Chapter 153

[English text for this chapter is available]

| adhyāya || 153 ||
[Analyze grammar]

mārkaṇḍeya uvāca |
tasyaivānantaraṃ cānyadravitīrthamanuttamam |
yasya saṃdarśanādeva mucyante pātakairnarāḥ || 1 ||
[Analyze grammar]

ravitīrthe tu yaḥ snātvā naraḥ paśyati bhāskaram |
tasya yatphalamuddiṣṭaṃ svayaṃ devena tacchṛṇu || 2 ||
[Analyze grammar]

nāndho na mūko badhiraḥ kule bhavati kaścana |
kurūpaḥ kunakhī vāpi tasya janmāni ṣoḍaśa || 3 ||
[Analyze grammar]

dadrucitrakakuṣṭhāni maṇḍalāni vicarcikā |
naśyanti devabhaktasya ṣaṇmāsānnātra saṃśayaḥ || 4 ||
[Analyze grammar]

caritaṃ tasya devasya purāṇe yacchrutaṃ mayā |
na tatkathayituṃ śakyaṃ saṃkṣepeṇa nṛpottama || 5 ||
[Analyze grammar]

tatra tīrthe tu yaddānaṃ ravimuddiśya dīyate |
vidhinā pātraviprāya tasyānto nāsti karhicit || 6 ||
[Analyze grammar]

ayane viṣuve caiva candrasūryagrahe tathā |
ravitīrthe pradattānāṃ dānānāṃ phalamuttamam || 7 ||
[Analyze grammar]

saṃkrāntau yāni dānāni havyakavyāni bhārata |
apāmiva samudrasya teṣāmanto na labhyate || 8 ||
[Analyze grammar]

yena yena yadā dattaṃ yena yena yadā hutam |
tasya tasya tadā kāle savitā pratidāyakaḥ || 9 ||
[Analyze grammar]

sapta janmāni tānyeva dadātyarkaḥ punaḥ punaḥ |
śatamindukṣaye dānaṃ sahasraṃ tu dinakṣaye || 10 ||
[Analyze grammar]

saṃkrāntau śatasāhasraṃ vyatīpāte tvanantakam || 11 ||
[Analyze grammar]

yudhiṣṭhira uvāca |
ravitīrthaṃ kathaṃ tāta puṇyātpuṇyataraṃ smṛtam |
vistareṇa mamākhyāhi śravaṇau mama lampaṭau || 12 ||
[Analyze grammar]

śrīmārkaṇḍeya uvāca |
śṛṇuṣvāvahito bhūtvā hyādityeśvaramuttamam |
uttare narmadākūle sarvavyādhivināśanam || 13 ||
[Analyze grammar]

purā kṛtayugasyādau jābālirbrāhmaṇo'bhavat |
vasiṣṭhānvayasambhūto vedaśāstrārthapāragaḥ || 14 ||
[Analyze grammar]

pativratā sādhuśīlā tasya bhāryā manasvinī |
ṛtukāle tu sā gatvā bhartāramidamabravīt || 15 ||
[Analyze grammar]

vartate ṛtukālo me bhartāraṃ tvāmupasthitā |
bhaja māṃ prītisaṃyuktaḥ putrakāmāṃ tu kāminīm || 16 ||
[Analyze grammar]

evamukto dvijaḥ prāha priye'dyāhaṃ vratānvitaḥ |
gacchedānīṃ varārohe dāsya ṛtvantare punaḥ || 17 ||
[Analyze grammar]

punardvitīye samprāpte ṛtukāle'pyupasthitā |
punaḥ sā chanditā tena vratastho'dyeti bhārata || 18 ||
[Analyze grammar]

itthaṃ vā bahuśastena chanditā ca punaḥ punaḥ |
nirāśā cābhavattatra bhartāraṃ prati bhāminī || 19 ||
[Analyze grammar]

duḥkhena mahatāviṣṭā vidhāyānaśanaṃ mṛtā |
tena bhrūṇahatenaiva pāpena sahasā dvijaḥ || 20 ||
[Analyze grammar]

śīrṇaghrāṇāṅghrirabhavattapaḥ sarvaṃ nanāśa ca |
dṛṣṭvātmānaṃ sa kuṣṭhena vyāptaṃ brāhmaṇasattamaḥ || 21 ||
[Analyze grammar]

viṣādaṃ paramaṃ gatvā narmadātaṭamāśritaḥ |
apṛcchadbhāskaraṃ tīrthaṃ dvijebhyo dvijasattamaḥ || 22 ||
[Analyze grammar]

