Chapter 50

[English text for this chapter is available]

| adhyāya || 50 ||
[Analyze grammar]

uttānapāda uvāca |
dvijāśca kīdṛśāḥ pūjyā apūjyāḥ kīdṛśāḥ smṛtāḥ |
śrāddhe vaivāhike kārye dāne caiva viśeṣataḥ || 1 ||
[Analyze grammar]

yadi śraddhā bhaveddaivayogācchrāddhādike vidhau |
etadākhyāhi me deva kasya dānaṃ na dīyate || 2 ||
[Analyze grammar]

īśvara uvāca |
yathā kāṣṭhamayo hastī yathā carmamayo mṛgaḥ |
brāhmaṇaścānadhīyānastrayaste nāmadhārakāḥ || 3 ||
[Analyze grammar]

yathā ṣaṇḍho'phalaḥ strīṣu yathā gaurgavi cāphalā |
yathā cājñe'phalaṃ dānaṃ tathā vipro'nṛco'phalaḥ || 4 ||
[Analyze grammar]

yathā'nṛṇe bījamuptvā vaptā na labhate phalam |
tathānṛce havirdattvā na dātā labhate phalam || 5 ||
[Analyze grammar]

rogī hīnātiriktāṅgaḥ kāṇaḥ paunarbhavastathā |
avakīrṇī śyāvadantaḥ sarvāśī vṛṣalīpatiḥ || 6 ||
[Analyze grammar]

mitradhrukpiśunaḥ somavikrayī paranindakaḥ |
pitṛmātṛgurutyāgī nityaṃ brāhmaṇanindakaḥ || 7 ||
[Analyze grammar]

śūdrānnaṃ mantrasaṃyuktaṃ yo vipro bhakṣayennṛpa |
so'spṛśyaḥ karmacāṇḍālaḥ spṛṣṭvā snānaṃ samācaret || 8 ||
[Analyze grammar]

kunakhī vṛṣalī steyī vārddhuṣyaḥ kuṇḍagolakau |
mahādānarato yaśca yaścātmahanane rataḥ || 9 ||
[Analyze grammar]

bhṛtakādhyāpakaḥ klībaḥ kanyādūṣyabhiśastakaḥ |
ete viprāḥ sadā tyājyāḥ paribhāvya prayatnataḥ || 10 ||
[Analyze grammar]

pratigrahaṃ gṛhītvā tu vāṇijyaṃ yastu kārayet |
tasya dānaṃ na dātavyaṃ vṛthā bhavati tasya tat || 11 ||
[Analyze grammar]

śrutādhyayanasampannā ye dvijā vṛttatatparāḥ |
teṣāṃ yaddīyate dānaṃ sarvamakṣayatāṃ vrajet || 12 ||
[Analyze grammar]

daridrānbhara bhūpāla mā samṛddhān kadācana |
vyādhitasyauṣadhaṃ pathyaṃ nīrujasya kimauṣadhaiḥ || 13 ||
[Analyze grammar]

uttānapāda uvāca |
kīdṛśo'tha vidhistatra tīrthaśrāddhasya kā kriyā |
dānaṃ ca dīyate yadvattanmamākhyāhi śaṅkara || 14 ||
[Analyze grammar]

īśvara uvāca |
śrāddhaṃ kṛtvā gṛhe bhaktyā śuciścāpi jitendriyaḥ |
guruṃ pradakṣiṇīkṛtya bhojya sīmāntake tataḥ || 15 ||
[Analyze grammar]

vāgyataḥ pravrajettāvadyāvatsīmāṃ na laṅghayet |
śūlabhedaṃ tato gatvā snānaṃ kuryādyathāvidhi || 16 ||
[Analyze grammar]

pañcasthāneṣu ca śrāddhaṃ havyakavyādibhiḥ kramāt |
piṇḍadānaṃ ca yaḥ kuryātpāyasairmadhusarpiṣā || 17 ||
[Analyze grammar]

pitarastasya tṛpyanti dvādaśābdāni pañca ca |
akṣatairbadarairbilvairgudamadhusarpiṣā || 18 ||
[Analyze grammar]

sāpi tatphalamāpnoti tīrthe'sminnātra saṃśayaḥ |
upānahau ca yo dadyādbrāhmaṇebhyaḥ prayatnataḥ || 19 ||
[Analyze grammar]

so'pi svargamavāpnoti hayārūḍho na saṃśayaḥ |
śayyāmaśvaṃ ca yo dadyācchattrikāṃ vā viśeṣataḥ || 20 ||
[Analyze grammar]

gacchedvimānamārūḍhaḥ so'psarovṛndaveṣṭitaḥ |
uttamaṃ yo gṛhaṃ dadyātsaptadhānyasamanvitam || 21 ||
[Analyze grammar]

svecchayā me vaselloke kāñcane bhavane hi saḥ |
tiladhenuṃ ca yo dadyātsavatsāṃ vastrasaṃplutām || 22 ||
[Analyze grammar]

