Chapter 46

[English text for this chapter is available]

| adhyāya || 46 ||
[Analyze grammar]

śrīmārkaṇḍeya uvāca |
sa dānavo varaṃ labdhvā jagāma svapuraṃ prati |
dadarśa svapuraṃ rājañchobhitaṃ citracatvaraiḥ || 1 ||
[Analyze grammar]

udyānaiścaiva vividhaiḥ kadalīkhaṇḍamaṇḍitaiḥ |
panasairbakulaiścaivāmrātairāmraiśca campakaiḥ || 2 ||
[Analyze grammar]

aśokairnālikeraiśca mātuliṅgaiḥ sadāḍimaiḥ |
nānāvṛkṣaiśca śobhāḍhyaṃ taḍāgairupaśobhitam || 3 ||
[Analyze grammar]

devatāyatanairdivyairdhvajamālāsuśobhitaiḥ |
vedādhyayananirghoṣairmaṅgalādyairvināditam || 4 ||
[Analyze grammar]

prāviśadbhavane divye kāñcane rukmamālini |
apaśyatsa sutān bhāryāmamātyān dāsabhṛtyakān || 5 ||
[Analyze grammar]

tato jayapradān sarvānitaścetaśca dhāvataḥ |
hṛcchobhāṃ ca prakurvāṇān vai jayantībhiruccakaiḥ || 6 ||
[Analyze grammar]

kecittoraṇamābadhya kecitpuṣpāṇyavākiran |
mātuliṅgakarāścānye dhāvanti hyandhakaṃ prati || 7 ||
[Analyze grammar]

pure janāśca dṛśyante bhājanairannapūritaiḥ |
pūrṇahastāḥ pradṛśyante tatraiva bahavo janāḥ || 8 ||
[Analyze grammar]

sākṣatairbhājanaistatra śatasāhasrayoṣitaḥ |
mantrān paṭhanti viprāśca maṅgalānyapi yoṣitaḥ || 9 ||
[Analyze grammar]

amātyāścaiva bhṛtyāśca gajāṃścāḍhaukayanti ca |
vardhāpayanti te sarve ye kecitpuravāsinaḥ || 10 ||
[Analyze grammar]

hṛṣṭastuṣṭo'vasattatra sacivaiḥ saha so'ndhakaḥ |
dadarśa sa jagatsarvaṃ turaṅgāṃśca padātikān || 11 ||
[Analyze grammar]

tathaiva vividhān kośāṃstatra kāñcanapūritān |
mahiṣīrgā vṛṣāṃścaivāpaśyacchatrāṇyanekadhā || 12 ||
[Analyze grammar]

sa evamandhakastatra kiyantaṃ kālamāvasat |
hṛṣṭastuṣṭo vasanmartye sa surairnābhyabhūyata || 13 ||
[Analyze grammar]

varaṃ labdhaṃ tu taṃ jñātvā śaṅkitāḥ svargavāsinaḥ |
ekībhūtāśca te sarve vāsavaṃ śaraṇaṃ gatāḥ || 14 ||
[Analyze grammar]

śakra uvāca |
kathamāgamanaṃ vo'tra sarveṣāmapi nākinām |
kasmādvo bhayamutpannamāgatāḥ śaraṇaṃ katham || 15 ||
[Analyze grammar]

tataste hyamarāḥ sarve śakrametadvaco'bruvan || 16 ||
[Analyze grammar]

devā ūcuḥ |
suranāthāndhako nāma daityaḥ śambhuvarorjitaḥ |
ajeyaḥ sarvadevānāṃ kiṃ nu kāryamataḥ param || 17 ||
[Analyze grammar]

tattvaṃ cintaya deveśa ka upāyo vidhīyatām |
itthaṃ vadanti te devāḥ śakrāgre mantraṇodyatāḥ || 18 ||
[Analyze grammar]

mantrayanti ca yāvadvai tāvaccāramukheritam |
jñātvā tatra sa devaughaṃ dānavo nirgato gṛhāt || 19 ||
[Analyze grammar]

