Chapter 150

[English text for this chapter is available]

sūta uvāca |
śukrastasya vacaḥ śrutvā citte kṛtvā dayāṃ tataḥ |
hāṭakeśvarajaṃ kṣetraṃ gatvā siddhipradāyakam || 1 ||
[Analyze grammar]

cakāra vidhivaddhomaṃ svamāṃsena hutāśane |
maṃtrairātharvaṇai raudraiḥ kuṇḍaṃ kṛtvā trikoṇakam || 2 ||
[Analyze grammar]

evaṃ saṃjuhvatastasya tena vai vidhinā tadā |
yathā rudreṇa saṃtuṣṭā devī kelīśvarī tadā || 3 ||
[Analyze grammar]

taṃ provāca sametyāśu śukraṃ daityapurohitam |
mā tvaṃ bhārgavaśārdūla kuru māṃsaparikṣayam || 4 ||
[Analyze grammar]

bhāvitā'haṃ trinetreṇa tatkiṃ brūhi karomi te || 5 ||
[Analyze grammar]

śukra uvāca |
yathā rudrasya sāhāyyaṃ tvayātra vihitaṃ śubhe |
aṃdhakasyā'pi kartavyaṃ tathaivaiṣa varo mama || 6 ||
[Analyze grammar]

ye keciddānavā yuddhe bhakṣitāśca vināśitāḥ |
asya sainyasya te sarve punarjīvaṃtu satvaram || 7 ||
[Analyze grammar]

devyuvāca |
jīvayiṣyāmi tānsarvāndānavānnihatānraṇe |
navasaṃbhakṣitānvipra praviṣṭānyoginīmukhe || 8 ||
[Analyze grammar]

evamuktvā dadau tasmai sā devī harṣitānanā |
nāmnā'mṛtavatīṃ vidyāṃ yayā jīvaṃti te mṛtāḥ || 9 ||
[Analyze grammar]

tataḥ śukraḥ prahṛṣṭātmā gatvāṃdhakamuvāca ha |
siddhā kelīśvarī devī yathā śambhostathā mama || 10 ||
[Analyze grammar]

tayā dattā śubhā vidyā mama daityā mṛtāśca ye |
tānsarvāṃstatprabhāvena yojayiṣyāmi jīvite || 11 ||
[Analyze grammar]

tvayā'syāḥ satataṃ bhaktiḥ kāryā dānava sattama |
aṣṭamyāṃ ca viśeṣeṇa caturdaśyāṃ ca sarvadā || 12 ||
[Analyze grammar]

eṣā sā paramā śaktiryayā vyāptamidaṃ jagat |
kevalaṃ bhaktisādhyā sā na daṇḍena kathaṃcana || 13 ||
[Analyze grammar]

evamuktastu śukreṇa sa tadā dānavādhipaḥ |
tāṃ devīṃ pūjayāmāsa bhāvabhaktisamanvitaḥ || 14 ||
[Analyze grammar]

stutvā ca vividhaiḥ stotraistataḥ provāca sādaram |
tathānyā mātaraḥ sarvā yathājyeṣṭhaṃ yathākramam || 15 ||
[Analyze grammar]

ajñānādyanmayā devi kṛtaḥ kopastavopari |
marṣaṇīyastathā so'dya dīnasya praṇatasya ca || 16 ||
[Analyze grammar]

śrīdevyuvāca |
parituṣṭā'smi te vatsa prabhāvādbhārgavasya ca |
varaṃ varaya tasmāttvaṃ na vṛthā darśanaṃ mama || 17 ||
[Analyze grammar]

andhaka uvāca |
anenaiva tu rūpeṇa ye tvāṃ dhyāyaṃti dehinaḥ |
pūjayaṃti ca sadbhaktyā saṃsthāpya pratimāṃ tava |
teṣāṃ siddhiḥ pradātavyā tvayā hṛdayavāṃchitā || 18 ||
[Analyze grammar]

devyuvāca |
yo māmanena rūpeṇa sthāpayiṣyati mānavaḥ |
tasya mokṣaṃ pradāsyāmi pāpasyāpi na saṃśayaḥ || 19 ||
[Analyze grammar]

yo'ṣṭamyāṃ ca caturdaśyāṃ mama pūjāṃ kariṣyati |
tasmai svargaṃ pradāsyāmi pāpasyāpi danūttama || 20 ||
[Analyze grammar]

kevalaṃ darśanaṃ yaśca dhyānaṃ vā me kariṣyati |
tasya rājyaṃ pradāsyāmi bhogānmānuṣasaṃbhavān || 21 ||
[Analyze grammar]

evamuktvā'tha sā devī tataścādarśanaṃ gatā |
taiśca mātṛgaṇaiḥ sārdhaṃ paśyatastasya tatkṣaṇāt || 22 ||
[Analyze grammar]

śakro'pi dānavānsarvāṃstayā saṃsiddhayā tataḥ |
mṛtānsaṃjīvayāmāsa daiteyānnavabhakṣitān || 23 ||
[Analyze grammar]

taiḥ sametya sa daityendraḥ prahṛṣṭenāṃtarātmanā |
tāṃ purīṃ prāpya śakrasya rājyaṃ cakre divāniśam || 24 ||
[Analyze grammar]

tāṃ devīṃ dhyāyamānastu pūjayāno divāniśam |
aṣṭamyāṃ ca caturdaśyāṃ viśeṣeṇa mahābalaḥ || 25 ||
[Analyze grammar]

atha tasyāḥ prabhāvaṃ taṃ jñātvā vyāsasamudbhavaḥ |
sthāne'tra sthāpayāmāsa saṃsiddhiṃ pa parāṃ gataḥ || 26 ||
[Analyze grammar]

sūta uvāca ||
evaṃ kelīśvara devī saṃjātā parameśvarī |
tasmātsthāpyā ca pūjyā ca dhyeyā caiva viśeṣataḥ || 27 ||
[Analyze grammar]

evaṃ devyā naro yaśca paṭhate vā śṛṇoti vā |
vācyamānaṃ sa mucyeta vyasanena garīyasā || 28 ||
[Analyze grammar]

bhraṣṭarājyo'thavā rājā yaḥ śṛṇotyaṣṭamīdine |
sa rājyaṃ labhate bhūyo nikhilaṃ hatakaṃṭakam || 29 ||
[Analyze grammar]

yuddhakāle ca saṃprāpte yaścaitacchṛṇuyānnaraḥ |
sa hatvā śatrusaṃghātaṃ vijayaṃ ca samāpnuyāt || 30 ||
[Analyze grammar]