Chapter 17

[English text for this chapter is available]

| adhyāya || 17 ||
[Analyze grammar]

śrīmārkaṇḍeya uvāca |
evaṃ saṃstūyamānastu brahmādyairmunipuṃgavaiḥ |
brahmalokagataistatra saṃjahāra jagatprabhuḥ || 1 ||
[Analyze grammar]

sa tadbhīmaṃ mahāraudraṃ dakṣiṇaṃ vaktramavyayam |
mahādaṃṣṭrotkaṭārāvaṃ pātālatalasaṃnibham || 2 ||
[Analyze grammar]

vidyujjvalanapiṅgākṣaṃ bhairavaṃ lomaharṣaṇam |
mahājihvaṃ mahādaṃṣṭraṃ mahāsarpaśirodharam || 3 ||
[Analyze grammar]

mahāsuraśiromālaṃ mahāpralayakāraṇam |
grasatsamudranihitavātavārimayaṃ haviḥ || 4 ||
[Analyze grammar]

vaḍavāmukhasaṅkāśaṃ mahādevasya tanmukham |
jihvāgreṇa jagatsarvaṃ lelihānamapaśyata || 5 ||
[Analyze grammar]

yojanānāṃ sahasrāṇi sahasrāṇāṃ śatāni ca |
diśo daśa mahāghorā māṃsamedovasotkaṭāḥ || 6 ||
[Analyze grammar]

tasya daṃṣṭrā vyavardhata śataśo'tha sahasraśaḥ |
sāsurānsuragandharvān sayakṣoragarākṣasān || 7 ||
[Analyze grammar]

tasya daṃṣṭrāgrasaṃlagnānsa dadarśa pitāmahaḥ |
dantayantrāntasaṃviṣṭaṃ vicūrṇitaśirodharam || 8 ||
[Analyze grammar]

jagatpaśyāmi rājendra viśantaṃ vyādite mukhe |
nānātaraṅgabhaṅgāṅgā mahāphenaughasaṃkulāḥ |
yathā nadyo layaṃ yānti samudraṃ prāpya sasvanāḥ || 9 ||
[Analyze grammar]

tathā tataṃ viśvamidaṃ samastamanekajīvārṇavadurvigāhyam |
viveśa rudrasya mukhaṃ viśālaṃ jvalattadugraṃ ghananādaghoram || 10 ||
[Analyze grammar]

jvālāstatastasya mukhātsughorāḥ savisphuliṅgā bahulāḥ sadhūmāḥ |
anekarūpā jvalanaprakāśāḥ pradīpayantīva diśo'khilāśca || 11 ||
[Analyze grammar]

tato ravijvālasahasramāli babhūva vaktraṃ calajihvadaṃṣṭram |
maheśvarasyādbhutarūpiṇastadā sa dvādaśātmā prababhūva ekaḥ || 12 ||
[Analyze grammar]

tataste dvādaśādityā rudravaktrādvinirgatāḥ |
āśritya dakṣiṇāmāśāṃ nirdahanto vasuṃdharām || 13 ||
[Analyze grammar]

bhaumaṃ yajjīvanaṃ kiṃcinnānāvṛkṣatṛṇālayam |
śuṣkaṃ pūrvamanāvṛṣṭyā sakalākulabhūtalam || 14 ||
[Analyze grammar]

taddīpyamānaṃ sahasā sūryaistai rudrasambhavaiḥ |
dhūmākulamabhūtsarvaṃ praṇaṣṭagrahatārakam || 15 ||
[Analyze grammar]

jajvāla sahasā dīptaṃ bhūmaṇḍalamaśeṣataḥ |
jvālāmālākulaṃ sarvamabhūdetaccarācaram || 16 ||
[Analyze grammar]

saptadvīpasamudreṣu saritsu ca sarassu ca agniratti jagatsarvamājyāhutimivādhvare || 17 ||
[Analyze grammar]

viśālatejasā dīptā mahājvālāsamākulāḥ |
dadahurvai jagatsarvamādityā rudrasambhavāḥ || 18 ||
[Analyze grammar]

