Chapter 186

[English text for this chapter is available]

adhyāya || 186 ||
[Analyze grammar]

śrīmārkaṇḍeya uvāca |
tato gacchenmahīpāla tīrthaṃ kanakhalottamam |
garuḍena tapastaptaṃ pūjayitvā maheśvaram || 1 ||
[Analyze grammar]

divyaṃ varṣaśataṃ yāvajjātamātreṇa bhārata |
tapojapaiḥ kṛśībhūto dṛṣṭo devena śambhunā || 2 ||
[Analyze grammar]

tatastuṣṭo mahādevo vainateyaṃ manojavam |
uvāca paramaṃ vākyaṃ vinatānandavardhanam || 3 ||
[Analyze grammar]

prasannaste mahābhāga varaṃ varaya suvrata |
durlabhaṃ triṣu lokeṣu dadāmi tava khecara || 4 ||
[Analyze grammar]

garuḍa uvāca |
icchāmi vāhanaṃ viṣṇordvijendratvaṃ sureśvara |
prasanne tvayi me sarvaṃ bhavatviti matirmama || 5 ||
[Analyze grammar]

śrīmaheśa uvāca |
durlabhaḥ prāṇināṃ tāta yo varaḥ prārthito'nagha |
devadevasya vāhanaṃ dvijendratvaṃ sudurlabham || 6 ||
[Analyze grammar]

nārāyaṇodare sarvaṃ trailokyaṃ sacarācaram |
tvayā sa kathamūhyeta devadevo jagadguruḥ || 7 ||
[Analyze grammar]

tenaiva sthāpitaścendrastrailokye sacarācare |
kathamanyasya cendratvaṃ bhavatīti sudurlabham || 8 ||
[Analyze grammar]

tathāpi mama vākyena vāhanaṃ tvaṃ bhaviṣyasi |
śaṅkhacakragadāpāṇervahato'pi jagattrayam || 9 ||
[Analyze grammar]

indrastvaṃ pakṣiṇāṃ madhye bhaviṣyasi na saṃśayaḥ |
iti dattvā varaṃ tasmā antardhānaṃ gato haraḥ || 10 ||
[Analyze grammar]

tato gate mahādeve hyuruṇasyānujo nṛpa |
ārādhayāmāsa tadā cāmuṇḍāṃ muṇḍamaṇḍitām || 11 ||
[Analyze grammar]

śmaśānavāsinīṃ devīṃ bahubhūtasamanvitām |
yoginīṃ yogasaṃsiddhāṃ vasāmāṃsāsavapriyām || 12 ||
[Analyze grammar]

dhyātamātrā tu tenaiva pratyakṣā hyabhavattadā |
jālaṃdhare ca yā siddhiḥ kaulīne uḍḍiśe pare || 13 ||
[Analyze grammar]

samagrā sā bhṛgukṣetre siddhakṣetre tu saṃsthitā |
cāmuṇḍā tatra sā devī siddhakṣetre vyavasthitā || 14 ||
[Analyze grammar]

saṃstutā ṛṣibhirdevairyogakṣemārthasiddhaye |
vinatānandajananastatra tāṃ yoginīṃ nṛpa |
bhaktyā prasādayāmāsa stotrairvaidikalaukikaiḥ || 15 ||
[Analyze grammar]

garuḍa uvāca |
oṃ yā sā kṣutkṣāmakaṇṭhā navarudhiramukhā pretapadmāsanasthā bhūtānāṃ vṛndavṛndaiḥ pitṛvananilayā krīḍate śūlahastā |
śastradhvastapravīravrajarudhiragalanmuṇḍamālottarīyā devī śrīvīramātā vimalaśaśinibhā pātu vaścarmamuṇḍā || 16 ||
[Analyze grammar]

yā sā kṣutkṣāmakaṇṭhā vikṛtabhayakarī trāsinī duṣkṛtānāṃ muñcajjvālākalāpairdaśanakasamasaiḥ khādati pretamāṃsam |
yā sā dordaṇḍacaṇḍairḍamaruraṇaraṇāṭopaṭaṃkāraghaṇṭaiḥ kalpāntotpātavātāhatapaṭupaṭahairvalgate bhūtamātā |
kṣutkṣāmā śuṣkakukṣiḥ khavarataranaravaraiḥ kṣodati pretamāṃsaṃ muñcantī cāṭṭahāsaṃ ghuraghuritaravā pātu vaścarmamuṇḍā || 17 ||
[Analyze grammar]

yā sā nimnodarābhā vikṛtabhavabhayatrāsinī śūlahastā cāmuṇḍā muṇḍaghātā raṇaraṇitaraṇajhallarīnādaramyā |
trailokyaṃ trāsayanti kakahakahakahairghorarāvairanekairnṛtyantī mātṛmadhye pitṛvananilayā pātu vaścarmamuṇḍā || 18 ||
[Analyze grammar]