ekākī syandanārūḍha āyurdhaibahubhirvṛtaḥ |
durgamaṃ merupṛṣṭhaṃ sa līlayaiva gato nṛpa || 20 ||
[Analyze grammar]

svarṇaprākārasaṃyuktaṃ śobhitaṃ vividhāśramaiḥ |
durgamaṃ śatruvargasya tadā pārthivasattama || 21 ||
[Analyze grammar]

praviveśāsurastatra līlayā svagṛhe yathā |
vṛtrahā bhayamāpannaḥ svakīyaṃ cāsanaṃ dadau || 22 ||
[Analyze grammar]

upaviṣṭo'ndhakastatra śakrasyaivāsane śubhe |
āsthānaṃ kalayāmāsa sarvatastridaśāvṛtam || 23 ||
[Analyze grammar]

śakra uvāca |
kiṃ tavāgamanaṃ cātra kiṃ kāryaṃ kathayasva me |
yadasmadīyaṃ vittaṃ hi tatte dāsyāmi dānava || 24 ||
[Analyze grammar]

andhaka uvāca |
nāhaṃ vai kāmaye kośaṃ na gajāṃśca sureśvara |
svakīyaṃ darśayasvādya svargaśṛṅgārabhūṣitam || 25 ||
[Analyze grammar]

airāvataṃ mahānāgaṃ taṃ caivoccaiḥśravohayam |
urvaśyādīni ratnāni mama darśaya gopate || 26 ||
[Analyze grammar]

pārijātakapuṣpāṇi vṛkṣajātīnanekaśaḥ |
vāditrāṇi ca sarvāṇi darśayasva śacīpate || 27 ||
[Analyze grammar]

tasya tadvacanaṃ śrutvā śakraścintitavānidam |
yo'muṃ nihanti pāpmānaṃ na taṃ paśyāmi karhicit || 28 ||
[Analyze grammar]

nāsti rakṣāpradaḥ kaścitsvargalokasya duḥkhinaḥ |
bhayatrasto dadāvanyadvāditrādyapsarogaṇaiḥ || 29 ||
[Analyze grammar]

raṅgabhūmāvupāviśya kārayāmāsa tāṇḍavam |
upaviṣṭāḥ surāḥ sarve yamamārutakinnarāḥ || 30 ||
[Analyze grammar]

urvaśyādyā apsaraso gītavāditrayogataḥ |
nanṛtuḥ puratastasya sarvā ekaikaśo nṛpa || 31 ||
[Analyze grammar]

na vyaśrāmyata taccittaṃ dṛṣṭvā cāpsarasastadā |
śacīṃ prati manastasya sakāmamabhavannṛpa || 32 ||
[Analyze grammar]

gṛhītvā śakrabhāryāṃ sa prasthitaḥ svapuraṃ prati |
tataḥ pravavṛte yuddhamandhakasya suraiḥ saha || 33 ||
[Analyze grammar]

tena devagaṇāḥ sarve dhvastāḥ pārthivasattama |
saṃgrāme vividhaiḥ śastraiścakravajrādibhirghanaiḥ || 34 ||
[Analyze grammar]

saṃtāpitāḥ surāḥ sarve kṣayaṃ nītā hyanekaśaḥ |
sarve'pi marutastena bhagnāḥ saṃgrāmamūrdhani || 35 ||
[Analyze grammar]

yathā siṃhogajān sarvān vicitya vicaredvanam |
tadvadekena te devā jitāḥ sarve parāṅmukhāḥ || 36 ||
[Analyze grammar]

bālo'dhipo yathā grāme svecchayā pīḍayejjanān |
svairamākramya gṛhṇāti kośavāsāṃsi cāsakṛt || 37 ||
[Analyze grammar]

gataṃ na paśyatyātmānaṃ prajāsaṃtāpanena ca |
gṛhītvā śakrabhāryāṃ sa gato vai dānavottamaḥ || 38 ||
[Analyze grammar]