nākapṛṣṭhe vasettāvadyāvadābhūtasamplavam |
gṛhe vā yadi vāraṇye tīrthavartmani vā nṛpa || 23 ||
[Analyze grammar]

toyamannaṃ ca yo dadyādyamalokaṃ sa nekṣate |
sarvadānāni dīyante teṣāṃ phalamavāpyate || 24 ||
[Analyze grammar]

udakaṃ cātra dānaṃ ca dadyādabhayameva ca |
annadānātparaṃ dānaṃ na bhūtaṃ na bhaviṣyati || 25 ||
[Analyze grammar]

kanyādānaṃ tu yaḥ kuryādvṛṣaṃ vā yaḥ samutsṛjet |
tasya vāso bhavettatra yatrāhamiti nānyathā || 26 ||
[Analyze grammar]

uttānapāda uvāca |
kanyādānaṃ kathaṃ svāmin kartavyaṃ dhārmikaiḥ sadā |
parigraho yathā poṣyaḥ kanyodvāhastathaiva ca || 27 ||
[Analyze grammar]

anyatpṛcchāmi deveśa kasya kanyā na dīyate |
dātavyaṃ kutra taddeva kasmai dattamathākṣayam || 28 ||
[Analyze grammar]

uttamaṃ madhyamaṃ vāpi kanīyaḥ syātkathaṃ vibho |
rājasaṃ tāmasaṃ vāpi niḥśreyasamathāpi vā || 29 ||
[Analyze grammar]

īśvara uvāca |
sarveṣāmeva dānānāṃ kanyādānaṃ viśiṣyate |
yo dadyātparayā bhaktyābhigamya tanayāṃ nijām || 30 ||
[Analyze grammar]

kulīnāya surūpāya guṇajñāya manīṣiṇe |
sulagne sumuhūrte ca dadyātkanyāmalaṃkṛtām || 31 ||
[Analyze grammar]

aśvānnā gāṃśca vāsāṃsi yo'tra dadyātsvaśaktitaḥ |
tasya vāso bhavettatra padaṃ yatra nirāmayam || 32 ||
[Analyze grammar]

yenātra duhitā dattā prāṇebhyo'pi garīyasī |
tena sarvamidaṃ dattaṃ trailokyaṃ sacarācaram || 33 ||
[Analyze grammar]

yaḥ kanyārthaṃ tato labdhvā bhikṣate caiva taddhanam |
sa bhavetkarmacaṇḍālaḥ kāṣṭhakīlo bhavenmṛtaḥ || 34 ||
[Analyze grammar]

gṛhe'pi tasya yo'śnīyājjihvālaulyātkathaṃcana |
cāndrāyaṇena śudhyeta taptakṛcchreṇa vā punaḥ || 35 ||
[Analyze grammar]

uttānapāda uvāca |
vittaṃ na vidyate yasya kanyaivāsti ca yadgṛhe |
kathaṃ codvāhanaṃ tasya na yāñcāṃ kurute yadi || 36 ||
[Analyze grammar]

īśvara uvāca |
avitenaiva kartavyaṃ kanyodvahanakaṃ nṛpa |
kanyānāma samuccārya na doṣāya kadācana || 37 ||
[Analyze grammar]

abhigamyottamaṃ dānaṃ yacca dānamayācitam |
bhaviṣyati yugasyāntastasyānto naiva vidyate || 38 ||
[Analyze grammar]

abhigamyottamaṃ dānaṃ smṛtamāhūya madhyamam |
yācyamānaṃ kanīyaḥ syāddehi dehīti cādhamam || 39 ||
[Analyze grammar]

yathaivāśmāśmanābaddho nikṣipto vārimadhyataḥ |
dvāvetau nidhanaṃ yātastadvadannamapātrake || 40 ||
[Analyze grammar]

asamarthe tato dānaṃ na pradeyaṃ kadācana |
dātāraṃ nayate'dhastādātmānaṃ ca viśeṣataḥ || 41 ||
[Analyze grammar]

samarthastārayeddvau tu kāṣṭhaṃ śuṣkaṃ yathā jale |
yathā nauśca tathā vidvānprāpayedaparaṃ taṭam || 42 ||
[Analyze grammar]

āhitāgniśca gṛhṇāti yaḥ śūdrāṇāṃ pratigraham |
iha janmani śūdro'sau mṛtaḥ śvā copajāyate || 43 ||
[Analyze grammar]

vṛthā kleśaśca jāyeta brāhmaṇe hyagnihotriṇi |
asatpratigrahaṃ kurvanguptaṃ nīcasya garhitam || 44 ||
[Analyze grammar]

abhojyaḥ sa bhavenmartyo dahyate kāriṣāgninā |
kaṭakāro bhavetpaścātsapta janma na saṃśayaḥ || 45 ||
[Analyze grammar]

lajjādākṣiṇyalobhācca yaddānaṃ coparodhajam |
bhṛtyebhyaśca tu yaddānaṃ tadvṛthā niṣphalaṃ bhavet || 46 ||
[Analyze grammar]