ādityānāṃ raśmayaśca saṃspṛṣṭā vai parasparam |
evaṃ dadāha bhagavāṃstrailokyaṃ sacarācaram || 19 ||
[Analyze grammar]

saptadvīpapramāṇastu so'gnirbhūtvā maheśvaraḥ |
saptadvīpasamudrāntāṃ nirdadāha vasuṃdharām || 20 ||
[Analyze grammar]

sumerumandarāntāṃ ca nirdahurvasudhāṃ tadā |
bhittvā tu saptapātālaṃ nāgalokaṃ tato'dahat || 21 ||
[Analyze grammar]

bhūmyadhaḥ saptapātālānnirdahaṃstārakaiḥ saha |
cacārāgniḥ samantāttu nirdahanvai yudhiṣṭhira || 22 ||
[Analyze grammar]

dhamyamāna ivāṅgārairloharātririva jvalan |
tathā tatprājvalatsarvaṃ saṃvartāgnipradīpitam || 23 ||
[Analyze grammar]

nirvṛkṣā nistṛṇā bhūmirnirnirjharasaraḥ sarit |
viśīrṇaśailaśṛṅgaughā kūrmapṛṣṭhopamābhavat || 24 ||
[Analyze grammar]

jvālāmālākulaṃ kṛtvā jagatsarvaṃ cidāmakam |
mahārūpadharo rudro vyatiṣṭhata maheśvaraḥ || 25 ||
[Analyze grammar]

samātṛgaṇabhūyiṣṭhā sayakṣoragarākṣasā |
tato devī mahādevaṃ viveśa harilocanā || 26 ||
[Analyze grammar]

nirvāṇaṃ paramāpannā śānteva śikhinaḥ śikhā |
jagatsarvaṃ hi nirdagdhaṃ tribhirlokaiḥ sahānagha || 27 ||
[Analyze grammar]

rudraprasādānmuktvā māṃ narmadāṃ cāpyayonijām |
yugānāmayutaṃ devo mayā cādya bubhakṣaṇāt || 28 ||
[Analyze grammar]

purā hyārādhitaḥ śūlī tenāhamajarāmaraḥ |
aghamarṣaṇaghoraṃ ca vāmadevaṃ ca tryambakam || 29 ||
[Analyze grammar]

ṛṣabhaṃ trisuparṇaṃ ca durgāṃ sāvitrameva ca |
bṛhadāraṇyakaṃ caiva bṛhatsāma tathottaram || 30 ||
[Analyze grammar]

raudrīṃ paramagāyatrīṃ śivopaniṣadaṃ tathā |
yathā pratirathaṃ sūktaṃ japtvā mṛtyuṃjayaṃ tathā || 31 ||
[Analyze grammar]

saritsāgaraparyantā vasudhā bhasmasātkṛtā |
varjayitvā mahābhāgāṃ narmadāmamṛtopamām || 32 ||
[Analyze grammar]

mahendro malayaḥ sahyo hemakūṭo'tha mālyavān |
vindhyaśca pāriyātraśca saptaite kulaparvatāḥ || 33 ||
[Analyze grammar]

dvādaśādityanirdagdhāḥ śailāḥ śīrṇaśilāḥ pṛthak |
bhasmībhūtāstu dṛśyante na naṣṭā narmadā tadā || 34 ||
[Analyze grammar]

himavānhemakūṭaśca niṣadho gandhamādanaḥ |
mālyavāṃśca giriśreṣṭho nīlaḥ śveto'tha śṛṅgavān || 35 ||
[Analyze grammar]

ete parvatarā jāno devagandharvasevitāḥ |
yugāntāgnivinirdagdhāḥ sarve śīrṇamahāśilāḥ || 36 ||
[Analyze grammar]

evaṃ mayā purā dṛṣṭo yugānte sarvasaṃkṣayaḥ |
varjayitvā mahāpuṇyāṃ narmadāṃ nṛpasattama || 37 ||
[Analyze grammar]