Chapter 155

[English text for this chapter is available]

sūta uvāca |
tathā'nye tatra tiṣṭhaṃti vasavo'ṣṭau dvijottamāḥ |
sthānamekaṃ samāśritya sarvadaiva prapūjitāḥ || 1 ||
[Analyze grammar]

ekādaśa tathā rudrā ādityā dvādaśaiva tu |
devavaidyau tathā cānyāvaśvinau tatra saṃsthitau || 2 ||
[Analyze grammar]

devatāstatra tiṣṭhaṃti koṭikoṭipranāyakāḥ |
ekaikā brāhmaṇaśreṣṭhāḥ kalikālabhayākulāḥ || 3 ||
[Analyze grammar]

hāṭakeśvaraje kṣetre yajñabhāgāptaye sadā |
aṣṭamyāṃ śuklapakṣe tu madhumāse vyavasthite || 4 ||
[Analyze grammar]

yastānvasūñchucirbhūtvā snātvā dhautāṃbaro naraḥ |
tarpayitvā dvijaśreṣṭhānpaścātsaṃpūjayennaraḥ || 5 ||
[Analyze grammar]

vasavastvā kṛṇvanniti mantreṇānena bhaktitaḥ |
naivedyaṃ ca tato dadyādvasavaśchaṃdasāviti || 6 ||
[Analyze grammar]

tato dhūpaṃ sugandhaṃ ca yo yacchati samāhitaḥ |
vasavastvāṃ jetu tathā mantrametamudīrayet || 7 ||
[Analyze grammar]

ārārtikaṃ tato bhūyo yaḥ karoti dvijottamāḥ |
vasavastvāṃ jetu tathā śrūyatāṃ yatphalaṃ hi tat || 8 ||
[Analyze grammar]

kanyābhiḥ koṭibhiryacca pūjitābhirbhavetphalam |
vasūnāṃ caiva tatsarvamaṣṭabhistaiḥ prapūjitaiḥ || 9 ||
[Analyze grammar]

tathā ye dvādaśādityāstasminkṣetre vyavasthitāḥ |
tānsthāpya pūjayitvā ca saptamyāmarkavāsare |
samyakchraddhāsamopetaḥ puṣpagandhānulepanaiḥ || 10 ||
[Analyze grammar]

paścāttatpuratasteṣāṃ samastānyekaviṃśatiḥ |
ādityavrata saṃjñāni tasya puṇyaphalaṃ śṛṇu || 11 ||
[Analyze grammar]

koṭidvādaśakaṃ yastu sūryāṇāṃ pūjayennaraḥ |
tatphalaṃ prāpnuyātkṛtsnaṃ pūjayannātra saṃśayaḥ || 12 ||
[Analyze grammar]

tathaikādaśarudrā ye tatra kṣetre dvijottamāḥ |
ekasthāne sthitāsteṣāṃ pūjayā śrūyatāṃ phalam || 13 ||
[Analyze grammar]

yastānpūjayate bhaktyā sthāpayitvā sureśvarān |
caitraśuklacaturdaśyāṃ japecca śatarudriyam || 14 ||
[Analyze grammar]

ekādaśapramāṇena koṭayastena pūjitāḥ |
bhavaṃti nātra saṃdehaḥ satyametanmayoditam || 15 ||
[Analyze grammar]

yathā tāvaśvinau tatra devavaidyau vyavasthitau |
āśvine māsi cāśvinyāṃ pūrṇimāyāṃ tathā tithau || 16 ||
[Analyze grammar]

yastau saṃpūjayitvā tu hyaśvinīsūktamuccaret |
dvikoṭi guṇitaṃ puṇyaṃ samyaktena samāpyate || 17 ||
[Analyze grammar]

etadvaḥ sarvamākhyātaṃ māhātmyaṃ vasusaṃbhavam |
ādityānāṃ ca rudrāṇāmaśvinordvijasattamāḥ || 198 ||
[Analyze grammar]

sūta uvāca |
tathā'nyo'pi ca tatrāsti yājñavalkyapratiṣṭhitaḥ |
puṣpāditya iti khyātaḥ sarvakāmaprado nṛṇām || 19 ||
[Analyze grammar]

yo yaṃ kāmamabhidhyāya taṃ pūjayati mānavaḥ |
sa taṃ kṛtsnamavāpnoti yadyapi syātsudurlabham || 20 ||
[Analyze grammar]

aputro labhate putrāndhanārthī dhanamāpnuyāt |
bahuvairo'rināśaṃ ca vidyārthī śāstravidbhavet || 21 ||
[Analyze grammar]

saptamyāmarkavāreṇa yastaṃ paśyati mānavaḥ |
mucyeddinodbhavātpāpānmahato'pidvijottamāḥ || 22 ||
[Analyze grammar]

pūjayā hi praṇaśyeta pāpaṃ varṣasamudbhavam |
nāśaṃ yāti na saṃdehastamaḥ sūryodaye yathā || 23 ||
[Analyze grammar]

aṣṭottaraśataṃ caiva yaḥ karoti pradakṣiṇām |
phalahastaḥ sa mucyeta hyājanmamaraṇādaghāt || 24 ||
[Analyze grammar]

pradakṣiṇāṃ prakuvāṇo yo yaṃ kāmamabhīpsati |
sa tamāpnotyasaṃdigdhaṃ niṣkāmo mokṣamāpnuyāt || 25 ||
[Analyze grammar]

