Chapter 133

[English text for this chapter is available]

śrīmārkaṇḍeya uvāca |
tato gacchenmahīpāla paraṃ tīrthacatuṣṭayam |
yeṣāṃ darśanamātreṇa sarvapāpakṣayo bhavet || 1 ||
[Analyze grammar]

kauberaṃ vāruṇaṃ yāmyaṃ vāyavyaṃ tu tataḥ param |
yatra siddhā mahāprājñā lokapālā mahābalāḥ || 2 ||
[Analyze grammar]

yudhiṣṭhira uvāca |
kimarthaṃ lokapālaiśca tapaścīrṇaṃ purānagha |
narmadātaṭamāśritya hyetanme vaktumarhasi || 3 ||
[Analyze grammar]

śrīmārkaṇḍeya uvāca |
adhiṣṭhānaṃ samicchanti hyacalaṃ nirbale sati |
saṃsāre sarvabhūtānāṃ tṛṇabinduvadasthire || 4 ||
[Analyze grammar]

kadalīsāraniḥsāre mṛgatṛṣṇeva cañcale |
sthāvare jaṅgame sarve bhūtagrāme caturvidhe || 5 ||
[Analyze grammar]

dharmo mātā pitā dharmo dharmo bandhuḥ suhṛttathā |
ādhāraḥ sarvabhūtānāṃ trailokye sacarācare || 6 ||
[Analyze grammar]

evaṃ jñātvā tu te sarve lokapālāḥ kṛtakṣaṇāḥ |
tapaste cakruratulaṃ mārutāhāratatparāḥ || 7 ||
[Analyze grammar]

tatastuṣṭo mahādevaḥ kṛtasyārddhe gate tadā |
anurūpeṇa rājendra yugasya parameśvaraḥ || 8 ||
[Analyze grammar]

vareṇa chandayāmāsa lokapālānmahābalān |
yo yamicchati kāmaṃ vai taṃ taṃ tasya dadāmyaham || 9 ||
[Analyze grammar]

etacchrutvā vacastasya lokapālā jagaddhitāḥ |
varadaṃ prārthayāmāsurdevaṃ varamanuttamam || 10 ||
[Analyze grammar]

kubera uvāca |
yadi tuṣṭo mahādeva yadi deyo varo mama |
yakṣāṇāmīśvaraścāhaṃ bhavāmi dhanadastviti || 11 ||
[Analyze grammar]

tataḥ provāca deveśaṃ yamaḥ saṃyamane rataḥ |
tatra pradhāno bhagavān bhaveyaṃ sarvajantuṣu || 12 ||
[Analyze grammar]

varuṇo'nantaraṃ prāha praṇamya tu maheśvaram |
krīḍeyaṃ vāruṇe loke yādogaṇasamanvitaḥ || 13 ||
[Analyze grammar]

jagādāśu tato vāyuḥ praṇamya tu maheśvaram |
vyāpakatvaṃ trilokeṣu prārthayāmāsa bhārata || 14 ||
[Analyze grammar]

teṣāṃ yadīpsitaṃ kāmamumayā saha śaṅkaraḥ |
sarveṣāṃ lokapālānaḥ dattvā cādarśanaṃ gataḥ || 15 ||
[Analyze grammar]

gate maheśvare deve yathāsthānaṃ tu te sthitāḥ |
sthāpanā ca kṛtā sarvaiḥ svanāmnaiva pṛthakpṛthak || 16 ||
[Analyze grammar]

kuberaśca kubereśaṃ yamaścaiva yameśvaram |
varuṇo varuṇeśaṃ tu vāto vāteśvaraṃ nṛpa || 17 ||
[Analyze grammar]

tarpaṇaṃ vidadhuḥ sarve mantraiśca vividhaiḥ śubhaiḥ |
sarve sarveśvaraṃ deva pūjayitvā yathāvidhi || 18 ||
[Analyze grammar]

āhvayāmāsustān viprānsarve sarveśvarā iva |
kṣāntadāntajitakrodhānsarvabhūtābhayapradān || 19 ||
[Analyze grammar]

vedavidyāvratasnātān sarvaśāstraviśāradān |
ṛgyajuḥsāmasaṃyuktāṃstathātharvavibhūṣitān || 20 ||
[Analyze grammar]

cāturvidhyaṃ tu sarveṣāṃ dānaṃ dāsyāma gṛhṇata |
evamuktvā tu sarveṣāṃ viprāṇāṃ dānamuttamam || 21 ||
[Analyze grammar]

tatra sthāne dadusteṣāṃ bhūmidānamanuttamam |
yāvaccandraśca sūryaśca yāvattiṣṭhati medinī || 22 ||
[Analyze grammar]

tāvaddānaṃ tu yuṣmākaṃ paripanthī na kaścana |
rājā vā rājatulyo vā lokapālairanuttamam || 23 ||
[Analyze grammar]

dattaṃ lopayate mūḍhaḥ śrūyatāṃ tasya yo vidhiḥ |
śoṣayeddhanado vittaṃ tasya pāpasya bhārata || 24 ||
[Analyze grammar]

