Chapter 45

[English text for this chapter is available]

|  adhyāya || 45 ||
[Analyze grammar]

śrīmārkaṇḍeya uvāca |
eṣa eva purā praśnaḥ paripṛṣṭo maheśvaram |
rājñā cottānapādena ṛṣidevasamāgame || 1 ||
[Analyze grammar]

uttānapāda uvāca |
idaṃ tīrthaṃ mahāpuṇyaṃ sarvadevamayaṃ param |
guhyādguhyataraṃ sthānaṃ na dṛṣṭaṃ na śrutaṃ hara || 2 ||
[Analyze grammar]

śūlabhedaṃ kathaṃ jātaṃ kenaivotpāditaṃ purā |
māhātmyaṃ tasya tīrthasya vistarācchaṃsa me prabho || 3 ||
[Analyze grammar]

īśvara uvāca |
āsītpurā mahāvīryo dānavo baladarpitaḥ |
martye na tādṛśaḥ kaścidvikrameṇa balena vā || 4 ||
[Analyze grammar]

sūnurbrahmasutasyāyamandhako nāma durmadaḥ |
nijasthāne vasan pāpaḥ kurvan rājyamakaṇṭakam || 5 ||
[Analyze grammar]

hṛṣṭapuṣṭo vasanmartye sa surairnābhibhūyate |
bhavanaṃ tasya pāpasya vahnerupavanaṃ yathā || 6 ||
[Analyze grammar]

etasminnandhakaḥ kāle cintayāmāsa bhārata |
toṣayāmi mahādevaṃ yena sānugraho bhavet || 7 ||
[Analyze grammar]

prārthayāmi varaṃ divyaṃ yo me manasi vartate |
paraṃ sa niścayaṃ kṛtvā so'ndhako nirgato gṛhāt || 8 ||
[Analyze grammar]

revātaṭaṃ samāsādya dānavastapasi sthitaḥ |
ugraṃ tapaścacārāsau dāruṇaṃ lomaharṣaṇam || 9 ||
[Analyze grammar]

divyaṃ varṣasahasraṃ sa nirāhāro'bhavattataḥ |
dvitīyaṃ tu sahasraṃ sa nyavasadvāribhojanaḥ || 10 ||
[Analyze grammar]

tṛtīyaṃ tu sahasraṃ sa dhūmapānarato'bhavat |
caturthaṃ varṣasāhasraṃ yogābhyāsena saṃsthitaḥ || 11 ||
[Analyze grammar]

kopīha nedṛśa cakre tapaḥ paramadāruṇam |
asthicarmāvaśeṣo'sau yāvattiṣṭhati bhārata || 12 ||
[Analyze grammar]

tasya mūrdhni tato rājan dhūmavārttirviniḥsṛtā |
devalokamatītyāsau kailāsaṃ vyāpya saṃsthitā || 13 ||
[Analyze grammar]

tāvaddevasamīpasthā umā vacanamabravīt |
ko'styayaṃ mānuṣe loke tapasogreṇa saṃsthitaḥ || 14 ||
[Analyze grammar]

caturvarṣasahasrāṇi vyatīyuḥ parameśvara |
na kenāpīdṛśaṃ taptaṃ tapo dṛṣṭaṃ śrutaṃ tathā || 15 ||
[Analyze grammar]

avajñāṃ kuruṣe deva kimatra niyamānvite |
sarvasya datse śīghraṃ tvamalpena tapasā vibho || 16 ||
[Analyze grammar]

nākṣakrīḍāṃ kariṣye'dya tvayā saha maheśvara |
yāvannotthāpyate hyeṣa dānavo bhaktavatsala || 17 ||
[Analyze grammar]

īśvara uvāca |
sādhu sādhu mahādevi sarvalakṣaṇalakṣite |
ahaṃ taṃ na vijānāmi kliśyantaṃ dānaveśvaram || 18 ||
[Analyze grammar]

yogābhyāse sthito bhadre dhyāyaṃstatparamaṃ padam |
tatrāgaccha mayā sārddhaṃ yatra tapyatyasau tapaḥ || 19 ||
[Analyze grammar]

umayā sahito devo gatastatra maheśvaraḥ |
asthicarmāvaśeṣastu dṛṣṭo devena śambhunā || 20 ||
[Analyze grammar]

pratyuvāca prasanno'sau devadevo maheśvaraḥ |
bhobhoḥ kaṣṭaṃ kṛtaṃ bhīmaṃ dāruṇaṃ lomaharṣaṇam || 21 ||
[Analyze grammar]

