Chapter 169

[English text for this chapter is available]

| adhyāya || 169 ||
[Analyze grammar]

śrīmārkaṇḍeya uvāca |
tato gacchetparaṃ tīrthaṃ puṇyaṃ pāpapraṇāśanam |
māṇḍavyo yatra saṃsiddha ṛṣirnārāyaṇastathā || 1 ||
[Analyze grammar]

nārāyaṇena śuśrūṣā śūlasthena kṛtā purā |
tatra snātvā mahārāja mucyate pāpakañcukāt || 2 ||
[Analyze grammar]

yudhiṣṭhira uvāca |
āścaryametallokeṣu yattvayā kathitaṃ mune |
na dṛṣṭaṃ na śrutaṃ tāta śūlasthena tapaḥ kṛtam || 3 ||
[Analyze grammar]

etatsarvaṃ kathaya me ṛṣibhiḥ sahitasya vai |
asya tīrthasya māhātmyaṃ māṇḍavyasya kutūhalāt || 4 ||
[Analyze grammar]

śrīmārkaṇḍeya uvāca |
śṛṇu rājanyathāvṛttapurā tretāyuge kṣitau |
lokapālopamo rājā devapanno mahāmatiḥ || 5 ||
[Analyze grammar]

dharmajñaśca kṛtajñaśca yajvā dānarataḥ sadā |
prajā rarakṣa yatnena pitā putrānivaurasān || 6 ||
[Analyze grammar]

dātyāyanī priyā bhāryā tasya rājño vaśānugā |
hāranūpuraghoṣeṇa jhaṅkāraravanāditā || 7 ||
[Analyze grammar]

parasparaṃ tayoḥ prītirvardhate'nudinaṃ nṛpa |
vaṃśastambe sthito rājā saṃśāsti pṛthivīmimām || 8 ||
[Analyze grammar]

hastyaśvarathasampūrṇāṃ dhanavāhanasaṃyutām |
alaṃkṛto guṇaiḥ sarvairanapatyo mahīpatiḥ || 9 ||
[Analyze grammar]

duḥkhena mahatāviṣṭaḥ saṃtaptaḥ santatiṃ vinā |
snānahomarato nityaṃ dvādaśābdāni bhārata || 10 ||
[Analyze grammar]

vratopavāsaniyamaiḥ patnībhiḥ saha tasthivān |
ārādhayadbhagavatīṃ cāmuṇḍāṃ muṇḍamardinīm || 11 ||
[Analyze grammar]

stotrairanekairbhaktyā ca pūjāvidhisamādhinā |
jaya vārāhi cāmuṇḍe jaya devi trilocane || 12 ||
[Analyze grammar]

brāhmi raudri ca kaumāri kātyāyani namo'stu te |
pracaṇḍe bhairave raudri yoginyākāśagāmini || 13 ||
[Analyze grammar]

nāsti kiṃcittvayā hīnaṃ trailokye sacarācare |
rājñā stutā ca saṃtuṣṭā devī vacanamabravīt || 14 ||
[Analyze grammar]

varayasva yathākāmaṃ yaste manasi vartate |
ārādhitā tvayā bhaktyā tuṣṭā dāsyāmi te varam || 15 ||
[Analyze grammar]

devapanna uvāca |
yadi tuṣṭāsi deveśi varārho yadi vāpyaham |
putrasantānarahitaṃ saṃtaptaṃ māṃ samuddhara || 16 ||
[Analyze grammar]

santānaṃ naya me vṛddhiṃ gotrarakṣāṃ kuruṣva me |
aputriṇāṃ gṛhāṇīha śmaśānasadṛśāni hi || 17 ||
[Analyze grammar]

pitarastasya nāśnanti devatā ṛṣibhiḥ saha |
kriyamāṇe'pyaharahaḥ śrāddhe matpitaraḥ sadā || 18 ||
[Analyze grammar]

darśayanti sadātmānaṃ svapne kṣutpīḍitaṃ mama |
iti rājño vacaḥ śrutvā devī dhyānamupāgatā || 19 ||
[Analyze grammar]

divyena cakṣuṣā dṛṣṭaṃ trailokyaṃ sacarācaram |
prasannavadanā devī rājānamidamabravīt || 20 ||
[Analyze grammar]

santānaṃ nāsti te rājaṃstrailokye sacarācare |
yajasva yajñapuruṣamapatyaṃ nāsti te'nyathā || 21 ||
[Analyze grammar]

mayā dṛṣṭaṃ mahīpāla trailokyaṃ divyacakṣuṣā |
evamuktvā gatā devī rājā svagṛhamāgamat || 22 ||
[Analyze grammar]

iyāja yajñapuruṣaṃ saṃjātā kanyakā tataḥ |
tejasvinī rūpavatī sarvalokamanoharā || 23 ||
[Analyze grammar]

devagandharvaloke'pi tādṛśī nāsti kāminī |
tasyā nāma kṛtaṃ pitrā harṣātkāmapramodinī || 24 ||
[Analyze grammar]

tataḥ kālena vavṛdhe rūpeṇāstambhayajjagat |
haṃsalīlāgatiḥ subhrūḥ stanabhārāvanāmitā || 25 ||
[Analyze grammar]

raktamālyāmbaradharā kuṇḍalābharaṇojjvalā |
divyānulepanavatī sakhībhiḥ sā surakṣitā || 26 ||
[Analyze grammar]

kucamadhyagato hāro vidyunmāleva rājate |
bhramarāñcitakeśī sā bimboṣṭhī cāruhāsinī || 27 ||
[Analyze grammar]

karṇāntaprāptanetrābhyāṃ pibantīvātha kāminaḥ |
candratāmbūlasaurabhyairākarṣantīva manmatham || 28 ||
[Analyze grammar]

kambugrīvā cārumadhyā tāmrapādāṅgulīnakhā |
nimnanābhiḥ sujaghanā rambhorū sudatī śubhā || 29 ||
[Analyze grammar]

mātāpitṛsuhṛdvarge krīḍānandavivardhinī |
ekasmindivase bālā sakhīvṛndasamanvitā || 30 ||
[Analyze grammar]

candanāgarutāṃbūladhūpasaumanasāñcitā |
gṛhītvā puṣpadhūpādi gatā devīprapūjane || 31 ||
[Analyze grammar]

taḍāgataṭa utsṛjya bhūṣaṇānyaṅgaveṣṭakān |
cakruḥ sarasitāḥ krīḍāṃ jalamadhyagatāstadā || 32 ||
[Analyze grammar]

krīḍantīṃ tāmavekṣyātha sasakhīṃ vimale jale |
rākṣasaḥ śambaro nāma śyenarūpeṇa cāgamat || 33 ||
[Analyze grammar]

gṛhītā jalamadhyasthā tena sā kāmamodinī |
khamutpapāta duṣṭātmā gṛhītvābharaṇānyapi || 34 ||
[Analyze grammar]

vāyumārgaṃ gataḥ so'tha kāminyā saha bhārata |
apatankuṇḍalādīni yatra toye mahāmuniḥ || 35 ||
[Analyze grammar]

māṇḍavyo narmadātīre kāṣṭhavatsaṃjitendriyaḥ |
līno māheśvare sthāne nārāyaṇapade pare || 36 ||
[Analyze grammar]

tasya cānucaro bhrātā bhrātuḥ śuśrūṣaṇe rataḥ |
tapojapakṛśībhūto dadhyau devaṃ janārdanam || 37 ||
[Analyze grammar]