Chapter 99

[English text for this chapter is available]

ṛṣaya ūcuḥ |
yadetadbhavatā proktaṃ tatra rāmeṇa nirmitaḥ |
rāmeśvarastathā sītā tena tatra vinirmitā || 1 ||
[Analyze grammar]

tathā ca lakṣmaṇārthāya nirmitastena saṃśrayaḥ |
etanmahadviruddhaṃ te pratibhāti vaco'khilam || 2 ||
[Analyze grammar]

tvayā sūta purā proktaṃ rāmo lakṣmaṇasaṃyutaḥ |
sītayā sahitaḥ prāptaḥ kṣetre'tra prasthito vane || 3 ||
[Analyze grammar]

śrāddhaṃ kṛtvā gayāśīrṣe lakṣmaṇena viruddhya ca |
punaḥ saṃprasthito'raṇyaṃ krodhāviṣṭaśca taṃ prati || 4 ||
[Analyze grammar]

yattvayoktaṃ tadā tena nirmito'tra maheśvaraḥ |
etacca sarvamācakṣva saṃdehaṃ sūtanandana || 5 ||
[Analyze grammar]

sūta uvāca |
atra me nāsti saṃdeho yuṣmākaṃ ca punaḥ sthitaḥ |
tato vakṣyāmyaśeṣeṇa śrūyatāṃ dvijasattamāḥ |
etatkṣetraṃ punaścādyaṃ na kṣayaṃ yāti kutracit || 6 ||
[Analyze grammar]

anyasmindivase prāpte sa tadā raghunaṃdanaḥ |
yadā virodhamāpannaḥ sārdhaṃ saumitriṇā saha || 7 ||
[Analyze grammar]

etatpunardinaṃ cānyadyatra tena pratiṣṭhitaḥ |
rāmeśvaraḥ svayaṃ bhaktyā duḥkhitena mahātmanā || 8 ||
[Analyze grammar]

ṛṣaya ūcuḥ |
anyasmindivase tatra kasminkāle raghūttamaḥ |
saṃprāptastasya kiṃ duḥkhaṃ saṃjātaṃ tatprakīrtaya || 9 ||
[Analyze grammar]

sūta uvāca |
kṛtvā sītāparityāgaṃ rāmo rājīvalocanaḥ |
lokāpavādasaṃtrastastato rājyaṃ cakāra saḥ || 10 ||
[Analyze grammar]

kṛtvā svarṇamayīṃ sītāṃ patnīṃ yajñaprasiddhaye |
na sa cakre mahābhāgo bhāryāmanyāṃ kathaṃcana || 1 ||
[Analyze grammar]

daśavarṣasahasrāṇi daśavarṣaśatāni ca |
brahmacaryeṇa cakre sa rājyaṃ nihatakaṃṭakam || 12 ||
[Analyze grammar]

tato varṣasahasrāṃte prāpte caikādaśe dvijāḥ |
devadūtaḥ samāyāto rāmasya sadanaṃ prati || 3 ||
[Analyze grammar]

tenoktaṃ devarājena preṣito'haṃ tavāṃtikam |
tasmātkuru samālokaṃ vijane tvaṃ mayā saha || 14 ||
[Analyze grammar]

evamuktastadā tena dūtena raghunaṃdanaḥ |
paraṃ rahaḥ samāsādya mantraṃ cakre tataḥ param || 5 ||
[Analyze grammar]

tasyaivamupaviṣṭasya maṃtrasthāne mahātmanaḥ |
bahutvādiṣṭalokasya na rahasyaṃ prajāyate || 16 ||
[Analyze grammar]

tataḥ kopaparītātmā dūtaḥ provāca sādaram |
vihasya janasaṃsargaṃ dṛṣṭvaikāṃte'pi saṃsthite || 17 ||
[Analyze grammar]

yathā daṃṣṭrācyutaḥ sarpo nāgo vā madavarjitaḥ |
ājñāhīnastathā rājā mānavaiḥ paribhūyate || 18 ||
[Analyze grammar]

seyaṃ tava raghuśreṣṭha nājñāsti prativedmyaham |
śakrālāpamapi tvaṃ ca naikāṃte śrotumarhasi || 19 ||
[Analyze grammar]

tasya tadvacanaṃ śrutvā kopasaṃraktalocanaḥ |
triśākhāṃ bhṛkuṭīṃ kṛtvā tataḥ sa prāha lakṣmaṇam || 20 ||
[Analyze grammar]

mamātra saṃniviṣṭasya sahānena prajalpataḥ |
yadi kaścinnaro mohādāgamiṣyati lakṣmaṇa |
svahastena na saṃdehaḥ sūdayiṣyāmi taṃ drutam || 21 ||
[Analyze grammar]

na hanmi yadi taṃ prāptamatra me dṛṣṭigocaram |
tanmā bhūnme gatiḥ śreṣṭhā dharmiṇāṃ yā prapadyate || 22 ||
[Analyze grammar]

evaṃ jñātvā prayatnena tvayā bhāvyamasaṃśayam |
rājadvāri yathā kaścinna mayā vadhyate'dhunā || 23 ||
[Analyze grammar]

