Chapter 124

[English text for this chapter is available]

sūta uvāca |
athānyadapi tatrāsti mukhāraṃ tīrthamuttamam |
yatra te munayaḥ śreṣṭhā viprāścaureṇa saṃgatāḥ || |
yatra siddhiṃ samāpannaḥ sa caurastatprabhāvataḥ |
vālmīkiriti vikhyāto rāmāyaṇanibaṃdhakṛt || 2 ||
[Analyze grammar]

camatkārapure pūrvaṃ māṃḍavyānvaya saṃbhavaḥ |
lohajaṃgho dvijo hyāsītpitṛmātṛparāyaṇaḥ || 3 ||
[Analyze grammar]

tasyaikā cābhavatpatnī prāṇebhyo'pi garīyasī |
pativratā patiprāṇā patipriyahite ratā || 4 ||
[Analyze grammar]

atha tasya sthitasyātra brahmavṛttyābhivartataḥ |
jagāma sumahānkālaḥ pitṛmātṛratasya ca || 5 ||
[Analyze grammar]

ekadā bhagavāñchakro na vavarṣa dharātale |
ānartaviṣaye kṛtsne yāvadvādaśavatsarāḥ || 6 ||
[Analyze grammar]

tataḥ sa kaṣṭamāpanno lohajaṃgho dvijottamāḥ |
na prāpnoti kvacidbhikṣāṃ na ca kiṃcitpratigraham || 7 ||
[Analyze grammar]

tatastau pitarau dvau tu dṛṣṭvā kṣutparipīḍitau |
bhāryāṃ ca ciṃtayāmāsa duḥkhena mahatānvitaḥ || 8 ||
[Analyze grammar]

kiṃ karomi kva gacchāmi kathaṃ syāddarśanaṃ mama |
etābhyāmapi vṛddhābhyāṃ patnyāścaiva viśeṣataḥ || 9 ||
[Analyze grammar]

tataḥ sa duḥkhasaṃyuktaḥ phalārthaṃ prayayau vane |
na ca kiṃcidavāpnoti sarve śuṣkā mahīruhāḥ || 10 ||
[Analyze grammar]

athāpaśyatsa vṛddhāṃ strīṃ stokasasyasamanvitām |
gacchamānāṃ tathā tena śrameṇa mahatānvitām || |
tatastatsasyamādāya vastrāṇi ca sa nirdayaḥ |
jagāma svagṛhaṃ hṛṣṭaḥ pitṛbhyāṃ ca nyavedayat || 12 ||
[Analyze grammar]

sa evaṃ labdhalakṣo'pi dasyukarmaṇi nityaśaḥ |
kṛtvā cauryaṃ pupoṣātha nijameva kuṭumbakam || 13 ||
[Analyze grammar]

subhikṣe cāpi saṃprāpte nānyatkarma karoti saḥ |
brāhmīṃ vṛttiṃ parityaktvā cauryakarma samācarat || 14 ||
[Analyze grammar]

kasyacittvatha kālasya tīrthayātrāprasaṃgataḥ |
tatra saptarṣayaḥ prāptā marīcipramukhā dvijāḥ || 15 ||
[Analyze grammar]

tatastānvijane dṛṣṭvā drohakopasamanvitaḥ |
yaṣṭimudyamya vegena tiṣṭhadhvamiti cābravīt || 16 ||
[Analyze grammar]

triśikhāṃ bhṛkuṭīṃ kṛtvā satvaraṃ samupādravat |
bhartsamānaḥ sa paruṣairvākyaistāṃstāḍayanniva || 17 ||
[Analyze grammar]

tataste munayo dṛṣṭvā yamadūtopamaṃ ca tam |
yajñopavītasaṃyuktaṃ procuste kṛpayānvitāḥ || 18 ||
[Analyze grammar]

