Chapter 127

[English text for this chapter is available]

ṛṣaya ūcuḥ |
yā sā karṇotpalānāma tvayāsmākaṃ prakīrtitā |
kiñcijjalāśrayaṃ prāpya tapastapati saṃsthitā |
tasyāḥ sarvaṃ samācakṣva yathā tapasi sā sthitā || 1 ||
[Analyze grammar]

sūta uvāca |
gaurīpādakṛtasthānā śraddhayā parayā yutā |
tāvattuṣṭiṃ gatā devī girijā śaṃkarapriyā || 2 ||
[Analyze grammar]

tataḥ provāca te putri tuṣṭāhaṃ vāṃchitaṃ vada |
yena yacchāmyasaṃdigdhaṃ yadyapi syātsudurlabham || 3 ||
[Analyze grammar]

karṇotpalovāca |
mama patyuḥ kṛte devi mama tātaḥ suduḥkhitaḥ |
rājyādbhraṣṭaḥ sukhāccāpi kuṭuṃbena vivarjitaḥ || 4 ||
[Analyze grammar]

tataścaiva tapastepe vairāgyaṃ paramaṃ gataḥ |
ahaṃ vārddhakyamāpannā kaumārye'pi ca saṃsthitā || 5 ||
[Analyze grammar]

tasmādbhavatu me bharttā kaścidrūpotkaṭaḥ smṛtaḥ |
sarveṣāṃ devamartyānāṃ tvatprasādātsureśvari || 6 ||
[Analyze grammar]

tathā syātparamaṃ rūpaṃ tāruṇyaṃ tvatprasādataḥ |
yathāsya jāyate saukhyaṃ tāpasasyāpi me pituḥ || 7 ||
[Analyze grammar]

devyuvāca |
māghamāsatṛtīyāyāṃ śanaiścaradine śubhe |
nakṣatre vasudaivatye rūpaṃ dhyātvātha yauvanam || 8 ||
[Analyze grammar]

tvayā snānaṃ prakartavyaṃ supuṇye'tra jalāśaye |
tato divya vapurbhūtvā yauvanena samanvitā |
bhaviṣyasi na saṃdehaḥ satyametanmayoditam || 9 ||
[Analyze grammar]

anyāpi yā mahābhāge nārī snānaṃ kariṣyati |
tasminnahani sāpyevaṃ rūpayuktā bhaviṣyati || 10 ||
[Analyze grammar]

sūta uvāca |
evamuktvātha sā devī gatā cādarśanaṃ tataḥ |
sāpi cānveṣayāmāsa tṛtīyāṃ śaninā saha || 11 ||
[Analyze grammar]

vasudevātmakenaiva nakṣatreṇa prayatnataḥ |
dhyāyamānā ca tāṃ devīṃ sarvakāmapradāyinīm || 12 ||
[Analyze grammar]

tataḥ katipayāhasya jātā sā yogasaṃyutā |
tṛtīyā yā yathoktā ca tayā devyā purā dvijāḥ || 13 ||
[Analyze grammar]

tataḥ sā rūpasaubhāgyaṃ yauvanaṃ vāṃchitaṃ patim |
dhyāyamānā jale tasminnarddharātre viveśa ca || 14 ||
[Analyze grammar]

tato divyavapurbhūtvā yauvanena samanvitā |
niṣkrāṃtā salilāttasmājjanavismayakāriṇī || 15 ||
[Analyze grammar]

etasminnaṃtare prāpto gaurīvākyaprabodhitaḥ |
tadarthaṃ bhagavānkāmaḥ patnyarthaṃ prītisaṃyutaḥ |
abravīcca mahābhāge kāmohaṃ svayamāgataḥ || 16 ||
[Analyze grammar]

pārvatyādeśitā bhāryā tasmānme bhava mā ciram || 17 ||
[Analyze grammar]

yasmātprītyā samāyātastavāṃtikamahaṃ śubhe |
tasmātprītiriti khyātā mama bhāryā bhaviṣyasi || 18 ||
[Analyze grammar]

karṇotpalovāca |
yadyevaṃ smara mattātaṃ taṃ gatvā prārthaya svayam |
svacchaṃdā syādyataḥ kanyā na kathaṃcitpravartitā || 19 ||
[Analyze grammar]

ya eṣa dṛśyate ramyaḥ prāsādo nāti dūrataḥ |
asyāṃte tiṣṭhate'smākaṃ tātastapasi saṃsthitaḥ || 20 ||
[Analyze grammar]

atrāhaṃ pūrvato gatvā tasya tiṣṭhāmi cāṃtike |
bhavānāgatya paścācca prārthayiṣyati māṃ tataḥ || 21 ||
[Analyze grammar]

bāḍhamityeva kāmokte gatā sā tatsamīpataḥ |
praṇipatya tataḥ prāha diṣṭyā tāta mayā punaḥ || 22 ||
[Analyze grammar]

saṃprāptaṃ yauvanaṃ kāṃtaṃ samārādhya harapriyām |
tasmātkuru vivāhaṃ me hṛtsthaṃ sukhamavāpnuhi || 23 ||
[Analyze grammar]

madarthe preṣito bharttā tayā devyā'tisundaraḥ |
puṣpa cāpaḥ svayaṃ prāptaḥ so'pi tāta tavāṃtikam || 24 ||
[Analyze grammar]

atha tāṃ sa samālokya svāṃ sutāṃ yauvanānvitām |
harṣeṇa mahatā yuktāṃ kāṃtayuktāṃ viśeṣataḥ |
abravīdadya me putri saṃjātaṃ tapasaḥ phalam || 25 ||
[Analyze grammar]

jīvitasya ca kalyāṇi yatvaṃ prāptā navaṃ vayaḥ |
bhartāraṃ ca tathābhīṣṭaṃ devyā dattaṃ manobhavam || 26 ||
[Analyze grammar]

etasminnaṃtare kāmastasyāṃtikamupādravat |
abravīddehi me bhūpa svāṃ kanyāṃ cāruhāsinīm || 27 ||
[Analyze grammar]

asyā arthe'hamādiṣṭaḥ svayaṃ gauryā nṛpottama |
kāmadeva iti khyātastrailokyaṃ yena mohitam || 28 ||
[Analyze grammar]

tatastāmarpayāmāsa tāṃ kanyāṃ sa mahīpatiḥ |
kṛtvāgniṃ sākṣiṇaṃ vākyādbrāhmaṇānāṃ dvijottamāḥ || 29 ||
[Analyze grammar]

sā cāsya cābhavatprītisthānaṃ yasmātsulocanā |
rateranaṃtarā tasmātprītināmā'bhavacchubhā || 30 ||
[Analyze grammar]

evaṃ tayā tapastaptaṃ tasmāttatra jalāśaye |
tannāmnā khyātimāyātaṃ samaste'tra mahītale || 31 ||
[Analyze grammar]

sakalaṃ māghamāsaṃ ca yā strī snānaṃ samācaret |
pumānvā prātarutthāya sa prayāgaphalaṃ labhet || 32 ||
[Analyze grammar]

rūpavāñjāyate dakṣaḥ sadā janmani janmani |
na viyogamavāpnoti kadātridbāṃdhavaiḥ saha || 33 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye karṇotpalātīrthamāhātmyavarṇanaṃ nāma saptaviṃśatyuttaraśatatamo'dhyāyaḥ || 127 ||
[Analyze grammar]