Chapter 122

[English text for this chapter is available]

| adhyāya || 122 ||
[Analyze grammar]

śrīmārkaṇḍeya uvāca |
tato gacchenmahīpāla kohanasveti viśrutam |
sarvapāpaharaṃ puṇyaṃ tīrthaṃ mṛtyuvināśanam || 1 ||
[Analyze grammar]

purā tatra dvijaḥ kaścidvedavedāṅgapāragaḥ |
patnīputrasuhṛdvargaiḥ svakarmanirato'vasat || 2 ||
[Analyze grammar]

yudhiṣṭhira uvāca |
brāhmaṇasya tu yatkarma utpattiḥ kṣatriyasya tu |
vaiśyasyāpi ca śūdrasya tatsarvaṃ kathayasva me || 3 ||
[Analyze grammar]

dharmasyārhasya kāmasya mokṣasya ca paraṃ vidhim |
nikhilaṃ jñātumicchāmi nānyo vettā matirmama || 4 ||
[Analyze grammar]

mārkaṇḍeya uvāca |
utpattikāraṇaṃ brahmā devadevaḥ prakīrtitaḥ |
prathamaṃ sarvabhūtānāṃ carācarajagadguruḥ || 5 ||
[Analyze grammar]

dvijātayo mukhājjātāḥ kṣatriyā bāhuyantrataḥ |
ūrupradeśādvaiśyāstu śūdrāḥ pādeṣvathābhavan || 6 ||
[Analyze grammar]

tatastvanye pṛthagvarṇāḥ pṛthagdharmān samācaran |
paryāyeṇa samutpannā hyanulomavilomataḥ || 7 ||
[Analyze grammar]

teṣāṃ dharmaṃ pravakṣyāmi śrutismṛtyarthacoditam |
yena samyakkṛtenaiva sarve yānti parāṃ gatim || 8 ||
[Analyze grammar]

gatirdhyānaṃ vinā bhaktairbrāhmaṇaiḥ prāpyate nṛpa |
adhyāpayanyato vedānvedaṃ vāpi yathāvidhi || 9 ||
[Analyze grammar]

kulajāṃ rūpasampannāṃ sarvalakṣaṇalakṣitām |
udvāhayettataḥ patnīṃ guruṇānumate tadā || 10 ||
[Analyze grammar]

tataḥ smārtaṃ vivāhāgniṃ śrautaṃ vā pūjayetkramāt |
pratigrahadhano bhūtvā dambhalobhavivarjitaḥ || 11 ||
[Analyze grammar]

pañcayajñavidhānāni kārayedvai yathāvidhi |
vanaṃ gacchettataḥ paścāddvitīyāśramasevanāt || 12 ||
[Analyze grammar]

putreṣu bhāryāṃ nikṣipya sarvasaṅgavivarjitaḥ |
iṣṭāṃllokānavāpnoti na ceha jāyate punaḥ || 13 ||
[Analyze grammar]

kṣatriyastu sthito rājye pālayitvā vasuṃdharām |
śaśvaddharmamanāścaiva prāpnoti paramāṃ gatim || 14 ||
[Analyze grammar]

vaiśyadharmo na sandehaḥ kṛṣigorakṣaṇe rataḥ |
satyaśaucasamopeto gacchate svargamuttamam || 15 ||
[Analyze grammar]

na śūdrasya pṛthagdharmo vihitaḥ parameṣṭhinā |
na mantro na ca saṃskāro na vidyāparisevanam || 16 ||
[Analyze grammar]

na śabdavidyāsamayo devatābhyarcanāni ca |
yathā jātena satataṃ vartitavyamaharniśam || 17 ||
[Analyze grammar]

sa dharmaḥ sarvavarṇānāṃ purā sṛṣṭaḥ svayambhuvā |
mantrasaṃskārasampannāstrayo varṇā dvijātayaḥ || 18 ||
[Analyze grammar]

teṣāṃ matamanādṛtya yadi varteta kāmataḥ |
sa mṛto jāyate śvā vai gatirūrdhvā na vidyate || 19 ||
[Analyze grammar]