ṛṣaya ūcuḥ |
aho tvaṃ brāhmaṇo'sīti tatkasmādatigarhitam |
karoṣi karma caitaddhi mlecchakṛtyaṃ tu bāliśa || 19 ||
[Analyze grammar]

vayaṃ ca munayaḥ śāṃtāstyaktā'śeṣaparigrahāḥ |
nāsmākamapi pārśvasthaṃ kiṃcidgṛhṇāti yadbhavanān || 20 ||
[Analyze grammar]

lohajaṃgha uvāca |
etāni śubhracīrāṇi valkalānyajināni ca |
upānahasametāni śīghraṃ yacchaṃtu me dvijāḥ || 21 ||
[Analyze grammar]

no ceddhatvāprahāreṇa yaṣṭyā vajropamena ca |
prāpayiṣyasyasaṃdigdhaṃ dharmarājaniveśanam || 22 ||
[Analyze grammar]

ṛṣaya ūcuḥ |
sarvaṃ dāsyāmahe tubhyaṃ vayaṃ tāvanmalimluca |
kiṃvadantīṃ vadāsmākaṃ yāṃ pṛcchāmaḥ kutūhalāt || 23 ||
[Analyze grammar]

kimarthaṃ kuruṣe cauryaṃ tvaṃ vipro'si sunirghṛṇaḥ |
kiṃ jito vyasanai raudraiḥ kiṃ vā vyādhadvijo bhavān || 24 ||
[Analyze grammar]

lohajaṃgha uvāca |
vyasanārthaṃ na me kṛtyametaccauryasamudbhavam |
kuṭumbārthaṃ vijānītha dharmametanna saṃśayaḥ || 25 ||
[Analyze grammar]

pitarau mama vārddhakye vartamānau vyavasthitau |
tathā pativratā patnī gṛhadharmavicakṣaṇā || 26 ||
[Analyze grammar]

upārjjayāmi yatkiñcidahametena karmaṇā |
tatsarvaṃ tatkṛte nūnaṃ satyenātmānamālabhe || 27 ||
[Analyze grammar]

tasmānmuṃcatha prāksarvaṃ vibhavaṃ kiṃ vṛthoktibhiḥ |
kṛtābhiḥ sphurate hasto mamāyaṃ hantumeva hi || 28 ||
[Analyze grammar]

ṛṣaya ūcuḥ |
yadyevaṃ caura tadgatvā tvaṃ pṛcchasva kuṭumbakam |
mamapāpāṃśabhāgī tvaṃ kiṃ bhaviṣyasi kiṃ na vā || 29 ||
[Analyze grammar]

yadi te saṃvibhāgena pāpasyāṃśo'pi gacchati |
tatkuruṣvāthavā pāpa durvahaṃ te bhaviṣyati || 30 ||
[Analyze grammar]

sakalaṃ raurave raudre patitasya sudurmate |
vayaṃ tvā brāhmaṇaṃ matvā brūma etadasaṃśayam || 31 ||
[Analyze grammar]

kṛpāviṣṭāḥ sahāsmābhiḥ sañjāte'pi sudarśane |
munīnāṃ yatacittānāṃ darśanāddhi śubhaṃ bhavet || 32 ||
[Analyze grammar]

ekaḥ pāpāni kurute phalaṃ bhuṃkte mahājanaḥ |
bhoktāro vipramucyaṃte kartā doṣeṇa lipyate || 33 ||
[Analyze grammar]

sūta uvāca |
sa teṣāṃ tadvacaḥ śrutvā cauraḥ kiṃcidbhayānvitaḥ |
satyametanna saṃdeho yadetairvyāhṛtaṃ vacaḥ || 34 ||
[Analyze grammar]

tasmātpṛcchāmi tadgatvā nijameva kuṭumbakam |
yadi syātsaṃvibhāgo me pāpāṃśasya karomi vai || 39 ||
[Analyze grammar]

etatkarma na gṛhṇaṃti yadi vā saṃtyajāmyaham |
mahadbhayaṃ samutpannaṃ mama cetasi sāṃpratam || 36 ||
[Analyze grammar]

yadi yūyaṃ na cānyatra prayāsyatha munīśvarāḥ |
palāyanaparā bhūtvā tadgatvā nijamaṃdiram || 37 ||
[Analyze grammar]

