Chapter 83

[English text for this chapter is available]

sūta uvāca |
tatrāścaryamabhūtpūrvaṃ yattadbrāhmaṇasattamāḥ |
ahaṃ vaḥ kīrtayiṣyāmi purāṇe yadudāhṛtam || 1 ||
[Analyze grammar]

veṇurnāma mahīpālaḥ purāsītsūryavaṃśajaḥ |
sadaiva pāpasaṃyukto durmedhāḥ kāmapīḍitaḥ || 2 ||
[Analyze grammar]

śāsanāni pradattāni brāhmaṇānāṃ mahātmanām |
anyaiḥ pārthivaśārdūlaistena tāni hṛtānyalam || 3 ||
[Analyze grammar]

vidhvaṃsitāḥ striyo naikā vidhavāśca viśeṣataḥ || 4 ||
[Analyze grammar]

kumāryo rūpavatyaśca tathā nija kulodbhavāḥ || 4 ||
[Analyze grammar]

devatārādhanaṃ pūjāṃ kartuṃ naiva dadāti saḥ |
na ca yajñaṃ na homaṃ ca svādhyāyaṃ na ca pāpakṛt || 5 ||
[Analyze grammar]

provācātha janānsarvānmāṃ pūjayata sarvadā |
na māmabhyadhiko'nyo'sti devo vā brāhmaṇo'pi vā || 6 ||
[Analyze grammar]

mayā tuṣṭena sarveṣāṃ saṃpatsyati hṛdi sthitam |
iha lokeṣvasaṃdigdhaṃ śubhaṃ vā yadi vā'śubham || 7 ||
[Analyze grammar]

tena śastravihīnānāṃ viśvastānāṃ vadhaḥ kṛtaḥ |
saṃtyaktāḥ śaraṇaṃ prāptāḥ puruṣā bhayavihvalāḥ || 9 ||
[Analyze grammar]

naṣṭo mahāhavaṃ dṛṣṭvā śatrusaṃghānupasthitān |
kṣātraṃ dharmaṃ parityajya prāṇarakṣārthameva hi || 9 ||
[Analyze grammar]

acaurāḥ pragṛhītāśca caurāḥ saṃrakṣitāḥ sadā |
sādhavaḥ kleśitā nityaṃ teṣāṃ saṃharatā dhanam || 10 ||
[Analyze grammar]

na kṛtaṃ ca vrataṃ tena śraddhāpūtena cetasā |
na dattaṃ brāhmaṇebhyaśca na ca yaṣṭaṃ kadācana || 11 ||
[Analyze grammar]

evaṃ tasya narendrasya pāpāsaktasya nityaśaḥ |
kuṣṭhavyādhirabhūdugro vaṃśocchedaśca saddvijāḥ || 12 ||
[Analyze grammar]

tatastaṃ vyādhinā grastaṃ putrapautravivarjitam |
dāyādāḥ sahasopetā rājyaṃ jahrustataḥ param || 13 ||
[Analyze grammar]

taṃ ca nirvāsayāmāsustasmāddeśātpadātikam |
ekākinaṃ parityaktaṃ sarvairapi suhṛdgaṇaiḥ || 14 ||
[Analyze grammar]

so'pi sarvaiḥ parityaktastena pāpena karmaṇā |
kalatrairapi cātmīyaiḥ smṛtvā pūrvaviceṣṭitam || 15 ||
[Analyze grammar]

ekākī bhramamāṇo'tha so'pi kaṣṭavaśaṃ gataḥ |
kṣuttṛṣṇāsupariśrāṃtaḥ kṣetre'traiva samāgataḥ || 16 ||
[Analyze grammar]

tataḥ prāsādamāsādya suparṇākhyasamudbhavam |
yāvatprāptaḥ parityaktastāva tprāṇairupoṣitaḥ || 17 ||
[Analyze grammar]

tato divyavapurbhūtvāvimānavaramāśritaḥ |
jagāmaśivalokaṃ sa durlabhaṃ dhārmikairapi || 18 ||
[Analyze grammar]

sevyamānopsarobhiśca stūyamānaśca kinnaraiḥ |
gīyamānaśca gandharvaiḥ śivapārśve vyavasthitaḥ || 19 ||
[Analyze grammar]

atha taṃ saṃnidhau dṛṣṭvā gaurī papraccha sādaram |
ko'yaṃ deva samāyātaḥ sukṛtī tava mandire |
anena kiṃ kṛtaṃ karma yatprāpto'tra vibhūtidhṛk || 20 ||
[Analyze grammar]

śrībhagavānuvāca |
eṣa pāpasamācāraḥ sadā'sītpṛthivīpatiḥ |
veṇusaṃjño dharāpṛṣṭhe kuṣṭhavyādhisamākulaḥ || 21 ||
[Analyze grammar]

sa saṃtyakto nijairdāraiḥ śatruvargeṇa dharṣitaḥ |
bhramamāṇaḥ samāyātaḥ suparṇākhyasya mandire || 22 ||
[Analyze grammar]

upavāsapariśrāṃtaḥ sāṃnidhyaṃ mama yatra ca |
sarvaprāṇaiḥ parityaktastasminnāyatane śubhe || 23 ||
[Analyze grammar]

tatprabhāvādiha prāptaḥ satyametanma yoditam |
anyo'pyanaśanaṃ kṛtvā prāṇānyastatra saṃtyajet || 24 ||
[Analyze grammar]

sa sarvābhyadhikāṃ bhūtiṃ prāpnuyādvaravarṇini |
yānetānvīkṣase devi gaṇānme pārśvasaṃsthitān || 25 ||
[Analyze grammar]

etaistatra kṛtaṃ sarvairdevi prāyopaveśanam |
api kīṭapataṃgā ye paśavaḥ pakṣiṇo mṛgāḥ |
prāsāde tatra nirmuktāḥ prāṇairyāṃti mamāṃtikam || 26 ||
[Analyze grammar]

sūta uvāca |
tacchrutvā pārvatī vākyaṃ proktaṃ devena śambhunā |
vismayāviṣṭahṛdayā sādhu sādhviti sā'bravīt || 27 ||
[Analyze grammar]

tataḥprabhṛti loke'tra puruṣā muktimicchavaḥ |
dūrato'pi samabhyetya svānprāṇāṃstatra tatyajuḥ || 28 ||
[Analyze grammar]

prāyopaveśanaṃ kṛtvā śraddhayā parayā yutāḥ |
gacchanti ca parāṃ siddhimapi pāpaparāyaṇāḥ || 29 ||
[Analyze grammar]

etadvaḥ sarvamākhyātaṃ sarvapātakanāśanam |
suparṇākhyasya māhātmyaṃ yanmayā svapituḥ śrutam || 30 ||
[Analyze grammar]

iti śrīskande mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe śrīhāṭakeśvarakṣetramāhātmye suparṇākhyamāhātmyavarṇanaṃnāma tryaśītitamo'dhyāyaḥ || 83 ||
[Analyze grammar]