Chapter 84

[English text for this chapter is available]

ṛṣaya ūcuḥ |
yadetadbhavatā proktaṃ devadevena viṣṇunā |
mādhavīṃ bhaginīṃ prāpya janmāṃtaramupasthitām || 1 ||
[Analyze grammar]

aśvavaktrāṃ kariṣyāmi tapasā suśubhānanām |
sā kathaṃ vihitā tena tapastaptaṃ tathā katham |
sarvaṃ vistarato brūhi paraṃ kautūhalaṃ hi naḥ || 2 ||
[Analyze grammar]

sūta uvāca |
nāradasya samākarṇya taṃ sandeśaṃ surodbhavam |
gatvā viṣṇuḥ suraiḥ sārddhaṃ pracakre maṃtraniścayam || 3 ||
[Analyze grammar]

bhārāvataraṇārthāya dānavānāṃ vadhāya ca |
vasudevagṛhe śrīmāndvāparāṃte tato hariḥ || 4 ||
[Analyze grammar]

devakyā jaṭhare devaḥ saṃjāto daityadarpahā |
tathānyā rohiṇīnāma bhāryā tasya ca yā'bhavat || 5 ||
[Analyze grammar]

tasyāṃ jajñe halīnāma balabhadraḥ pratāpavān |
tṛtīyā suprabhānāma vasudevapriyā ca yā || 6 ||
[Analyze grammar]

tasyāṃ sā mādhavī jajñe aśvavaktrasvarūpadhṛk |
tāṃ dṛṣṭvā vikṛtākārāṃ sutāṃ jātāṃ ca suprabhā |
vāsudevasamāyuktā viṣādaṃ paramaṃ gatā || 7 ||
[Analyze grammar]

atha te yādavāḥ sarve kṛtaśāntikapauṣṭikāḥ |
svastisvastīti saṃtrastāḥ procurbhūyātkule'tra naḥ || 8 ||
[Analyze grammar]

evaṃ sā yauvanopetā tathā duḥkhasamanvitā |
na kaścidvarayāmāsa vājivaktrāṃ vilokya tām || 9 ||
[Analyze grammar]

tataśca bhagavānviṣṇurjñātvā tāṃ bhaginīṃ tathā |
mātaraṃ pitaraṃ caiva tathā duḥkhasamanvitau || 10 ||
[Analyze grammar]

tāmādāya gatastūrṇaṃ baladevasamanvitaḥ |
hāṭakeśvaraje kṣetre tapastaptuṃ tataḥ param || 11 ||
[Analyze grammar]

brahmāṇaṃ toṣayāmāsa samyagyajñaparāyaṇaḥ |
vrataiśca vividhairdānairbrāhmaṇānāṃ ca tarpaṇaiḥ || 12 ||
[Analyze grammar]

tatastuṣṭiṃ gato brahmā varṣāṃte tasya śārṅgiṇaḥ |
uvāca varado'smīti prārthayasvābhivāṃchitam || 13 ||
[Analyze grammar]

viṣṇuruvāca |
eṣā me bhaginī deva jātā'śvavadanā kila |
tava prasādātsadvaktrā bhūyādetanmamepsitam || 14 ||
[Analyze grammar]

śrībrahmovāca |
eṣā śubhānanā sādhvī matprasādādbhaviṣyati |
subhadrā nāma vikhyātā vīrasūḥ pativallabhā || 15 ||
[Analyze grammar]

etadrūpāṃ pumānyo'tra pūjayiṣyati bhaktitaḥ |
etāṃ viṣṇo tvayā sārdhaṃ tathānena ca sīriṇā || 16 ||
[Analyze grammar]

dvādaśyāṃ māghamāsasya gaṃdhapuṣpānulepanaiḥ |
so'pyavāpsyati yaccitte vartate nātra saṃśayaḥ || 17 ||
[Analyze grammar]

yā nārī patinā tyaktā vaṃdhyā vā bhaktisaṃyutā |
tṛtīyādivase caitāṃ pūjayiṣyati keśava || 18 ||
[Analyze grammar]

bhaviṣyati suputrāḍhyā subhagā sā sukhānvitā |
aiśvaryasahitā nityaṃ sarvaiḥ samuditā guṇaiḥ || 19 ||
[Analyze grammar]

evamuktvā caturvaktro virarāma tataḥ param |
vāsudevo'pi hṛṣṭātmā yayau dvāravatīṃ purīm || 20 ||
[Analyze grammar]

tāmādāya viśālākṣīṃ caṃdrabiṃbasamānanām |
baladevasamāyukto hyanujñāpya pitāma ham || 21 ||
[Analyze grammar]

sūta uvāca |
evaṃ sā mādhavī viprāḥ subhagārūpamāsthitā |
avatīrṇā dharāpṛṣṭhe lakṣmīśāpaprapīḍitā || 22 ||
[Analyze grammar]

upayeme sutaḥ pāṃḍoryāṃ pārthaścāruhāsinīm |
jajñe tasyāḥ suto vīro'bhimanyuriti viśrutaḥ || 23 ||
[Analyze grammar]

etadvaḥ sarvamākhyātaṃ mādhabījanmasambhavam |
suparṇākhyasya devasya kathāsaṃgāddvijottamāḥ || 24 ||
[Analyze grammar]

yaścaitatpaṭhate martyo bhaktyā yuktaḥ śṛṇoti vā |
mucyate sa naraḥ pāpāttaddinaikasamudbhavāt || 25 ||
[Analyze grammar]