pṛcchāmi poṣyavargaṃ ca yuṣmadvākyaṃ viśeṣataḥ |
yadi tatpātakāṃśaṃ me grahīṣyati kuṭumbakam |
tadyuṣmākaṃ grahīṣyāmi yatkiṃcitpārśvasaṃsthitam || 38 ||
[Analyze grammar]

athavā pratiṣedhaṃ me pāpasyāsya kariṣyati |
tattyajiṣyāmyasaṃdigdhaṃ sarvānvaḥ saparicchadān || 39 ||
[Analyze grammar]

tataste śapathānkṛtvā tasya pratyayakāraṇāt |
tasyopari dayāṃ kṛtvā mumucustaṃ gṛhaṃ prati || 40 ||
[Analyze grammar]

so'pi gatvā'tha papraccha pragatvā pitaraṃ nijam |
śṛṇu tāta vaco'smākaṃ tataḥ pratyuttaraṃ kuru || 41 ||
[Analyze grammar]

yatkṛtvāhamakṛtyāni cauryādīni sahasraśaḥ |
puṣṭiṃ karomi te nityas tadbhāgaste'sti vā na vā || 42 ||
[Analyze grammar]

pāpasya mama prabrūhi pṛcchato'tra yathātatham |
atra me saṃśayo jātastasmācchīghraṃ prakīrtaya || 43 ||
[Analyze grammar]

pitovāca |
bālye putra mayā nītastvaṃ puṣṭiṃ vyākulātmanā |
śubhā'śubhāni kṛtyāni kṛtvā snigdhena cetasā || 44 ||
[Analyze grammar]

etadarthaṃ punaryena vārdhakye samupasthite || |
gāṃ pālayasi bhūyo'pi kṛtvā karma śubhā'śubham || 45 ||
[Analyze grammar]

na tasya vidyate bhāgastava svalpo'pi putraka |
śubhasya vā'tha pāpasya sāṃprataṃ ca tathā mama || 46 ||
[Analyze grammar]

ātmanaiva kṛtaṃ karma svayamevopabhujyate |
śubhaṃ vā yadi vā pāpaṃ bhoktāronyajanāḥ smṛtāḥ || 47 ||
[Analyze grammar]

sādhutvenātha cauryeṇa kṛṣyā vā vāṇijena vā |
tvamupānayase bhojyaṃ na me cintā prajāyate || 48 ||
[Analyze grammar]

tasmānnaitaddhṛdi sthāpyaṃ karmaniṃdyaṃ kariṣyasi |
yattasyāṃśaṃ prabhoktā tvaṃ vayaṃ sarve prabhuṃjakāḥ || 49 ||
[Analyze grammar]

sūta uvāca |
sa etadvacanaṃ śrutvā vyākulenānttarātmanā |
papraccha mātaraṃ gatvā tamevārthaṃ prayatnataḥ || 50 ||
[Analyze grammar]

tatastayāpi taccoktaṃ yatpitrā tasya jalpitam |
asāmānyaṃ śubhe pāpe kṛtye tasya dvijottamāḥ || 51 ||
[Analyze grammar]

tataḥ papraccha tāṃ bhāryāṃ gatvā duḥkhasamanvitaḥ |
sā'pyuvāca tatastādṛkpāpaṃ gurujanodbhavam || 52 ||
[Analyze grammar]

tataḥ sa śokasaṃtaptaḥ paścāttāpena saṃyutaḥ |
garhayanneva cātmānaṃ yayau te yatra tāpasāḥ || 53 ||
[Analyze grammar]

tataḥ praṇamya tānsarvānkṛtāṃjalipuṭaḥ sthitaḥ |
gamyatāṃ gamyatāṃ viprāḥ kṣamyatāṃ kṣamyatāṃ mama || 54 ||
[Analyze grammar]

yanmayā maurkhyamāsthāya yuṣmannirbhartsanā kṛtā |
supāpmanā vimūḍhena tasmātkāryā kṣamādya me || 55 ||
[Analyze grammar]