yā dhatte viśvamakhilaṃ nijāṃśena mahojjvalā |
kanakaprasave līnā pātu māṃ kanakeśvarī || 19 ||
[Analyze grammar]

himādrisambhavā devī dayādarśitavigrahā |
śivapriyā śive saktā pātu māṃ kanakeśvarī || 20 ||
[Analyze grammar]

anādijagadādiryā ratnagarbhā vasupriyā |
rathāṅgapāṇinā padmā pātu māṃ kanakeśvarī || 21 ||
[Analyze grammar]

sāvitrī yā ca gāyatrī mṛḍānī vāgathendirā |
smartḥṇāṃ yā sukhaṃ datte pātu māṃ kanakeśvarī || 22 ||
[Analyze grammar]

saumyāsaumyaiḥ sadā rūpaiḥ sṛjatyavati yā jagat |
parā śaktiḥ parā buddhiḥ pātu māṃ kanakeśvarī || 23 ||
[Analyze grammar]

brahmaṇaḥ sargasamaye sṛjyaśaktiḥ parā tu yā |
jaganmāyā jagaddhātrī pātu māṃ kanakeśvarī || 24 ||
[Analyze grammar]

viśvasya pālane viṣṇoryā śaktiḥ paripālikā |
madanonmādinī mukhyā pātu māṃ kanakeśvarī || 25 ||
[Analyze grammar]

viśvasaṃlayane mukhyā yā rudreṇa samāśritā |
raudrī śaktiḥ śivānantā pātu māṃ kanakeśvarī || 26 ||
[Analyze grammar]

kailāsasānusaṃrūḍha kanakaprasaveśayā |
bhasmakābhihṛtā pūrvaṃ pātu māṃ kanakeśvarī || 27 ||
[Analyze grammar]

patiprabhāvamicchantī trasyantī yā vinā patim |
abalā tvekabhāvā ca pātu māṃ kanakeśvarī || 28 ||
[Analyze grammar]

viśvasaṃrakṣaṇe saktā rakṣitā kanakena yā |
ā brahmastambajananī pātu māṃ kanakeśvarī || 29 ||
[Analyze grammar]

brahmaviṣṇvīśvarāḥ śaktyā śarīragrahaṇaṃ yayā |
prāpitāḥ prathamā śaktiḥ pātu māṃ kanakeśvarī || 30 ||
[Analyze grammar]

śrutvā tu garuḍenoktaṃ devīvṛttacatuṣṭayam |
prasannā saṃmukhī bhūtvā vākyametaduvāca ha || 31 ||
[Analyze grammar]

śrīcāmuṇḍovāca |
prasannā te mahāsattva varaṃ varaya vāñchitam |
dadāmi te dvijaśreṣṭha yatte manasi rocate || 32 ||
[Analyze grammar]

garuḍa uvāca |
ajaraścāmaraścaiva adhṛṣyaśca surāsuraiḥ |
tava prasādāccaivānyairajeyaśca bhavāmyaham || 33 ||
[Analyze grammar]

tvayā cātra sadā devi sthātavyaṃ tīrthasannidhau ||
mārkaṇḍeya uvāca |
evaṃ bhaviṣyatītyuktvā devī devairabhiṣṭutā || 34 ||
[Analyze grammar]

jagāmākāśamāviśya bhūtasaṅghasamanvitā |
yadā lakṣmyā nṛpaśreṣṭha sthāpitaṃ puramuttamam || 35 ||
[Analyze grammar]

anumānya tadā devīṃ kṛtaṃ tasyāṃ samarpitam ||
lakṣmīruvāca |
rakṣaṇāya mayā devi yogakṣemārthasiddhaye || 36 ||
[Analyze grammar]

mātṛvatpratipālyaṃ te sadā devi puraṃ mama |
garuḍo'pi tataḥ snātvā sampūjya kanakeśvarīm || 37 ||
[Analyze grammar]

tīrthaṃ tatraiva saṃsthāpya jagāmākāśamuttamam |
tatra tīrthe tu yaḥ snātvā pūjayetpitṛdevatāḥ || 38 ||
[Analyze grammar]

sarvakāmasamṛddhasya yajñasya phalamaśnute |
gandhapuṣpādibhiryastu pūjayetkanakeśvaram || 39 ||
[Analyze grammar]

tasya yogaiśvaryasiddhiryogapīṭheṣu jāyate |
mṛto yogeśvaraṃ lokaṃ jayaśabdādimaṅgalaiḥ |
sa gacchennātra sandeho yoginīgaṇasaṃyutaḥ || 40 ||
[Analyze grammar]