īdṛśaṃ ca tapo ghoraṃ kasmādvatsa tvayā kṛtam |
varaṃ dāsyāmyahaṃ vatsa yaste manasi vartate || 22 ||
[Analyze grammar]

andhaka uvāca |
yadi tuṣṭo'si me deva varado yadi śaṅkara |
surān sarvān vijeṣyāmi tvatprasādānmaheśvara || 23 ||
[Analyze grammar]

īśvara uvāca |
svapne'pi tridaśāḥ sarve na yoddhavyāḥ kadācana |
asaṃbhāvyaṃ na vaktavyaṃ manaso yanna rocate || 24 ||
[Analyze grammar]

anyaṃ kimapi yācasva yaste manasi vartate |
svarge vā yadi vā martye pātāleṣu ca saṃsthitān || 25 ||
[Analyze grammar]

martyeṣu vividhān bhogān bhokṣyasi tvaṃ yathepsitān |
kuru niṣkaṇṭakaṃ rājyaṃ svarge devapatiryathā || 26 ||
[Analyze grammar]

devasya vacanaṃ śrutvā so'ndhako vimanāḥ sthitaḥ |
vṛthā kleśaśca me jāto na kiṃcitsādhitaṃ mayā || 27 ||
[Analyze grammar]

niśvāsaṃ paramaṃ muktvā nipapāta dharātale |
mūlacchinno yathā vṛkṣo nirucchvāsastadābhavat || 28 ||
[Analyze grammar]

mūrcchāpannaṃ tato dṛṣṭvā devī vacanamabravīt |
yaṃ kāmaṃ kāmayatyeṣa tamasmai dehi śaṅkara || 29 ||
[Analyze grammar]

bhaktānupekṣamāṇasya tavākīrtirbhaviṣyati || 30 ||
[Analyze grammar]

īśvara uvāca |
yadi dāsye varaṃ devi icchābhūtaṃ kadācana |
tato na maṃsyate viṣṇuṃ na brahmāṇaṃ na māmapi || 31 ||
[Analyze grammar]

uccatvamāpto deveśi anyānapi surāsurān || 32 ||
[Analyze grammar]

devyuvāca |
kamapyupāyamāśritya utthāpaya maheśvara |
viṣṇuvarjaṃ surānsarvāñjayasveti varaṃ vada || 33 ||
[Analyze grammar]

īśvara uvāca |
upāyaḥ śobhano devi yo me manasi vartate |
tamevāsmai pradāsyāmi yastvayā kathito varaḥ || 34 ||
[Analyze grammar]

tato'mṛtena saṃsiktaḥ svastho'bhūttatkṣaṇādayam |
tathā punarnavo jātaḥ sarvāvayavaśobhitaḥ || 35 ||
[Analyze grammar]

śṛṇuṣvaikamanā bhūtvā gṛhāṇa varamuttamam |
viṣṇuvarjaṃ pradāsyāmi yattavābhimataṃ priyam || 36 ||
[Analyze grammar]

sarvaṃ ca saphalaṃ tubhyaṃ mā dharmaste'nyathā bhavet |
dadāmīti varaṃ tubhyaṃ manyase yadi cāsura || 37 ||
[Analyze grammar]

viṣṇuvarjaṃ surān sarvāñjeṣyasi tvaṃ ca māṃ vinā || 38 ||
[Analyze grammar]

andhaka uvāca |
bhavatvevamiti prāha balamāsthāya kevalam |
viṣṇuvarjaṃ vijeṣye'haṃ svabalena maheśvara || 39 ||
[Analyze grammar]

kṛtārtho'haṃ hi saṃjāta ityuktvā praṇatiṃ gataḥ |
gaccha devomayāsārddhaṃ kailāsaśikharaṃ varam || 40 ||
[Analyze grammar]

vṛṣapuṃgavamāruhya devo'sāvumayā saha |
varaṃ dattvā sa tasyaivaṃ tatraivāntaradhīyata || 41 ||
[Analyze grammar]