yuṣmadīyaṃ vacaḥ kṛtsnaṃ madgurubhyāṃ prajalpitam |
bhāryayā ca dvijaśreṣṭhāstena me duḥkhamāgatam || 56 ||
[Analyze grammar]

tasmātkurvaṃtu me sarve prasādaṃ munisattamāḥ |
upadeśapradānena yena pāpaṃ kṣapāmyaham || 57 ||
[Analyze grammar]

mayā karma kṛtaṃ niṃdyaṃ sadaiva dvijasattamāḥ |
striyo'pi ca dvijeṃdrāśca tāpasāśca viśeṣataḥ || 58 ||
[Analyze grammar]

ye ye dīnatarā lokā na samarthāḥ prayodhitum |
te mayā muṣitāḥ sarve na samarthāḥ kadācana || 59 ||
[Analyze grammar]

kuṭumbārthaṃ vimūḍhena sādhusaṃgavivarjinā |
yathaiva paṭhatā śāstraṃ tanme'dya patitaṃ hṛdi || 60 ||
[Analyze grammar]

yadi na syādbhavadbhirme darśanaṃ cādya sattamāḥ |
tadanyānyapi pāpāni kartāhaṃ syāṃ na saṃśayaḥ || 61 ||
[Analyze grammar]

teṣāṃ madhyagataścāsītpulaho nāma sanmuniḥ |
hāsyaśīlaḥ sa taṃ prāha viplavārthaṃ dvijottamam || 62 ||
[Analyze grammar]

ahaṃ te kīrtayiṣyāmi mantramekaṃ suśobhanam |
yaṃ dhyāyañjapyamānastvaṃ siddhiṃ yāsyasi śāśvatīm || 63 ||
[Analyze grammar]

jāṭaghoṭetimantro'yaṃ sarvasiddhipradāyakaḥ ||
tamenaṃ japa vipra tvaṃ divārātramataṃdritaḥ || 64 ||
[Analyze grammar]

tato yāsyasi saṃsiddhiṃ durlabhāṃ tridaśairapi || 65 ||
[Analyze grammar]

evamuktvātha te viprāstīrthayātrāṃ tato yayuḥ |
so'pi tatraiva caurastu sthito japaparāyaṇaḥ || 66 ||
[Analyze grammar]

ananyamanasā tena prārabdhaḥ sa tadā japaḥ |
yathā'bhavatsamādhistho yenāvasthāṃ parāṃ gataḥ || 67 ||
[Analyze grammar]

tasyaivaṃ smaramāṇasya taṃ mantraṃ brāhmaṇasya ca |
niścalatvaṃ gataḥ kāyaḥ kārye ca niścalaḥ sthitaḥ || 68 ||
[Analyze grammar]

tataḥ kālena mahatā valmīkena samāvṛtaḥ |
samaṃtādbrāhmaṇaśreṣṭhā dhyānasthasya mahātmanaḥ || 69 ||
[Analyze grammar]

tau mātāpitarau tasya sā ca bhāryā manasvinī |
yātā mṛtyuvaśaṃ sarve tamanveṣya prayatnataḥ || 70 ||
[Analyze grammar]

na vijñātaśca tatrasthaḥ saṃnyastaḥ sa mahāvrataḥ |
saṃsārabhāvanirmuktastasmānmunisamāgamāt || 71 ||
[Analyze grammar]

kasyacittvatha kālasya tena mārgeṇa te punaḥ |
tīrthayātrāprasaṃgena munayaḥ samupasthitāḥ || 72 ||
[Analyze grammar]

procuścaitaddvijāḥ sthānaṃ yatra caureṇa saṃgamaḥ |
āsīdvastena raudreṇa brāhmaṇacchadmadhāriṇā || 73 ||
[Analyze grammar]

tato valmīkamadhyasthaṃ śuśruvurnisvanaṃ ca te |
jāṭaghoṭetimaṃtrasya tasyaiva ca mahātmanaḥ || 74 ||
[Analyze grammar]

