Chapter 7

[English text for this chapter is available]

adhyāya || 7 ||
[Analyze grammar]

śrīmārkaṇḍeya uvāca |
punarekārṇave ghore naṣṭe sthāvarajaṃgame |
salilenāplute loke nirāloke tamodbhave || 1 ||
[Analyze grammar]

brahmaiko vicaraṃstatra tamībhūte mahārṇave |
divyavarṣasahasraṃ tu khadyota iva rūpavān || 2 ||
[Analyze grammar]

śete yojanasāhasramaprameyamanuttamam |
dvādaśādityasaṃkāśaṃ sahasracaraṇekṣaṇam || 3 ||
[Analyze grammar]

prasuptaṃ cārṇave ghore hyapaśyatkūrmarūpiṇam |
taṃ dṛṣṭvā vismayāpanno brahmā bodhayate śanaiḥ || 4 ||
[Analyze grammar]

stutibhirmaṃgalaiścaiva vedavedāṃgasaṃbhavaiḥ |
vācaspate vibudhyasva mahābhūta namo'stu te || 5 ||
[Analyze grammar]

tavodare jagatsarvaṃ tiṣṭhate parameśvara |
tadvimuñca mahāsattva yatpūrvaṃ saṃhṛtaṃ tvayā || 6 ||
[Analyze grammar]

vyatītā rajanī brāhmī dinaṃ samanuvartate |
nirīkṣya sarvalokeśa yena saṃbhavate jagat || 7 ||
[Analyze grammar]

sa niśamya vacastasya utthitaḥ parameśvaraḥ |
samudgiran sa lokāṃstrīn grastān kalpakṣaye tadā || 8 ||
[Analyze grammar]

devadānavagandharvāḥ sayakṣoragarākṣasāḥ |
sacandrārkagrahāḥ sarve śarīrāttasya nirgatāḥ || 9 ||
[Analyze grammar]

tato hyekārṇavaṃ sarvaṃ vibhajya parameśvaraḥ |
vistīrṇopalatoyaughāṃ saritsaravivardhitām || 10 ||
[Analyze grammar]

paśyate medinīṃ devaḥ savṛkṣauṣadhipalvalām |
himavantaṃ giriśreṣṭhaṃ śvetaṃ parvatamuttamam || 11 ||
[Analyze grammar]

śṛṅgavantaṃ mahāśailaṃ ye cānye kulaparvatāḥ |
jaṃbudvīpaṃ kuśaṃ krauñcaṃ sagomedaṃ saśālmalam || 12 ||
[Analyze grammar]

puṣkarāntāśca ye dvīpā ye ca saptamahārṇavāḥ |
lokālokaṃ mahāśailaṃ sarvaṃ ca purataḥ sthitam || 13 ||
[Analyze grammar]

catuḥprakṛtisaṃyuktaṃ jagatsthāvarajaṃgamam |
yugānte tu viniṣkrāntamapaśyatsa maheśvaraḥ || 14 ||
[Analyze grammar]

viprakīrṇaśilājālāmapaśyatsa vasuṃdharām |
kūrmapṛṣṭhopagāṃ devīṃ mahārṇavagatāṃ prabhuḥ || 15 ||
[Analyze grammar]

tasmin viśīrṇaśailāgre saritsarovivarjite |
nānātaraṃgabhinnoda āvartodvartasaṃkule || 16 ||
[Analyze grammar]

nānauṣadhiprajvalite nānotpalaśilātale |
nānāvihaṃgasaṃghuṣṭāṃ matsyakūrmasamākulām || 17 ||
[Analyze grammar]

divyamāyāmayīṃ devīmutkṛṣṭāmbudasannibhām |
nadīmapaśyaddeveśo hyanaupamyajalāśayām || 18 ||
[Analyze grammar]

madhye tasyāmbudaśyāmāṃ pīnorujaghanastanīm |
vastrairanupamairdivyairnānābharaṇabhūṣitām || 19 ||
[Analyze grammar]

sanūpuraravoddāmāṃ hārakeyūramaṇḍitām |
tādṛśīṃ narmadāṃ devīṃ svayaṃ strīrūpadhāriṇīm || 20 ||
[Analyze grammar]

yogamāyāmayaiścitrairbhūṣaṇaiḥ svairvibhūṣitām |
avyaktāṅgīṃ mahābhāgāmapaśyatsa tu narmadām || 21 ||
[Analyze grammar]

ardhodyatabhujāṃ bālāṃ padmapatrāyatekṣaṇām |
stuvantīṃ devadeveśamutthitāṃ tu jalāttadā || 22 ||
[Analyze grammar]

vismayāviṣṭahṛdayo hyahamudvīkṣya tāṃ śubhām |
snātvā jale śubhe tasyāḥ stotumabhyudyatastataḥ || 23 ||
[Analyze grammar]

arcayāmāsa saṃhṛṣṭo mantrairvedāṃgasaṃbhavaiḥ |
sṛṣṭaṃ ca tatpurā rājanpaśyeyaṃ sacarācaram || 24 ||
[Analyze grammar]

sadevāsuragandharvaṃ sapannagamahoragam |
paśyāmyeṣā mahābhāgā naiva yātā kṣayaṃ purā || 25 ||
[Analyze grammar]

mahādevaprasādācca taccharīrasamudbhavā |
bhūyo bhūyo mayā dṛṣṭā kathitā te nṛpottama || 26 ||
[Analyze grammar]

prādurbhāvamimaṃ kaurmyaṃ ye'dhīyante dvijottamāḥ |
ye'pi śṛṇvanti vidvāṃso mucyante te'pi kilbiṣaiḥ || 27 ||
[Analyze grammar]