Chapter 136

[English text for this chapter is available]

| māṃḍavya uvāca |
grahīṣyāmi suraśreṣṭhā varaṃ yuṣmatsamudravam |
paraṃ me nirṇayaṃ caikaṃ dharmarājaḥ pracakṣatu || 1 ||
[Analyze grammar]

sarveṣāṃ prāṇināṃ loke kṛtaṃ karma śubhāśubham |
upatiṣṭhati nānyatra satyametatsurottamāḥ || 2 ||
[Analyze grammar]

mayāpyatra pare cāpi kiṃ kṛtaṃ pātakaṃ ca yat |
īdṛśīṃ vedanāṃ prāpto na ca mṛtyuṃ kathacana || 3 ||
[Analyze grammar]

dharmarāja uvāca |
anyadehe tvayā vipra bālabhāvena vartatā |
śūlāgreṇa sutīkṣṇena kāye viddho bakaḥ kṣitau || 4 ||
[Analyze grammar]

nānyatkṛtamapi svalpaṃ pātakaṃ kiṃcideva hi |
etasmātkāraṇādeṣā vyathā saṃsevitā dvija || 5 ||
[Analyze grammar]

sūta uvāca |
tasya tadvacanaṃ śrutvā bhṛśaṃ krodhasamanvitaḥ |
tatastaṃ prāha māṃḍavyo dharmarājaṃ puraḥ sthitam || 6 ||
[Analyze grammar]

asya svalpāparādhasya yasmādbhūyānvinigrahaḥ |
kṛtastvayā sudurbuddhe tasmācchāpaṃ gṛhāṇa me || 7 ||
[Analyze grammar]

tvaṃ prāpya mānuṣaṃ dehaṃ śūdrayonau vyavasthitaḥ |
jātikṣayakṛtaṃ duḥkhaṃ prabhūtaṃ sevayiṣyasi || 8 ||
[Analyze grammar]

tathā kṛtā mayaiṣādya vyavasthā sarvadehinām |
aṣṭamādvatsarādūrdhyaṃ karmaṇā garhitena ca |
pragrahīṣyati vai jaṃtuḥ puruṣo yoṣideva vā || 9 ||
[Analyze grammar]

evamuktvā sa māṃḍavyo dharmarājaṃ tataḥ param |
prasthito roṣanirmukto vāṃchitāśāṃ prati dvijāḥ || 10 ||
[Analyze grammar]

atha taṃ prasthitaṃ dṛṣṭvā procuḥ sarve divaukasaḥ |
dharmarājakṛte vyagrāḥ śrutvā śāpaṃ tathāvidham || 11 ||
[Analyze grammar]

devā ūcuḥ |
bhagavanpāpasaktasya dharmarājasya kevalam |
na tvamarhasi śāpena śūdraṃ kartuṃ kathaṃcana || 12 ||
[Analyze grammar]

prasādaṃ kuru tasmāttvamasya dharmapaterdvija |
asmākaṃ vacanātsadyaḥ prārthayasva tathā varam || 13 ||
[Analyze grammar]

māṃḍavya uvāca |
nānyathā jāyate vāṇī yā mayoktā surottamāḥ |
avaśyaṃ dharmarājo'yaṃ śūdrayonau prayāsyati || 14 ||
[Analyze grammar]

paraṃ naivāsya saṃtānaṃ tasyāṃ yonau bhaviṣyati |
saṃprāpsyati ca bhūyo'pi dharmarājatvamuttamam || 15 ||
[Analyze grammar]

ārādhayatu cāvyagraḥ kṣetre'traiva trilocanam |
prasādāttasya devasya śīghraṃ mṛtyumavāpsyati || 16 ||
[Analyze grammar]

tathā deyo varo mahyaṃ bhavadbhiryadi svargapāḥ |
tadeṣā śūlikā'smākaṃ sparśādbhūyātsudharmadā || 17 ||
[Analyze grammar]

devā ūcuḥ |
enāṃ yaḥ prātarutthāya sparśayiṣyati śūlikām |
pātakātsa vimukto vā iha loke bhaviṣyati || 18 ||
[Analyze grammar]

evamuktvā muniṃ taṃ te devāḥ śakrapurogamāḥ |
tatastāṃ sādaraṃ prāhuḥ saha bhartrā pativratām || 19 ||
[Analyze grammar]

tvamapi prārthayābhīṣṭamasmatto varavarṇini |
yatte citte sthitaṃ nityaṃ nādeyaṃ vidyate'tra naḥ || 20 ||
[Analyze grammar]

pativratovāca |
yeyaṃ mayākṛtā gartā sthāne'tra tridaśeśvarāḥ |
mannāmnā khyātimāyātu dīrghiketi jagattraye || 21 ||
[Analyze grammar]

devā ūcuḥ |
adyaprabhṛti loke'tra gartteyaṃ tava śobhane |
dīrghiketi suvikhyātā bhaviṣyati jagattraye || 22 ||
[Analyze grammar]

ye'syāṃ snānaṃ kariṣyaṃti prātarutthāya mānavāḥ |
sarvapāpavinirmuktāste bhaviṣyaṃti tatkṣaṇāt || 23 ||
[Analyze grammar]

kanyārāśigate sūrye saṃprāpte paṃcamīdine |
ye'tra snānaṃ kariṣyaṃti śraddhayā sahitā narāḥ || 24 ||
[Analyze grammar]

aputrāste bhaviṣyaṃti saputrā vaṃśavardhanāḥ |
evamuktvā'tha tāṃ devā jagmuḥ svargaṃ dvijottamāḥ || 25 ||
[Analyze grammar]

pativratāpi tenaiva saha kāṃtena sundarī |
sevayāmāsa kalyāṇī smarasaukhyamanuttamam || 26 ||
[Analyze grammar]

parvateṣu suramyeṣu nadīnāṃ pulineṣu ca |
udyāneṣu vicitreṣu vaneṣūpavaneṣu ca || 27 ||
[Analyze grammar]

tato vayasi saṃprāpte paścime kālaparyayāt |
tadevātmīyasattīrthaṃ sevayāmāsa sādaram || 28 ||
[Analyze grammar]

tato dehaṃ parityaktvā svakāṃtaṃ vīkṣya taṃ mṛtam |
tatra toye jagāmātha brahmalokaṃ pativratā || 29 ||
[Analyze grammar]

etadvaḥ sarvamākhyātaṃ dīrghikākhyānamuttamam |
yasya saṃśravaṇādeva naraḥ pāpātpramucyate || 30 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṃḍe hāṭakeśvara kṣetramāhātmye dīrghikotpattimāhātmyavarṇanaṃnāma ṣaṭtriṃśaduttaraśatatamo'dhyāyaḥ || 136 ||
[Analyze grammar]