atha bhūmyāṃ prahārāste sasvanuḥ sarvatodiśam |
te valmīkaṃ tato dṛṣṭvā taṃ cauraṃ tasya madhyagam || 75 ||
[Analyze grammar]

japamānaṃ tu taṃ mantraṃ pulahena niveditaḥ |
hāsyarūpeṇa yastasya siddhiṃ ca dvijasattamāḥ || 76 ||
[Analyze grammar]

yadvā satyamidaṃ proktamācāryaiḥ śāstradṛṣṭibhiḥ |
stokaṃ siddhikṛte tasya yasmātsiddhirupasthitā || 77 ||
[Analyze grammar]

mantre tīrthe dvije deve daivajñe bheṣaje gurau |
yādṛśī bhāvanā yasya siddhirbhavati tādṛśī || 78 ||
[Analyze grammar]

atha taṃ vīkṣya saṃsiddhaṃ kumantreṇāpi taskaram |
te viprā vismayāviṣṭāḥ kṛpāviṣṭā viśeṣataḥ || 79 ||
[Analyze grammar]

samādhyarhaistato dravyaistailaistadbheṣajairapi || 80 ||
[Analyze grammar]

mamardustasya tadgātraṃ samādhisthaṃ ciraṃ dvijāḥ |
tataḥ sa cetanāṃ labdhā ālokya ca muhurmuhuḥ |
provāca vismayāviṣṭastānmunīnprakṛtāniti || 81 ||
[Analyze grammar]

lohajaṃgha uvāca |
kimarthaṃ na gatā yūyaṃ mayā muktā dvijottamāḥ |
nāhaṃ kiṃcidgrahīṣyāmi yuṣmadīyaṃ kathaṃcana |
kuṭuṃbārthaṃ yatastasmādvrajadhvaṃ svecchayā'dhunā || 82 ||
[Analyze grammar]

munaya ūcuḥ |
cirakālādvayaṃ prāptāḥ punarbhrāṃtvā'tra kānane |
samādhisthena na jñātaḥ kālo'tītastvayā bahu || 83 ||
[Analyze grammar]

tau mātāpitarau vṛddhau tvayā muktau kṣayaṃ gatau |
tvaṃ ca saṃsiddhimāpannaḥ parāmasmatprasādataḥ || 84 ||
[Analyze grammar]

valmīkāṃtaḥ sthito yasmātsaṃsiddhiṃ paramāṃ gataḥ |
valmīkirnāma vikhyātastasmālloke bhaviṣyasi || 85 ||
[Analyze grammar]

atrasthena yato muṣṭāstvayā lokāḥ purā dvija |
mukhārākhyaṃ tatastīrthametatkhyātiṃ gamiṣyati || 86 ||
[Analyze grammar]

ye'tra snānaṃ kariṣyaṃti śrāvaṇyāṃ śraddhayā dvijāḥ |
kṣālayiṣyaṃti te pāpaṃ caurya karmasamudbhavam || 87 ||
[Analyze grammar]

sūta uvāca |
evamuktvātha te viprāstamāmaṃtrya muniṃ tataḥ |
praṇatāstena saṃjagmurvāṃchitāśāṃ tataḥ param || 88 ||
[Analyze grammar]

tapaḥsthaḥ so'pi tatraiva vālmīkiriti yaḥ smṛtaḥ || 89 ||
[Analyze grammar]

munīnāṃ pravaraḥ śreṣṭhaḥ saṃjātaśca tataḥ param |
adyāpi tiṣṭhate mūrtaḥ sa tatrastho munīśvaraḥ || 90 ||
[Analyze grammar]

yastaṃ prapūjayedbhaktyā sa kavirjāyate bhuvam |
aṣṭamyāṃ ca viśeṣeṇa samyakchraddhāsamanvitaḥ || 91 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye mukhāratīrthotpattivarṇanaṃnāma caturviṃśatyuttaraśatatamo'dhyāyaḥ || 124 ||
[Analyze grammar]