Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 137

< Previous

Next >

[English text for this chapter is available]

ṛṣaya ūcuḥ |
kenāsau muniśārdūlo māṃḍavyaḥ sumahātapāḥ |
śūlāyāṃ sthāpitaḥ kena kāraṇena ca no vada || 1 ||
[Analyze grammar]

sūta uvāca |
sa māṃḍavyo muniḥ pūrvaṃ tīrthayātrāṃ samācaran |
asminkṣetre samāyātaḥ śraddhayā parayā yutaḥ || 2 ||
[Analyze grammar]

viśvāmitrīyamāsādya sattīrthaṃ pāvanaṃ mahat |
pitṝṇāṃ tarpaṇaṃ cakre bhāskaraṃ prati sa vratī || 3 ||
[Analyze grammar]

japanvibhrāḍiti śreṣṭhaṃ sūktaṃ bhāskaravallabham |
etasminnaṃtare cauro loptramādāya kasyacit || 4 ||
[Analyze grammar]

kopi tatra samāyātaḥ pṛṣṭhe lagnairjanairdvijāḥ |
tataścauro'pi taṃ dṛṣṭvā maunasthaṃ munisattamam || 5 ||
[Analyze grammar]

loptraṃ muktvā tadagre'tha praviveśa guhāṃtare |
etasminnaṃtare prāptāste janā loptrahetave || 6 ||
[Analyze grammar]

dṛṣṭvā loptraṃ tadagrasthaṃ tamūcurmunipuṃgavam |
mārgeṇānena cāyāto loptrahasto malimlucaḥ |
brūhi śīghraṃ mahābhāga kena mārgeṇa nirgataḥ || 7 ||
[Analyze grammar]

sa ca jānannapi prājño guhāsaṃsthaṃ malimlucam |
na kiṃcidapi covāca maunavrata parāyaṇaḥ || 8 ||
[Analyze grammar]

asakṛtprocyamāno'pi paraciṃtāsamanvitaḥ |
yadā provāca no kiṃcitsa rakṣaṃścaurajīvitam || 9 ||
[Analyze grammar]

tatastairmaṃtritaṃ sarvaireṣa nūnaṃ malimlucaḥ |
saṃprāptaḥ pṛṣṭhato'smābhirmunirūpo babhūva ha || 10 ||
[Analyze grammar]

avicārya tataḥ sarvairābhīraistairdurātmabhiḥ |
śūlīmāropitaḥ sadyo nītvā kiṃcidvanāṃtaram || 11 ||
[Analyze grammar]

evaṃ prāptā tadā śūlī muninā tena dāruṇā |
pūrvakarmavipākena doṣahīnena dhīmatā || 12 ||
[Analyze grammar]