Chapter 190

[English text for this chapter is available]

adhyāya || 190 ||
[Analyze grammar]

śrīmārkaṇḍeya uvāca |
tato gacchenmahīpāla somatīrthamanuttamam |
candrahāseti vikhyātaṃ sarvadaivatapūjitam || 1 ||
[Analyze grammar]

yatra siddhiṃ parāṃ prāptaḥ somo rājā surottamaḥ || 2 ||
[Analyze grammar]

yudhiṣṭhira uvāca |
kathaṃ siddhimanuprāptaḥ somo rājā jagatpatiḥ |
tatsarvaṃ śrotumicchāmi kathayasva mamānagha || 3 ||
[Analyze grammar]

mārkaṇḍeya uvāca |
purā śapto munīndreṇa dakṣeṇa kila bhārata |
asevanāddhi dārāṇāṃ kṣayarogī bhaviṣyasi || 4 ||
[Analyze grammar]

udvāhitānāṃ patnīnāṃ ye na kurvanti sevanam |
yā niṣṭhā jāyate teṣāṃ tāṃ śṛṇuṣva narottama || 5 ||
[Analyze grammar]

ṛtukāle tu nārīṇāṃ sevanājjāyate sutaḥ |
sutātsvargaśca mokṣaśca hītyevaṃ śrutinodanā || 6 ||
[Analyze grammar]

tatkālocitadharmeṇa ye na sevanti tāṃ narāḥ |
teṣāṃ brahmaghnajaṃ pāpaṃ jāyate nātra saṃśayaḥ || 7 ||
[Analyze grammar]

tena pāpena ghoreṇa veṣṭato raurave patet |
tasya tadrudhiraṃ pāpāḥ pibante kālamīpsitam || 8 ||
[Analyze grammar]

tato'vatīrṇakālena yāṃ yāṃ yoniṃ prayāsyati |
tasyāṃ tasyāṃ sa duṣṭātmā durbhago jāyate sadā || 9 ||
[Analyze grammar]

nārīṇāṃ tu sadā kāmo hyadhikaḥ parivartate |
viśeṣeṇa ṛtoḥ kāle bhidyate kāmasāyakaiḥ || 10 ||
[Analyze grammar]

paribhūtā hi sā bhartrā dhyāyate'nyaṃ patiṃ tataḥ |
tasyāḥ putraḥ samutpanno hyaṭate kulamuttamam || 11 ||
[Analyze grammar]

svargasthāstena pitaraḥ pūrvaṃ jātā mahīpate |
patanti jātamātreṇa kulaṭastena cocyate || 12 ||
[Analyze grammar]

tena karmavipākena kṣayarogī śaśī hyabhūt |
tyaktvā lokaṃ surendrāṇāṃ martyalokamupāgataḥ || 13 ||
[Analyze grammar]

tatra tīrthānyanekāni puṇyānyāyatanāni ca |
bhramitvā narmadāṃ prāptaḥ sarvapāpapraṇāśinīm || 14 ||
[Analyze grammar]

upavāsastu dānāni vratāni niyamāśca ye |
cacāra dvādaśābdāni tato muktaḥ sa kilbiṣaiḥ || 15 ||
[Analyze grammar]

sthāpayitvā mahādevaṃ sarvapātakanāśanam |
jagāma prabhayā pūrṇaḥ somalokamanuttamam || 16 ||
[Analyze grammar]

yenaiva sthāpito devaḥ pūjyate varṣasaṃkhyayā |
tāvadyugasahasrāṇi tasya lokaṃ samaśnute || 17 ||
[Analyze grammar]

tena devān vidhānoktān sthāpayanti narā bhuvi |
akṣayaṃ cāvyayaṃ yasmātphalaṃ bhavati nānyathā || 18 ||
[Analyze grammar]

somatīrthe tu yaḥ snātvā pūjayeddevamīśvaram |
jāyate sa naro bhūtvā somavitpriyadarśanaḥ || 19 ||
[Analyze grammar]

candraprabhāse yo gatvā snānaṃ vidhivadācaret |
vyādhinā nābhibhūtaḥ syātkṣayarogeṇa vā yutaḥ || 20 ||
[Analyze grammar]

candrahāsye naraḥ snātvā dvādaśyāṃ tu nareśvara |
caturdaśyāmupoṣyaiva kṣīrasya juhuyāccarum || 21 ||
[Analyze grammar]

mantraiḥ pañcabhirīśānaṃ puruṣastryambakaṃ yajet |
haviḥśeṣaṃ svayaṃ prāśya candrahāsyeśamīkṣayet || 22 ||
[Analyze grammar]

anena vidhinā rājaṃstuṣṭo devo maheśvaraḥ |
vidhinā tīrthayogena kṣayarogādvimucyate || 23 ||
[Analyze grammar]

saptabhiḥ somavārairyaḥ snānaṃ tatra samācaret |
sa vai karṇakṛtādrogānmucyate pūjayañchivam || 24 ||
[Analyze grammar]

akṣirogastathā rājaṃścandrahāsye vinaśyati |
candrahāsye tu yo gatvā grahaṇe candrasūryayoḥ |
snānaṃ samācaredbhaktyā mucyate sarvapātakaiḥ || 25 ||
[Analyze grammar]

tatra snānaṃ ca dānaṃ ca candrahāsye śubhaśubham |
kṛtaṃ nṛpavaraśreṣṭha sarvaṃ bhavati cākṣayam || 26 ||
[Analyze grammar]

te dhanyāste mahātmānasteṣāṃ janma sujīvitam |
candrahāsye tu ye snātvā paśyanti grahaṇaṃ narāḥ || 27 ||
[Analyze grammar]

vācikaṃ mānasaṃ pāpaṃ karmajaṃ yatpurā kṛtam |
snānamātrāttu rājendra tatra tīrthe praṇaśyati || 28 ||
[Analyze grammar]

bahavastanna jānanti mahāmohasamanvitāḥ |
dehastha iva sarveṣāṃ paramātmeva saṃsthitam || 29 ||
[Analyze grammar]

paścime sāgare gatvā somatīrthe tu yatphalam |
tatsamagramavāpnoti candrahāsye na saṃśayaḥ || 30 ||
[Analyze grammar]

saṃkrāntau ca vyatīpāte viṣuve cāyane tathā |
candrahāsye naraḥ snātvā sarvapāpaiḥ pramucyate || 31 ||
[Analyze grammar]

te mūḍhāste durācārāsteṣāṃ janma nirarthakam |
candrahāsyaṃ na jānanti narmadāyāṃ vyavasthitam || 32 ||
[Analyze grammar]

candrahāsye tu yaḥ kaścitsaṃnyāsaṃ kurute nṛpa |
anivartikā gatistasya somalokātkadācana || 33 ||
[Analyze grammar]