ārogyaṃ bhāskarādicchediti saṃcintya cetasi |
kutastadbhāskaraṃ tīrthaṃ bho dvijāḥ kathyatāṃ mama || 23 ||
[Analyze grammar]

tapastapyāmyahaṃ gatvā tasmiṃstīrthe subhāvitaḥ || 24 ||
[Analyze grammar]

dvijā ūcuḥ |
revāyā uttare kūle ādityeśvaranāmataḥ |
vidyate bhāskaraṃ tīrthaṃ sarvavyādhivināśanam || 25 ||
[Analyze grammar]

tatra yāhyavicāreṇa gantuṃ cecchakyate tvayā |
evamukto dvijairvipro gantuṃ tatra pracakrame || 26 ||
[Analyze grammar]

vyādhinā paribhūtastu ghoreṇa prāṇahāriṇā |
yadā gantuṃ na śaknoti tadā tena vicintitam || 27 ||
[Analyze grammar]

sāmarthyaṃ brāhmaṇānāṃ hi vidyate bhuvanatraye |
liṅgapātaḥ kṛto viprairdevadevasya śūlinaḥ || 28 ||
[Analyze grammar]

samudraḥ śoṣito viprairvindhyaścāpi nivāritaḥ |
ahamapyatra saṃsthastu hyānayiṣyāmi bhāskaram || 29 ||
[Analyze grammar]

tapobalena mahatā hyādityeśvarasaṃjñitam |
iti niścitya manasā hyugre tapasi saṃsthitaḥ || 30 ||
[Analyze grammar]

vāyubhakṣo nirāhāro grīṣme pañcāgnimadhyagaḥ |
śiśire toyamadhyastho varṣāsvaprāvṛtākṛtiḥ || 31 ||
[Analyze grammar]

sāgre varṣaśate pūrṇe ravistuṣṭo'bravīdidam || 32 ||
[Analyze grammar]

sūrya uvāca |
varaṃ varaya bhadraṃ te kiṃ te manasi vāñchitam |
adeyamapi dāsyāmi brūhi māṃ tvaṃ ciraṃ kṛthāḥ || 33 ||
[Analyze grammar]

kimasādhyaṃ hi te vipra idānīṃ tapasi sthitaḥ || 34 ||
[Analyze grammar]

jābāliruvāca |
yadi tuṣṭo'si deveśa yadi deyo varo mama |
mama pratijñā deveśa hyādityeśvaradarśane || 35 ||
[Analyze grammar]

kṛtā tāṃ pārituṃ deva na śakto vyādhinā vṛtaḥ |
śuklatīrthe'tra tiṣṭha tvamādityeśvaramūrtidhṛk || 36 ||
[Analyze grammar]

evamukte tu deveśo bahurūpo divākaraḥ |
uttare narmadākūle kṣaṇādeva vyadṛśyata || 37 ||
[Analyze grammar]

tadāprabhṛti bhūpāla taddhi tīrthaṃ pracakṣate |
sarvapāpaharaṃ proktaṃ sarvaduḥkhavināśanam || 38 ||
[Analyze grammar]

yastu saṃvatsaraṃ pūrṇaṃ nityamādityavāsare |
snātvā pradakṣiṇāḥ sapta dattvā paśyati bhāskaram || 39 ||
[Analyze grammar]

yatphalaṃ labhate tena tacchṛṇuṣva mayoditam |
prasuptaṃ maṇḍalānīha dadrukuṣṭhavicarcikāḥ || 40 ||
[Analyze grammar]

naśyanti satvaraṃ rājaṃstūlarāśirivānale |
dhanaputrakalatrāṇāṃ pūrayedvatsaratrayāt || 41 ||
[Analyze grammar]

yastu śrāddhapradastatra pitḥnuddiśya saṃkrame |
tṛpyanti pitarastasya pitṛdevo hi bhāskaraḥ || 42 ||
[Analyze grammar]

iti te kathitaṃ sarvamādityeśvaramuttamam |
sarvapāpaharaṃ divyaṃ sarvarogavināśanam || 43 ||
[Analyze grammar]