Chapter 121

[English text for this chapter is available]

| adhyāya || 121 ||
[Analyze grammar]

mārkaṇḍeya uvāca |
tato gacchenmahīpāla candrahāsamataḥ param |
yatra siddhiṃ parāṃ prāptaḥ somarājaḥ surottamaḥ || 1 ||
[Analyze grammar]

yudhiṣṭhira uvāca |
kathaṃ siddhiṃ parāṃ prāptaḥ somanātho jagatpatiḥ |
tatsarvaṃ śrotumicchāmi kathayasva mamānagha || 2 ||
[Analyze grammar]

śrīmārkaṇḍeya uvāca |
purā śapto munīndreṇa dakṣeṇa kila bhārata |
asevanāddhi dārāṇāṃ kṣayarogī bhaviṣyasi || 3 ||
[Analyze grammar]

udvāhitānāṃ patnīnāṃ ye na kurvanti sevanam |
yā niṣṭhā jāyate nṛṇāṃ tāṃ śṛṇuṣva narādhipa || 4 ||
[Analyze grammar]

ṛtāvṛtau hi nārīṇāṃ sevanājjāyate sutaḥ |
sutātsvargaśca mokṣaśca ityevaṃ śrutibhāṣitam || 5 ||
[Analyze grammar]

tatkālocitadharmeṇa veṣṭito raurave patet |
tasyāstadrudhiraṃ pāpaḥ pibate kālamīpsitam || 6 ||
[Analyze grammar]

tato'vatīrṇaḥ kālena yāṃ yāṃ yoniṃ prayāsyati |
tasyāṃ tasyāṃ sa duṣṭātmā durbhago jāyate sadā || 7 ||
[Analyze grammar]

nārīṇāṃ tu sadā kāmo'bhyadhikāḥ parivartate |
viśeṣeṇa ṛtau kāle pīḍyate kāmasāyakaiḥ || 8 ||
[Analyze grammar]

paribhūtā hitā bhartrā dhyāyante'nyaṃ patiṃ striyaḥ |
tataḥ putraḥ samutpanno hyaṭate kulamuttamam || 9 ||
[Analyze grammar]

svargasthāstena pitaraḥ pūrvajāste pitāmahāḥ |
patanti jātamātreṇa kulaṭastena cocyate || 10 ||
[Analyze grammar]

tena karmavipākena kṣayarogyabhavacchaśī |
tyaktvā lokaṃ surendrāṇāṃ martyalokamupāgataḥ || 11 ||
[Analyze grammar]

tatastīrthānyanekāni puṇyānyāyatanāni ca |
bhramanvai narmadāṃ prāptaḥ sarvapāpapraṇāśanīm || 12 ||
[Analyze grammar]

upavāsaṃ ca dānāni vratāni niyamāṃstathā |
cacāra dvādaśābdāni tato muktaḥ sa kilbiṣaiḥ || 13 ||
[Analyze grammar]

snāpayitvā mahādevaṃ sarvapātakanāśanam |
jagāma prabhayā pūrṇaḥ sa ca lokamanuttamam || 14 ||
[Analyze grammar]

yenaiva sthāpito devaḥ pūjyate varṣasaṃkhyayā |
tāvadvarṣasahasrāṇi rudraloke sa pūjyate || 15 ||
[Analyze grammar]

tena devānvidhānoktānsthāpayanti narā bhuvi |
akṣayaṃ cāvyayaṃ yasmātkālaṃ bhuñjanti mānavāḥ || 16 ||
[Analyze grammar]

somatīrthe naraḥ snātvā pūjayeddevamīśvaram |
sa bhrājate naro loke somavatpriyadarśanaḥ || 17 ||
[Analyze grammar]

candrahāse tu yo gatvā grahaṇe candrasūryayoḥ |
snānaṃ samācaredbhaktyā mucyate sarvakilbiṣaiḥ || 18 ||
[Analyze grammar]

tatra snānaṃ ca dānaṃ ca candrahāse śubhāśubham |
kṛtaṃ nṛpavaraśreṣṭha sarvaṃ bhavati cākṣayam || 19 ||
[Analyze grammar]

te dhanyāste mahātmānasteṣāṃ janma sujīvitam |
candrahāse tu ye snātvā paśyanti grahaṇaṃ narāḥ || 20 ||
[Analyze grammar]

vācikaṃ mānasaṃ pāpaṃ karmajaṃ yatpurākṛtam |
snānamātreṇa rājendra tatra tīrthe praṇaśyati || 21 ||
[Analyze grammar]

bahavastaṃ na jānanti mahāmohasamanvitāḥ |
dehasthamiva sarveṣāṃ paramānandarūpiṇam || 22 ||
[Analyze grammar]

paścime sāgare gatvā somatīrthe tu yatphalam |
tatsamagramavāpnoti candrahāse na saṃśayaḥ || 23 ||
[Analyze grammar]

saṃkrāntau ca vyatīpāte ayane viṣuve tathā |
candrahāse naraḥ snātvā sarvapāpaiḥ pramucyate || 24 ||
[Analyze grammar]

te mūḍhāste durācārāsteṣāṃ janma nirarthakam |
candrahāsaṃ na jānanti ye revāyāṃ vyavasthitam || 25 ||
[Analyze grammar]

candrahāse tu yaḥ kaścitsaṃnyāsaṃ kurute dvijaḥ |
anivartikā gatistasya somalokānna saṃśayaḥ || 26 ||
[Analyze grammar]