Chapter 98

[English text for this chapter is available]

śrīmārkaṇḍeya uvāca |
tato gacchettu rājendra prabhāseśvaramuttamam |
vikhyātaṃ triṣu lokeṣu svargasopānamuttamam || 1 ||
[Analyze grammar]

yudhiṣṭhira uvāca |
prabhāsaṃ tāta me brūhi kathaṃ jātaṃ mahāphalam |
svargasopānadaṃ dṛśyaṃ saṃkṣepātkathayasva me || 2 ||
[Analyze grammar]

śrīmārkaṇḍeya uvāca |
durbhagā ravipatnī ca prabhānāmeti viśrutā |
tayā cārādhitaḥ śambhurugreṇa tapasā purā || 3 ||
[Analyze grammar]

vāyubhakṣā sthitā varṣaṃ varṣaṃ dhyānaparāyaṇā |
tatastuṣṭo mahādevaḥ prabhāyāḥ pāṇḍunandana || 4 ||
[Analyze grammar]

īśvara uvāca |
kasmātsaṃkliśyase bāle kathyatāṃ yadvivakṣitam |
ahaṃ hi bhāskaro'pyeko nānātvaṃ naiva vidyate || 5 ||
[Analyze grammar]

prabhovāca |
nānyo devaḥ striyaḥ śambho vinā bhartrā kvacitprabho |
saguṇo nirguṇo vāpi dhanāḍhyo vāpyakiṃcanaḥ || 6 ||
[Analyze grammar]

priyo vā yadi vā dveṣyaḥ strīṇāṃ bhartaiva daivatam |
durbhagatvena dagdhāhaṃ sakhīmadhye sureśvara |
bharttaryallabdhasaukhyāsmi tena kliśyāmyahaṃ bhṛśam || 7 ||
[Analyze grammar]

īśvara uvāca |
vallabhā bhāskarasyaiva matprasādādbhaviṣyasi || 8 ||
[Analyze grammar]

pārvatyuvāca |
apramāṇaṃ bhavadvākyaṃ bhāskaro'pi kariṣyati |
vṛthā kleśo bhavedasyāḥ prabhāyāḥ parameśvara || 9 ||
[Analyze grammar]

umāvākyānmaheśānadhyātastimiranāśanaḥ |
āgato gaganādbhānurnarmadottararodhasi || 10 ||
[Analyze grammar]

bhānuruvāca |
āhūto'smi kathaṃ deva hyaghāsuraniṣūdana || 11 ||
[Analyze grammar]

īśvara uvāca |
prabhāṃ pālaya bho bhāno saṃtoṣeṇa pareṇa hi || 12 ||
[Analyze grammar]

umovāca |
prabhāyā mandire nityaṃ sthīyatāṃ himanāśana |
agrapatnī samastānāṃ bhāryāṇāṃ kriyatāṃ rave || 13 ||
[Analyze grammar]

bhānuruvāca |
evaṃ devi kariṣyāmi tava vākyaṃ varānane |
etacchrutvā prabhāhūtā pratyuvāca maheśvaram || 14 ||
[Analyze grammar]

prabhovāca |
svāṃśena sthīyatāṃ deva manmathāre umāpate |
ekāṃśaḥ sthāpyatāmatra tīrthasyonmīlanāya ca || 15 ||
[Analyze grammar]

śrīmārkaṇḍeya uvāca |
sarvadevamayaṃ liṅgaṃ sthāpitaṃ tatra pāṇḍava |
prabhāseśa iti khyātaṃ sarvalokeṣu durlabham || 16 ||
[Analyze grammar]

anyāni yāni tīrthāni kāle tāni phalanti vai |
prabhāseśastu rājendra sadyaḥ kāmaphalapradaḥ || 17 ||
[Analyze grammar]

māghamāse site pakṣe saptamyāṃ ca viśeṣataḥ |
aśvaṃ yaḥ sparśayettatra yathoktabrāhmaṇe nṛpa || 18 ||
[Analyze grammar]

indratvaṃ prāpyate tena bhāskarasyāthavā padam |
snātvā paramayā bhaktyā dānaṃ dadyāddvijātaye || 19 ||
[Analyze grammar]

gopradātā labhetsvargaṃ satyalokaṃ vareśvara |
sarvāṅgasundarīṃ śubhrāṃ kṣīriṇīṃ taruṇīṃ śubhām || 20 ||
[Analyze grammar]

savatsāṃ ghaṇṭāsaṃyuktāṃ kāṃsyapātrāvadohinīm |
dadate ye nṛpaśreṣṭha na te yānti yamālayam || 21 ||
[Analyze grammar]

atha yaḥ parayā bhaktyā snānaṃ devasya kārayet |
sa prāpnoti paraṃ lokaṃ yāvadābhūtasamplavam || 22 ||
[Analyze grammar]

daurbhāgyaṃ nāśamāyāti snānamātreṇa pāṇḍava |
tatra tīrthe tu yo bhaktyā kanyādānaṃ prayacchati || 23 ||
[Analyze grammar]

brāhmaṇāya vivāhena dāpayetpāṇḍunandana |
samānavayase deyā kulaśīladhanaistathā || 24 ||
[Analyze grammar]

ye dadante mahārāja hyapi pātakasaṃyutāḥ |
teṣāṃ pāpāni līyante hyudake lavaṇaṃ yathā || 25 ||
[Analyze grammar]

svāmidrohakṛtaṃ pāpaṃ nikṣepasyāpahāriṇi |
mitraghne ca kṛtaghne ca kūṭasākṣyasamudbhavam || 26 ||
[Analyze grammar]

tadgrāmodyānabhedotthaṃ paradāraniṣevaṇam |
vārddhuṣikasya yatpāpaṃ yatpāpaṃ steyasambhavam || 27 ||
[Analyze grammar]

kūpabhedodbhavaṃ yacca baiḍālavratadhāriṇaḥ |
dāmbhikaṃ vṛkṣacchedotthaṃ vivāhasya niṣedhajam || 28 ||
[Analyze grammar]

ārāmasthatarucchedamagamyāgamanodbhavam |
svabhāryātyajane yacca parabhāryāsamīhanāt || 29 ||
[Analyze grammar]

brahmasvaharaṇe yacca garade govighātini |
vidyāvikrayaṇotthaṃ ca saṃsargādyacca pātakam || 30 ||
[Analyze grammar]

śvabiḍālavadhādghoraṃ sarpaśūdrodbhavaṃ tathā |
bhūmihartuśca yatpāpaṃ bhūmihāriṇi caiva hi || 31 ||
[Analyze grammar]

mā dadasveti yatpāpaṃ govahnibrāhmaṇeṣu ca |
tatpāpaṃ yāti vilayaṃ kanyādānena pāṇḍava || 32 ||
[Analyze grammar]

sa gatvā bhāskaraṃ lokaṃ rudraloke śubhe vrajet |
krīḍate rudralokastho yāvadindrāścaturdaśa || 33 ||
[Analyze grammar]

sarvapāpakṣaye jāte śive bhavati bhāvanā |
etadvrajati yastīrthaṃ prabhāsaṃ pāṇḍunandana || 34 ||
[Analyze grammar]

sarvatīrthaphalaṃ prāpya so'śvamedhaphalaṃ labhet |
gopradānaṃ mahāpuṇyaṃ sarvapāpakṣayaṃ param |
praśastaṃ sarvakālaṃ hi caturdaśyāṃ viśeṣataḥ || 35 ||
[Analyze grammar]