Chapter 49

[English text for this chapter is available]

| adhyāya || 49 ||
[Analyze grammar]

mārkaṇḍeya uvāca |
andhakaṃ tu nihatyātha devadevo maheśvaraḥ |
umayā sahito rudraḥ kailāsamagamannagam || 1 ||
[Analyze grammar]

āgatāśca tato devā brahmādyāśca savāsavāḥ |
hṛṣṭāstuṣṭāśca te sarve praṇemuḥ pārvatīpatim || 2 ||
[Analyze grammar]

īśvara uvāca |
upāviśantu te sarve ye kecana samāgatāḥ |
nihato dānavo hyeṣa gīrvāṇārthe pitāmaha || 3 ||
[Analyze grammar]

raktena tasya me śūlaṃ nirmalaṃ naiva jāyate |
śubhavratatapojapyarato brahmanmayā hataḥ || 4 ||
[Analyze grammar]

kartumicchāmyahaṃ samyaktīrthayānaṃ caturmukha |
āgacchantu mayā sārddhaṃ ye yūyamiha saṃgatāḥ || 5 ||
[Analyze grammar]

ityuktvā devadeveśaḥ prabhāsaṃ pratiniryayau |
prabhāsādyāni tīrthāni gaṅgāsāgaramadhyataḥ || 6 ||
[Analyze grammar]

avagāhyāpi sarvāṇi nairmalyaṃ nābhavannṛpa |
narmadāyāṃ tato gatvā devo devaiḥ samanvitaḥ || 7 ||
[Analyze grammar]

uttaraṃ dakṣiṇaṃ kūlamavāgāhatpriyavrataḥ |
gatastu dakṣiṇe kūle parvate bhṛgusaṃjñitam || 8 ||
[Analyze grammar]

tatra sthitvā mahādevo devaiḥ saha mahīpate |
bhrāntvā bhrāntvā ciraṃ śrānto nirviṇṇo niṣasāda ha || 9 ||
[Analyze grammar]

manohāri yataḥ sthānaṃ sarveṣāṃ vai divaukasām |
tīrthaṃ viśiṣṭaṃ tanmatvā sthito devo maheśvaraḥ || 10 ||
[Analyze grammar]

giriṃ vivyādha śūlena bhinnaṃ tena rasātalam |
nirmalaṃ cābhavacchūlaṃ na lepo dṛśyate kvacit || 11 ||
[Analyze grammar]

devairāhvānitā tatra mahāpuṇyā ca bhāratī |
parvatānniḥsṛtā tatra mahāpuṇyā sarasvatī || 12 ||
[Analyze grammar]

dvitīyaḥ saṅgamastatra yathā veṇyāṃ sitāsitaḥ |
tatra brahmā svayaṃ devo brahmeśaṃ liṅgamuttamam || 13 ||
[Analyze grammar]

saṃsthāpayāmāsa puṇyaṃ sarvaduḥkhaghnamuttamam |
tasya yāmye diśo bhāge svayaṃ devo janārdanaḥ || 14 ||
[Analyze grammar]

tiṣṭhate ca sadā tatra viṣṇupādāgrasaṃsthitā |
ambhaso na bhavenmārgaḥ kuṇḍamadhyasthitasya ca || 15 ||
[Analyze grammar]

śūlāgreṇa kṛtā rekhā tatastoyaṃ vahennṛpa |
tattoyaṃ ca gataṃ tatra yatra revā mahānadī || 16 ||
[Analyze grammar]

jalaliṅgaṃ mahāpuṇyaṃ cakatīrthaṃ nṛpottama |
śūlabhede ca deveśaḥ snānaṃ kuryādyathāvidhi || 17 ||
[Analyze grammar]

ātmānaṃ manyate śuddhaṃ na kiṃcitkalmaṣaṃ kṛtam |
tasyaivottarakāṣṭhāyāṃ devadevo jagadguruḥ || 18 ||
[Analyze grammar]

ātmanā devadeveśaḥ śūlapāṇiḥ pratiṣṭhitaḥ |
sarvatīrtheṣu tattīrthaṃ sarvadevamayaṃ param || 19 ||
[Analyze grammar]

sarvapāpaharaṃ puṇyaṃ sarvaduḥkhaghnamuttamam |
tatra tīrthe pratiṣṭhāpya devadevaṃ jagadguruḥ || 20 ||
[Analyze grammar]

rakṣāpālāṃstato muktvā śataṃ sāṣṭavināyakān |
kṣetrapālāḥ śataṃ sāṣṭaṃ tadrakṣanti prayatnataḥ || 21 ||
[Analyze grammar]

vighnāstasyopajāyante yastatra sthātumicchati |
kecitkuṭumbāttatāsu vyāgrāḥ kecitkṛṣīṣu ca || 22 ||
[Analyze grammar]

kecitsabhāṃ prakurvanti keciddravyārjane ratāḥ |
parokṣavādaṃ kurvanti ke'pi hiṃsāratāḥ sadā || 23 ||
[Analyze grammar]

paradāraratāḥ kecitkecidvṛttivihiṃsakāḥ |
anye kecidvadantyevaṃ kathaṃ tīrtheṣu gamyate || 24 ||
[Analyze grammar]

