Chapter 120

[English text for this chapter is available]

| adhyāya || 120 ||
[Analyze grammar]

śrīmārkaṇḍeya uvāca |
ataḥ paraṃ pravakṣyāmi kambukeśvaramuttamam |
hiraṇyakaśipurdaityo dānavo baladarpitaḥ || 1 ||
[Analyze grammar]

avadhyaḥ sarvalokānāṃ triṣu lokeṣu viśrutaḥ |
tasya putro mahātejāḥ prahlādo nāma nāmataḥ || 2 ||
[Analyze grammar]

viṣṇuprasādādbhaktyā ca tasya rājye pratiṣṭhitaḥ |
virocanastasya sutastasyāpi balireva ca || 3 ||
[Analyze grammar]

baliputro'bhavadbāṇastasmādapi ca śambaraḥ |
śambarasyānvaye jātaḥ kamburnāma mahāsuraḥ || 4 ||
[Analyze grammar]

jñātvā viṣṇumayaṃ ghoraṃ mahadbhayamupasthitam |
dānavānāṃ vināśāya nānyo hetuḥ kadācana || 5 ||
[Analyze grammar]

sa tyaktvā putradārāṃśca suhṛdbandhuparigrahān |
cacāra maunamāsthāya tapaḥ kamburmahāmatiḥ || 6 ||
[Analyze grammar]

akṣasūtrakaro bhūtvā daṇḍī muṇḍī ca mekhalī |
śākayāvakabhakṣaśca valkalājinasaṃvṛtaḥ || 7 ||
[Analyze grammar]

snātvā nityaṃ dhṛtiparo narmadājalamāśritaḥ |
pūjayaṃstu mahādevamarbudaṃ varṣasaṃkhyayā || 8 ||
[Analyze grammar]

tatastutoṣa bhagavāndevadevo maheśvaraḥ |
uvāca dānavaṃ kāle meghagambhīrayā girā || 9 ||
[Analyze grammar]

bhobhoḥ kambo mahābhāga tuṣṭo'haṃ tava suvrata |
iṣṭaṃ vratānāṃ paramaṃ maunaṃ sarvārthasādhanam || 10 ||
[Analyze grammar]

caritaṃ ca tvayā loke devadānavaduścaram |
varaṃ vṛṇīṣva bhadraṃ te yatte manasi rocate || 11 ||
[Analyze grammar]

kamburuvāca |
yadi prasanno deveśa yadi deyo varo mama |
akṣayyaścāvyayaścaiva svecchayā vicarāmyaham || 12 ||
[Analyze grammar]

daityadānavasaṅghānāṃ saṃyugeṣvapalāyitā |
bhayaṃ cānyanna vidyeta muktvā devaṃ gadādharam || 13 ||
[Analyze grammar]

tasyāhaṃ saṃyuge sādhyo yenopāyena śaṅkara |
bhavāmi na sadā kālaṃ taṃ vadasva varaṃ mama || 14 ||
[Analyze grammar]

īśvara uvāca |
mama saṃnihito yatra tvaṃ bhaviṣyasi dānava |
tatra viṣṇubhayaṃ nāsti vasātra vigatajvaraḥ || 15 ||
[Analyze grammar]

tasya devādhidevasya vedagarbhasya saṃyuge |
śaṅkhacakradharasyeśā nāhaṃ sarve surāsurāḥ || 16 ||
[Analyze grammar]

kiṃ punaryo dviṣatyenaṃ lokālokaprabhuṃ harim |
sa sukhī vartate kālaṃ na nimeṣaṃ mataṃ mama || 17 ||
[Analyze grammar]

tasmāttvaṃ parayā bhaktyā sarvabhūtahite rataḥ |
vasiṣyasi ciraṃ kālamityuktvādarśanaṃ gataḥ || 18 ||
[Analyze grammar]

gate cādarśanaṃ deve tatra tīrthe mahāmatiḥ |
sthāpayāmāsa deveśaṃ śivaṃ śāntamanāmayam || 19 ||
[Analyze grammar]

tasmiṃstīrthe mahādevaṃ sthāpayitvā divaṃ gataḥ |
tadāprabhṛti tatpārtha kambutīrthamiti śrutam |
vikhyātaṃ sarvalokeṣu mahāpātakanāśanam || 20 ||
[Analyze grammar]

kambutīrthe naraḥ snātvā vidhinābhyarcya bhāskaram |
ṛgyajuḥsāmamantraiśca stūyamāno nṛpottama || 21 ||
[Analyze grammar]

tasya puṇyaṃ samuddiṣṭaṃ brāhmaṇairvedapāragaiḥ |
tatsarvaṃ tu śṛṇuṣvādya mamaiva gadato nṛpa || 22 ||
[Analyze grammar]

ṛgyajuḥsāmagīteṣu sāṅgopāṅgeṣu yatphalam |
tatphalaṃ samavāpnoti gāyatrīmātramantravit || 23 ||
[Analyze grammar]

tatra tīrthe tu yaḥ snātvā tarpayetpitṛdevatāḥ |
pūjayeddevamīśānaṃ so'gniṣṭomaphalaṃ labhet || 24 ||
[Analyze grammar]

akāmo vā sakāmo vā tatra tīrthe kalevaram |
yastyajennātra sandeho rudralokaṃ sa gacchati || 25 ||
[Analyze grammar]