Chapter 44

[English text for this chapter is available]

śrīmārkaṇḍeya uvāca |
tīrthānāṃ paramaṃ tīrthaṃ tacchṛṇuṣva narādhipa |
revāyā dakṣiṇe kūle nirmitaṃ śūlapāṇinā || 1 ||
[Analyze grammar]

mokṣārthaṃ mānavendrāṇāṃ nirmitaṃ nṛpasattama ||
yudhiṣṭhira uvāca |
śrutā me vividhā dharmāstīrthāni vividhāni ca |
dānadharmāḥ samastāśca tvatprasādāddvijottama || 2 ||
[Analyze grammar]

anyacca śrotumicchāmi saṃsāraśchidyate yathā |
punarāgamanaṃ nāsti mokṣaprāptirbhavedyathā || 3 ||
[Analyze grammar]

etadākhyāhi me sarvaṃ prasādāddvijasattama || 4 ||
[Analyze grammar]

mārkaṇḍeya uvāca |
śṛṇuṣvaikamanā bhūtvā tīrthāttīrthāntaraṃ mahat |
śrute yasya prabhāve tu mucyate cābdikādaghāt || 5 ||
[Analyze grammar]

vācikairmānasairvāpi śārīraiśca viśeṣataḥ |
kīrtanāttasya tīrthasya mucyate sarvapātakaiḥ || 6 ||
[Analyze grammar]

pañcakrośapramāṇaṃ tu tacca tīrthaṃ mahīpate |
bhuktimuktipradaṃ divyaṃ prāṇināṃ pāpakarmiṇām || 7 ||
[Analyze grammar]

revāyā dakṣiṇe kūle parvato bhṛgusaṃjñitaḥ |
tasya mūrdhni ca tattīrthaṃ sthāpitaṃ caiva śambhunā || 8 ||
[Analyze grammar]

śūlabhedeti vikhyātaṃ triṣu lokeṣu bhūpate |
tatra sthitāśca ye vṛkṣāstīrthāccaiva caturdiśam || 9 ||
[Analyze grammar]

patitā nilayaṃ yānti rudrasya nātra saṃśayaḥ |
mṛtāstatraiva ye kecijjantavo bhuvi pakṣiṇaḥ || 10 ||
[Analyze grammar]

te yānti paramaṃ lokaṃ tatra tīrthe na saṃśayaḥ |
pātālānniḥsṛtā gaṅgā bhogavatītisaṃjñitā || 11 ||
[Analyze grammar]

niṣkrāntā śūlabhedācca sarvapāpakṣayaṃkarī |
yā sā gīrvāṇanāmnyanyā vahetpuṇyā mahānadī || 12 ||
[Analyze grammar]

patitā kuṇḍamadhye tu yatra bhinnaṃ triśūlinā |
śambhunā ca purā tāta utpādya ca sarasvatī || 13 ||
[Analyze grammar]

sā tatra patitā rājan prācīnāghavimocinī |
bhāsvatyā tritayaṃ yatra śilā gīrvāṇasaṃjñitā || 14 ||
[Analyze grammar]

tatra tīrthe ca tattīrthaṃ na bhūtaṃ na bhaviṣyati |
kedāraṃ ca prayāgaṃ ca kurukṣetraṃ gayā tathā || 15 ||
[Analyze grammar]

anyāni ca sutīrthāni kalāṃ nārhanti ṣoḍaśīm |
pañca sthānāni tīrthāni pṛthagbhūtāni yāni ca || 16 ||
[Analyze grammar]

vakṣyāmi ca samāsena ekaikaṃ ca pṛthakpṛthak |
gayā nābhyāṃ yathā puṇyā cakratīrthaṃ ca tatsamam || 17 ||
[Analyze grammar]

dharmāraṇye yathā kūpaṃ śūlabhedaṃ ca tatsamam |
brahmayūpaṃ yathā puṇyaṃ devanadyāstathaiva ca || 18 ||
[Analyze grammar]

yathā gayāśiraḥ puṇyaṃ surāṇāṃ ca yathā śilā |
yathā ca puṣkaraṃ sthānaṃ mārkaṇḍahrada eva ca || 19 ||
[Analyze grammar]

dattvā piṇḍodakaṃ tatra piṇḍāṇāṃ ca tathākṣayam |
yastatra kurute śrāddhaṃ toyaṃ pibati nityaśaḥ |
mucyate sarvapāpaistu uragaḥ kañcukairiva |
anindyānpūjayedviprān dambhakrodhavivarjitān || 20 ||
[Analyze grammar]

trayodaśadinaṃ dānaṃ trayodaśaguṇaṃ bhavet |
abhyarcitaṃ suraṃ dṛṣṭvā gaṇanāthaṃ gajānanam || 21 ||
[Analyze grammar]

sarve vighnā vinaśyanti dṛṣṭvā kambalakṣetrapam || 22 ||
[Analyze grammar]

pūjayetparayā bhaktyā śūlapāṇiṃ maheśvaram || 23 ||
[Analyze grammar]

devasya pūrvabhāge tu umā pūjyā prayatnataḥ |
mārkaṇḍeśaṃ tato bhaktyā pūjayedguhavāsinam || 24 ||
[Analyze grammar]

mucyante pātakaiḥ sarvairajñānajñānasaṃcitaiḥ |
guhāmadhye praviṣṭastu japetsūktaṃ tu tryakṣaram || 25 ||
[Analyze grammar]

nīlaparvatajaṃ puṇyaṃ ṣaṣṭhāṃśena labheta saḥ |
trinarāstatra tiṣṭhanti sādityamarutaiḥ saha || 26 ||
[Analyze grammar]

sarvadevamayaṃ sthānaṃ koṭiliṅgamanuttamam |
yathā nadīnadāḥ sarve sāgare yānti saṃkṣayam || 27 ||
[Analyze grammar]

tathā pāpāni naśyanti śūlabhedasya darśanāt |
pratyakṣo dṛśyate'dyāpi pratyayo hyavanīpate || 28 ||
[Analyze grammar]

visphuliṅgā liṅgamadhye spandante snānayogataḥ |
dvitīyaḥ pratyayastatra tailabindurna sarpati || 29 ||
[Analyze grammar]

evaṃ hi pratyayastatra śūlabhedaprabhāvajaḥ |
yaḥ smarecchūlabhedaṃ tu trikālaṃ nityameva ca || 30 ||
[Analyze grammar]

sa pūtaśca bhavetsākṣātsabāhyābhyantaro nṛpa |
na kasyacinmayā khyātaṃ pṛṣṭo'haṃ tridaśairapi || 31 ||
[Analyze grammar]

guhyādguhyataraṃ tīrthaṃ sadā gopyaṃ kṛtaṃ mayā |
sarvapāpaharaṃ puṇyaṃ sarvadoṣaghnamuttamam || 32 ||
[Analyze grammar]

sarvatīrthamayaṃ tīrthaṃ śūlabhedaṃ janeśvara |
śrute yasya prabhāve tu mucyate sarvapātakaiḥ || 33 ||
[Analyze grammar]

śūlabhedaṃ mayā tāta saṃkṣepātkathitaṃ tava |
yaḥ śṛṇoti naro bhaktyā mucyate sarvapātakaiḥ || 34 ||
[Analyze grammar]