kṣudhayā pīḍyate bhāryā putrabhṛtyādayastadā |
mohajāleṣu yojyante evaṃ devagaṇairnarāḥ || 25 ||
[Analyze grammar]

pāpācārāśca ye martyāḥ snānaṃ teṣāṃ na jāyate |
saṃrakṣanti ca tattīrthaṃ devabhṛtyagaṇāḥ sadā || 26 ||
[Analyze grammar]

dhanyāḥ puṇyāśca ye martyāsteṣāṃ snānaṃ prajāyate |
sarasvatyā bhogavatyā devanadyā viśeṣataḥ || 27 ||
[Analyze grammar]

ayaṃ tu saṅgamaḥ puṇyo yathā veṇyāṃ sitāsitaḥ |
dṛṣṭvā tīrthaṃ tu te sarve gīrvāṇā hṛṣṭacetasaḥ || 28 ||
[Analyze grammar]

devasya sannidhau bhūtvā varṇayāmāsuruttamam |
idaṃ tīrthaṃ tu deveśa gayātīrthena te samam || 29 ||
[Analyze grammar]

guhyādguhyatamaṃ tīrthaṃ na bhūtaṃ na bhaviṣyati |
śūlapāṇiḥ samabhyarcya indrādyairapsarogaṇaiḥ || 30 ||
[Analyze grammar]

yakṣakinnaragandharvairdikpālairlokapairapi |
nṛtyagītaistathā stotraiḥ sarvaiścāpi surāsuraiḥ || 31 ||
[Analyze grammar]

pūjyamāno gaṇaiḥ sarvaiḥ siddhairnāgairmaheśvaraḥ |
devena bheditaṃ tatra śūlāgreṇa narādhipa || 32 ||
[Analyze grammar]

tridhā yatrekṣyate'dyāpi hyāvartaḥ surapūritaḥ |
kuṇḍatrayaṃ naravyāghra mahatkalakalānvitam || 33 ||
[Analyze grammar]

sarvapāpakṣayakaraṃ sarvaduḥkhaghnamuttamam |
tatra tīrthe tu yaḥ snāti upavāsaparāyaṇaḥ || 34 ||
[Analyze grammar]

dīkṣāmantravihīno'pi mucyate cābdikādaghāt |
ye punarvidhivatsnānti mantraiḥ pañcabhireva ca || 35 ||
[Analyze grammar]

vedoktaiḥ pañcabhirmantraiḥ sahiraṇyaghaṭaiḥ śubhaiḥ |
akṣarairdaśabhiścaiva ṣaḍbhirvā tribhireva vā || 36 ||
[Analyze grammar]

pṛthagbhūtairdvijātīnāṃ tīrthe kāryaṃ narādhipa |
brahmakṣatraviśāṃ vāpi strīśūdrāṇāṃ tathaiva ca || 37 ||
[Analyze grammar]

puruṣāṇāṃ trayīṃ dhyātvā snānaṃ kuryādyathāvidhi |
daśākṣareṇa mantreṇa ye pibanti jalaṃ narāḥ || 38 ||
[Analyze grammar]

te gacchanti paraṃ lokaṃ yatra devo maheśvaraḥ |
kedāre ca yathā pītaṃ rudrakuṇḍe tathaiva ca || 39 ||
[Analyze grammar]

pañcarephasamāyuktaṃ kṣakāraṃ surapūjitam |
oṅkāreṇa samāyuktametadvedyaṃ prakīrtitam || 40 ||
[Analyze grammar]

yastatra kurute snānaṃ vidhiyukto jitendriyaḥ |
tilamiśreṇa toyena tarpayetpitṛdevatāḥ || 41 ||
[Analyze grammar]

kulānāṃ tārayedviṃśaṃ daśapūrvāndaśāparān |
gayādipañcasthāneṣu yaḥ śrāddhaṃ kurute naraḥ || 42 ||
[Analyze grammar]

sa tatra phalamāpnoti śūlabhede na saṃśayaḥ |
yastatra vidhinā yukto dadyāddānāni bhaktitaḥ || 43 ||
[Analyze grammar]

tudakṣayaṃ phalaṃ tatra sukṛtaṃ duṣkṛtaṃ tathā |
gayāśiro yathā puṇyaṃ pitṛkāryeṣu sarvadā || 44 ||
[Analyze grammar]

śūlabhedaṃ tathā puṇyaṃ snānadānāditarpaṇaiḥ |
bhaktyā dadāti yastatra kāñcanaṃ gāṃ mahīṃ tilān || 45 ||
[Analyze grammar]

āsanopānahau śayyāṃ varāśvān kṣatriyastathā |
vastrayugmaṃ ca dhānyaṃ ca gṛhaṃ pūrṇaṃ prayatnataḥ || 46 ||
[Analyze grammar]

sayoktraṃ lāṅgalaṃ dadyātkṛṣṭāṃ caiva vasuṃdharām |
dānānyetāni yo dadyādbrāhmaṇe vedapārage || 47 ||
[Analyze grammar]

śrotriye kulasampanne śuciṣmati jitendriye |
śrutādhyayanasampanne dambhahīne kriyānvite |
trayodaśāhaḥsvekaikaṃ trayodaśaguṇaṃ bhavet || 48 ||
[Analyze grammar]