na teṣāṃ preṣaṇaṃ nityaṃ teṣāṃ matamanusmaran |
yaśobhāgī svadharmasthaḥ svargabhāgī sa jāyate || 20 ||
[Analyze grammar]

evaṃ guṇagaṇākīrṇo'vasadvipraḥ sa bhārata |
hanasveti hanasveti śṛṇoti vākyamīdṛśam || 21 ||
[Analyze grammar]

tato nirīkṣate cordhvamadhaścaiva diśo daśa |
vepamānaḥ sa bhītaśca praskhalaṃśca pade pade || 22 ||
[Analyze grammar]

śṛṅkhalāyudhahastaiśca pāśaiścaiva sudāruṇaiḥ |
veṣṭitaṃ mahiṣārūḍhaṃ naraṃ paśyati manmukham || 23 ||
[Analyze grammar]

kṛṣṇāṃjanacayaprakhyaṃ kṛṣṇāmbaravibhūṣitam |
raktākṣamāyatabhujaṃ sarvalakṣaṇalakṣitam || 24 ||
[Analyze grammar]

dṛṣṭvā taṃ tu samāyāntaṃ nirīkṣyātmānamātmanā |
japañjāpyaṃ ca paramaṃ śatarudrīyasaṃstavam || 25 ||
[Analyze grammar]

tataḥ provāca bhagavānyamaḥ saṃyamano mahān |
śṛṇu vākyamato brahmanyamo'haṃ sarvajantuṣu || 26 ||
[Analyze grammar]

saṃharasva mahābhāga rudrajāpyaṃ sudurbhidam |
yenāhaṃ kālapāśaistvāṃ saṃyamāmi gatavyathaḥ || 27 ||
[Analyze grammar]

tacchrutvā niṣṭhuraṃ vākyaṃ yamasya mukhanirgatam |
mahābhayasamopeto brāhmaṇaḥ prapalāyitaḥ || 28 ||
[Analyze grammar]

tasya mārge gatāḥ sarve yamena saha kiṃkarāḥ |
tiṣṭha tiṣṭheti taṃ vipramūcuste so'pyadhāvata || 29 ||
[Analyze grammar]

tvaramāṇaḥ pariśrānto hā hato'haṃ durātmabhiḥ |
rakṣa rakṣa mahādeva śaraṇāgatavatsala || 30 ||
[Analyze grammar]

evamuktvāpatadbhūmau liṅgamāliṅgya bhārata |
gatasattvaḥ sa viprendraḥ samāśritya sureśvaram || 31 ||
[Analyze grammar]

taṃ dṛṣṭvā patitaṃ bhūmau devadevo maheśvaraḥ |
ko haniṣyati mābhaistvaṃ huṅkāramakarottadā || 32 ||
[Analyze grammar]

tena te kiṃkarāḥ sarve yamena saha bhārata |
huṅkāreṇa gatāḥ sarve meghā vātahatā yathā || 33 ||
[Analyze grammar]

tadāprabhṛti tattīrthaṃ kohanasveti viśrutam |
sarvapāpaharaṃ puṇyaṃ sarvatīrtheṣvanuttamam || 34 ||
[Analyze grammar]

tatra tīrthe tu yaḥ snātvā pūjayetparameśvaram |
agniṣṭomasya yajñasya phalamāpnotyanuttamam || 35 ||
[Analyze grammar]

tatra tīrthe tu rājendra prāṇatyāgaṃ karoti yaḥ |
na paśyati yamaṃ devamityevaṃ śaṅkaro'bravīt || 36 ||
[Analyze grammar]

agnipraveśaṃ yaḥ kuryājjale vā nṛpasattama |
agniloke vasettāvadyāvatkalpaśatatrayam || 37 ||
[Analyze grammar]

evaṃ varuṇaloke'pi vasitvā kālamīpsitam |
iha lokamanuprāpto mahādhanapatirbhavet || 38 ||
[Analyze grammar]