śarīraṃ varuṇo devaḥ saṃtatīṃ śvasanastathā |
āyurnayati tasyāśu yamaḥ saṃyamano mahān || 25 ||
[Analyze grammar]

niḥśeṣaṃ bhasmasātkṛtvā hutabhugyāti bhārata |
tasmātsarvaprayatnena brāhmaṇebhyo yudhiṣṭhira |
bhaktiḥ kāryā nṛpaiḥ sarvairicchadbhiḥ śreya ātmanaḥ || 26 ||
[Analyze grammar]

rājā vṛkṣo brāhmaṇāstasya mūlaṃ bhṛtyāḥ parṇā mantriṇastasya śākhāḥ |
tasmānmūlaṃ yatnato rakṣaṇīyaṃ mūle gupte nāsti vṛkṣasya nāśaḥ || 27 ||
[Analyze grammar]

ṣaṣṭivarṣasahasrāṇi svarge tiṣṭhati bhūmidaḥ |
ācchettā cāvamantā ca tānyeva narake vaset || 28 ||
[Analyze grammar]

svadattā paradattā vā pālanīyā vasuṃdharā |
yasya yasya yadā bhūmistasya tasya tadā phalam || 29 ||
[Analyze grammar]

devatājñāmanusmṛtya rājāno ye'pi tāṃ nṛpa |
pālayiṣyanti satataṃ teṣāṃ vāsastriviṣṭape || 30 ||
[Analyze grammar]

svadattā paradattā vā yatnādrakṣyā yudhiṣṭhira |
mahī mahīkṣitā nityaṃ dānācchreyo'nupālanam || 31 ||
[Analyze grammar]

āyuryaśo balaṃ vittaṃ saṃtatiścākṣayā nṛpa |
teṣāṃ bhaviṣyate nūnaṃ ye prajāpālane ratāḥ || 32 ||
[Analyze grammar]

evamuktvā tu tān sarvāṃllokapālān dvijottamān |
pūjayitvā vidhānena praṇipatya vyasarjayan || 33 ||
[Analyze grammar]

gateṣu vipramukhyeṣu snātvā hutahutāśanāḥ |
lokapālāḥ kṣudhāviṣṭāḥ paryaṭanbhaikṣamātmanaḥ || 34 ||
[Analyze grammar]

asthicarmāvaśeṣāṅgāḥ kapāloddhṛtapāṇayaḥ |
alabdhagrāsamarddhārdhaṃ niryayurnagarādbahiḥ || 35 ||
[Analyze grammar]

śāpaṃ dattvā tadā krodhādbrāhmaṇāya yudhiṣṭhira |
daridrāḥ satataṃ mūrkhā bhaveyuśca yayurgṛhān || 36 ||
[Analyze grammar]

tadāprabhṛti te sarve brāhmaṇā dhanavarjitāḥ |
śāpadoṣeṇa kauberyāṃ saṃjātā duḥkhabhājanāḥ || 37 ||
[Analyze grammar]

na dhanaṃ paitṛkaṃ putrairna pitā putrapautrikam |
bhuñjate sakalaṃ kālamityevaṃ śaṅkaro'bravīt || 38 ||
[Analyze grammar]

kubereśe naraḥ snātvā yastu pūjayate śivam |
gandhadhūpanamaskāraiḥ so'śvamedhaphalaṃ labhet || 39 ||
[Analyze grammar]

yamatīrthe tu yaḥ snātvā sampaśyati yameśvaram |
sarvapāpaiḥ pramucyeta saptajanmāntarārjitaiḥ || 40 ||
[Analyze grammar]

pūrṇamāsyāmamāvāsyāṃ snātvā tu pitṛtarpaṇam |
yaḥ karoti tilaiḥ snānaṃ tasya puṇyaphalaṃ śṛṇu || 41 ||
[Analyze grammar]

sutṛptāstena toyena pitaraśca pitāmahāḥ |
svargasthā dvādaśābdāni krīḍanti prapitāmahāḥ || 42 ||
[Analyze grammar]

varuṇeśe naraḥ snātvā hyarcayitvā maheśvaram |
vājapeyasya yajñasya phalaṃ prāpnoti puṣkalam || 43 ||
[Analyze grammar]

mṛtāṃ kālena mahatā loke yatra jaleśvaraḥ |
sa gacchettatra yānena gīyamāno'psarogaṇaiḥ || 44 ||
[Analyze grammar]

vāteśvare naraḥ snātvā sampūjya ca maheśvaram |
jāyate kṛtakṛtyo'sau lokapālānavekṣayan || 45 ||
[Analyze grammar]

kiṃ tasya bahubhiryajñairdānairvā bahudakṣiṇaiḥ |
snātvā catuṣṭaye loke avāptaṃ janmanaḥ phalam || 46 ||
[Analyze grammar]

te dhanyāste mahātmānasteṣāṃ janma sujīvitam |
nityaṃ vasanti kaurilyāṃ lokapālānnimantrya ye || 47 ||
[Analyze grammar]

etatpuṇyaṃ pāpaharaṃ dhanyamāyurvivardhanam |
paṭhatāṃ śṛṇvatāṃ caiva sarvapāpakṣayo bhavet || 48 ||
[Analyze grammar]