saṃkrāṃtau sūryavāreṇa yaḥ kuryātsnāpanakriyām |
abhīṣṭaṃ sidhyate tasya meṣe vā yadi vā tule || 26 ||
[Analyze grammar]

tasminsarvaprayatnena vāṃchadbhirīpsitaṃ phalam |
sa devo vīkṣaṇīyaśca pūjanīyo viśeṣataḥ || 27 ||
[Analyze grammar]

yaddevaiḥ sakalairdṛṣṭaiścamatkārapurodbhavaiḥ |
phalamāpnoti taddṛṣṭau tena tatphalamāpnuyāt || 28 ||
[Analyze grammar]

|ṛṣaya ūcuḥ |
yājñavalkyena devo'sau yadi tāvatpratiṣṭhitaḥ |
puṣpādityaḥ kathaṃ prokta etanno vaktumarhasi || 29 ||
[Analyze grammar]

sūta uvāca |
atra vaḥ kīrtayiṣyāmi cetihāsaṃ purātanam |
puṣpādityo yathā jāto yājñavalkyapratiṣṭhitaḥ || 3 ||
[Analyze grammar]

astyatra medinīpṛṣṭhe supuraṃ vaidiśaṃ mahat |
nānāsaudha samākīrṇaṃ varaprākāraśobhitam || 31 ||
[Analyze grammar]

udyānaśatasaṃkīrṇaṃ taḍāgairupaśobhitam |
tatrāsītpārthivaśreṣṭhaścitravarmeti viśrutaḥ || 32 ||
[Analyze grammar]

na durbhikṣaṃ na ca vyādhirna ca caurakṛtaṃ bhayam |
tasmiñchāsati dharmajñe satataṃ dharmavatsale || 33 ||
[Analyze grammar]

tatpure kṣatriyo jātyā maṇibhadra iti smṛtaḥ |
sa vai dhanena saṃyuktaḥ pitṛpaitāmahena ca || 34 ||
[Analyze grammar]

tatpuraṃ sakalaṃ caiva sa rājā maṃtribhiḥ saha |
kusīdāhṛtavittena vartate kārya utthite || 35 ||
[Analyze grammar]

sa ca kāyena kubjaḥ syājjarāvyāptastathaiva ca |
valīpalitagātraśca hyatyaṃtaṃ ca virūpadhṛk || 36 ||
[Analyze grammar]

tathā caiva kukīnāśaḥ prabhūte'pi dhane sati |
na dadāti sa pāpātmā kasyacitkiñcideva hi |
na bhakṣayati tṛṣṇārtaḥ svayameva kathaṃcana || 37 ||
[Analyze grammar]

evaṃvidho'pi so'tīvavirūpo'pi sudurmatiḥ |
prārthayāmāsa vai kanyāṃ svajātyāṃ vīkṣya suṃdarīm || 38 ||
[Analyze grammar]

biṃboṣṭhīṃ cārudehāṃ ca muṣṭigrāhyakṛśodarīm |
padmapatraviśālākṣīṃ gūḍhagulphāṃ sukeśikām || 39 ||
[Analyze grammar]

raktāṃ saptasu gātreṣu trigaṃbhīrāṃ tathā punaḥ |
sarvalakṣaṇasaṃpūrṇāṃ jātīyāṃ sumanoramām || 40 ||
[Analyze grammar]

kṣatriyāddvijaśārdūlā daridreṇa ca pīḍitāt |
tena tatsakalaṃ vṛttaṃ bhāryāyai saṃniveditam || 41 ||
[Analyze grammar]

tacchrutvā sā ca duḥkhena mūrcchitā saṃbabhūva ha |
saṃbodhitā tatastena vākyairdṛṣṭāṃtasaṃbhavaiḥ || 42 ||
[Analyze grammar]

kṣatriya uvāca |
na sā vidyā na tacchilpaṃ na tatkāryaṃ na sā kalā |
arthārthibhirna tajjñānaṃ dhanināṃ yanna dīyate || 43 ||
[Analyze grammar]

iha loke ca dhanināṃ paro'pi svajanāyate |
svajano'pi daridrāṇāṃ kāryārthe durjanāyate || 44 ||
[Analyze grammar]

arthebhyo hi vivṛddhebhyaḥ saṃbhṛtebhyastatastataḥ |
pravartaṃte kriyāḥ sarvāḥ parvatebhyo yathāpagāḥ || 45 ||
[Analyze grammar]

pūjyate yadapūjyo'pi yadagamyo'pi gamyate |
vaṃdyate yadavandyo'pi hyanubaṃdho dhanasya saḥ || 46 ||
[Analyze grammar]

aśanādiṃdriyā ṇīva syuḥ kāryāṇyakhilāniha |
sarvasmātkāraṇādvittaṃ sarvasādhanamucyate || 47 ||
[Analyze grammar]

arthārthī jīvaloko'yaṃ śmaśānamapi sevate |
janitāramapi tyaktvā niḥsvaḥ saṃyāti dūrataḥ || 48 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye puṣpādi tyamāhālaye maṇibhadravṛttāṃte maṇibhadrāya kanyāpradānārthaṃ kṣatriyakṛtanijabhāryāsaṃbodhanavarṇanaṃnāma pañcapañcāśaduttaraśatatamo'dhyāyaḥ || 155 ||
[Analyze grammar]