvamenaṃ ca viḍaṃbaya || 41 ||
[Analyze grammar]

tatastena dvijaśreṣṭhāḥ sa puṣpo mūrdhni tāḍitaḥ || 42 ||
[Analyze grammar]

adho nipatitaṃ bhūmau rudhireṇa pariplutam |
caraṇābhyāṃ samākṛṣya dūto mārgaṃ samāśritaḥ || 43 ||
[Analyze grammar]

yāvaccatuṣpathaṃ nīto yatra saṃcarate janaḥ |
hāhākāro mahānāsīttasminpuravare tadā || 44 ||
[Analyze grammar]

sarveṣāmeva paurāṇāṃ tadavasthaṃ vilokya tam |
tato'nyaiḥ śītatoyena sobhiṣikto dayānvitaiḥ || 45 ||
[Analyze grammar]

kṛtvā vāyupradānaṃ ca gamitaścetanāṃ prati |
sa prāpya cetanāṃ kṛcchrāttattoyāttānathābravīt || 46 ||
[Analyze grammar]

na mayā vihitaṃ cauryaṃ paradārā na sevitāḥ |
paśyadhvaṃ maṇibhadreṇa yathāhaṃ kleśito janāḥ || 47 ||
[Analyze grammar]

tīrthayātrāparo vipro brahmacaryaparāyaṇaḥ |
bhojanārthaṃ samāmantrya nīto'vasthāmimāṃ tataḥ || 48 ||
[Analyze grammar]

kiṃ nāsti vātra bhūpālo yenaitadasamaṃjasam |
brāhmaṇasya viśeṣeṇa nirdoṣasya mahājanāḥ || 49 ||
[Analyze grammar]

janā ūcuḥ |
bahavastena pāpena viprāḥ pūrvaṃ viḍaṃbitāḥ |
rājaprasādayuktena cerṣyāṃ prāpya śarīriṇā || 50 ||
[Analyze grammar]

ko'pi rājaprasādānna kiṃcidbrūte'sya sammukham |
tasmāduttiṣṭha gacchāmo dāsyāmaste'śanaṃ vayam || 51 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgara khaṇḍe hāṭakeśvarakṣetramāhātmye puṣpādityamāhātmye maṇibhadrakṛtapuṣpabrāhmaṇaviḍaṃbanavarṇanaṃnāma ṣaṭpañcāśaduttaraśatatamo'dhyāyaḥ || 156 ||
[Analyze grammar]