tamomityeva saṃprocya lakṣmaṇaḥ śubhalakṣaṇaḥ |
rājadvāraṃ samāsādya cakāra vijanaṃ tataḥ || 24 ||
[Analyze grammar]

devadūto'pi rāmeṇa samaṃ cakre tataḥ param |
maṃtraṃ śakrasamādiṣṭaṃ tathānyaiḥ svargavāsibhiḥ || 25 ||
[Analyze grammar]

devadūta uvāca |
tvaṃ rāvaṇavināśārthamavatīrṇo dharātale |
sa ca vyāpādito duṣṭaḥ pāpastrailokyakaṃṭakaḥ || 26 ||
[Analyze grammar]

kṛtaṃ sarvaṃ mahābhāga deva kṛtyaṃ tvayā'dhunā |
tasmātsaṃtu sanāthāste devāḥ śakrapurogamāḥ || 27 ||
[Analyze grammar]

yadi te rocate citte noparodhena sāṃpratam |
prasādaṃ kuru devānāṃ tasmādāgaccha satvaram |
svargalokaṃ parityajya martyalokaṃ suniṃditam || 28 ||
[Analyze grammar]

sūta uvāca |
etasminnaṃtare prāpto durvāsā munisattamaḥ |
provācātha kṣudhāviṣṭaḥ kvāsau kvāsau raghūttamaḥ || 29 ||
[Analyze grammar]

lakṣmaṇa uvāca |
vyagraḥ sa pārthivaśreṣṭho devakāryeṇa kenacit |
tasmādatraiva vipreṃdra muhūrtaṃ paripālaya || 30 ||
[Analyze grammar]

yāvatsāṃtvayate rāmo dūtaṃ śakrasamudbhavam |
mamopari dayāṃ kṛtvā vinayāvanatasya hi || 31 ||
[Analyze grammar]

durvāsā uvāca |
yadi yāsyati no dṛṣṭiṃ mama drāksa raghūttamaḥ |
śāpaṃ dattvā kulaṃ sarvaṃ taddhakṣyāmi na saṃśayaḥ || 32 ||
[Analyze grammar]

mamāpi darśanādanyanna kiṃcidvidyate guru |
kṛtyaṃ lakṣmaṇa yāvattvamanyanmūḍha़ prakatthase || 33 ||
[Analyze grammar]

tacchrutvā lakṣmaṇaścitte ciṃtayāmāsa duḥkhitaḥ |
varaṃ me mṛtyurekasya mā bhūyātkulasaṃkṣayaḥ || 34 ||
[Analyze grammar]

evaṃ sa niścayaṃ kṛtvā tato rāmamupādravat |
uvāca daṃḍavadbhūmau praṇipatya kṛtāṃjaliḥ || 35 ||
[Analyze grammar]

durvāsā muniśārdūlo deva te dvāri tiṣṭhati |
darśanārthī kṣudhāviṣṭaḥ kiṃ karomi praśādhi mām || 36 ||
[Analyze grammar]

tasya tadvacanaṃ śrutvā tato dūtamuvāca tam |
gatvemaṃ brūhi deveśaṃ mama vākyādasaṃśayam |
ahaṃ saṃvatsarasyāṃta āgamiṣyāmi teṃ'tike || 37 ||
[Analyze grammar]

evamuktvā visṛjyātha taṃ dūtaṃ prāha lakṣmaṇam |
praveśaya drutaṃ vatsa taṃ tvaṃ durvāsasaṃ munim || 38 ||
[Analyze grammar]

tataścārghyaṃ ca pādyaṃ ca gṛhītvā sammukho yayau |
rāmadevaḥ prahṛṣṭātmā sacivaiḥ parivāritaḥ || 39 ||
[Analyze grammar]

dattvārghyaṃ vidhivattasya praṇipatya muhurmuhuḥ |
provāca rāmadevo'tha harṣagadgadayā girā || 40 ||
[Analyze grammar]

svāgataṃ te muniśreṣṭha bhūyaḥ susvāgataṃ ca te |
etadrājyamamī putrā vibhavaśca tava prabho || 41 ||
[Analyze grammar]

kṛtvā mama prasādaṃ ca gṛhāṇa munisattama |
dhanyo'smyanugṛhīto'smi yattvaṃ me gṛhamāgataḥ |
pūjyo lokatrayasyāpi niḥśeṣatapasāṃnidhiḥ || 42 ||
[Analyze grammar]

muniruvāca |
cāturmāsyavrataṃ kṛtvā nirāhāro raghūttama |
adya te bhavanaṃ prāpya āhārārthaṃ bubhukṣitaḥ || 43 ||
[Analyze grammar]

tasmāttvaṃ yaccha me śīghraṃ bhojanaṃ raghunaṃdana |
nānyena kāraṇaṃ kiṃcitsaṃnyastasya dhanādinā || 44 ||
[Analyze grammar]

tatastaṃ bhojayāmāsa śraddhāpūtena cetasā |
svayamevāgrataḥ sthitvā mṛṣṭānnairvividhaiḥ śubhaiḥ || 45 ||
[Analyze grammar]

lehyaiścoṣyaistathā carvyaiḥ khādyaireva pṛthagvidhaiḥ |
yāvadicchā munestasya tathānnairvividhairapi || 46 ||
[Analyze grammar]